IND vs AUS 3rd Test : ब्रिस्बेनमधील तिसऱ्या कसोटीची पावसाने केली मजा खराब, भारताची फलंदाजी कोलमडली

ब्रिस्बेन येथील गाब्बा येथे सुरू असलेल्या भारत विरुद्ध ऑस्ट्रेलिया कसोटी सामन्याच्या तिसऱ्या दिवशी सकाळपासून इंद्रदेवने आपला खेळ दाखवण्यास सुरुवात केली. दिवसभराच्या सामन्यात पाऊस खलनायक ठरला.

भारत विरुद्ध ऑस्ट्रेलिया : भारत आणि ऑस्ट्रेलिया यांच्यातील 5 कसोटी सामन्यांच्या मालिकेतील तिसरा सामना ब्रिस्बेन येथे खेळला जात आहे. सामन्याच्या तिसऱ्या दिवशी पावसाने मजा लुटली. ऑस्ट्रेलियन संघ पहिल्या डावात 445 धावांवर सर्वबाद झाला होता. स्टंपपर्यंत टीम इंडियाची धावसंख्या 51/4 होती. केएल राहुल 33 आणि कर्णधार रोहित शर्मा खाते न उघडता नाबाद आहे. भारतीय संघ पहिल्या डावात अजूनही 394 धावांनी मागे आहे. ऋषभ पंत 9, यशस्वी जैस्वाल 4, विराट कोहली 3 आणि शुभमन गिल 1 धावा करून बाद झाला.

तत्पूर्वी, सामन्याच्या दुसऱ्या दिवशी स्फोटक फलंदाज ट्रॅव्हिस हेडने 152 धावा केल्या आणि अनुभवी फलंदाज स्टीव्ह स्मिथने 101 धावा केल्या. ॲलेक्स कॅरीने 70 धावा केल्या. भारताकडून जसप्रीत बुमराहने सर्वाधिक 6 विकेट घेतल्या. मोहम्मद सिराजला 2 यश मिळाले. आकाश दीप आणि नितीश रेड्डी यांनी प्रत्येकी 1 बळी घेतला. उस्मान ख्वाजा 21, कर्णधार पॅट कमिन्स 20, मिचेल स्टार्क 18, मार्नस लॅबुशेन 12, नॅथन मॅकस्वीनी 9, मिचेल मार्श 5 आणि नॅथन लियॉन 2 धावा करून बाद झाला.

IND vs AUS : कॉमेंटेटरने केली जसप्रीत बुमराहवर टीका! टीव्हीवर मागितली माफी, पाहा व्हिडिओ

ब्रिस्बेन येथील गाब्बा येथे सुरू असलेल्या भारत विरुद्ध ऑस्ट्रेलिया कसोटी सामन्याच्या तिसऱ्या दिवशी सकाळपासून इंद्रदेवने आपला खेळ दाखवण्यास सुरुवात केली. दिवसभराच्या सामन्यात पाऊस खलनायक ठरला. पाऊस आणि खराब प्रकाशामुळे एकूण 8 वेळा खेळ थांबवण्यात आला. दिवसभरात सुमारे ३० षटकांचाच खेळ होऊ शकला. सकाळी सामना सुरू झाल्यानंतर 40 मिनिटांनी पाऊस आला आणि त्यानंतर भारतीय डाव सुरू होण्यापूर्वी पाऊस सुरू झाला. यानंतर पाऊस अनेकवेळा येत-जात राहिला, मैदान कव्हर केले जात होते त्यानंतर काढले जात होते…असाच धुमाकूळ दिवसभर सुरू राहिला.

See more

The play has been called off due to bad light and it will be Stumps on Day 3 in Brisbane.#TeamIndia 51/4 in the 1st innings

Scorecard – https://t.co/dcdiT9NAoa#AUSvIND pic.twitter.com/bGpw7giCSS

— BCCI (@BCCI) December 16, 2024

खराब प्रकाशामुळे खेळ शेवटी थांबवण्यात आला. भारतीय संघाची धावसंख्या 17 षटकांनंतर 51 धावांत 4 विकेट्स अशी आहे. ऑस्ट्रेलियाने पहिल्या डावात 445 धावा केल्या होत्या. या कसोटी सामन्याच्या पहिल्या दिवशी पावसामुळे 15 षटकांचाही खेळ झाला नाही, मात्र दुसऱ्या दिवशी पावसामुळे सामन्यात कोणताही अडथळा निर्माण झाला नाही. मात्र, तिसऱ्या दिवशी सकाळपासूनच पुन्हा काळे ढग दाटून आले.

शनिवारी १४ डिसेंबर रोजी सामन्याच्या पहिल्या दिवशी भारतीय कर्णधार रोहित शर्माने नाणेफेक जिंकली. त्याने प्रथम गोलंदाजी करण्याचा निर्णय घेतला होता. टीम इंडियात दोन बदल करण्यात आले आहेत. अनुभवी फिरकी गोलंदाज रविचंद्रन अश्विन आणि वेगवान गोलंदाज हर्षित राणा यांना वगळण्यात आले. दोघांच्या जागी अष्टपैलू रवींद्र जडेजा आणि वेगवान गोलंदाज आकाश दीपला संधी देण्यात आली.

भारतीय संघाची प्लेइंग 11

यशस्वी जैस्वाल, केएल राहुल, शुभमन गिल, विराट कोहली, ऋषभ पंत (यष्टीरक्षक), रोहित शर्मा (कर्णधार), रवींद्र जडेजा, नितीश कुमार रेड्डी, जसप्रीत बुमराह, मोहम्मद सिराज, आकाश दीप.

ऑस्ट्रेलिया संघाची प्लेइंग 11

उस्मान ख्वाजा, नॅथन मॅकस्वीनी, मार्नस लॅबुशेन, स्टीव्ह स्मिथ, ट्रॅव्हिस हेड, मिचेल मार्श, ॲलेक्स कॅरी (यष्टीरक्षक), पॅट कमिन्स (कर्णधार), मिचेल स्टार्क, नॅथन लायन, जोश हेझलवूड.