शनिवार, 17 ऑक्टोबर 2026
फोटो सौजन्य – X (ICC & PTI)
मँचेस्टरमध्ये इंग्लंडविरुद्ध खेळल्या जाणाऱ्या चौथ्या कसोटी सामन्यात भारतीय क्रिकेट संघ बॅकफूटवर असल्याचे दिसून येत आहे. तथापि, कर्णधार शुभमन गिल आणि केएल राहुल यांनी दमदार भागीदारी करून भारताची सूत्रे हाती घेतली आणि आतापर्यंत इंग्लंडने मिळवलेल्या ३११ धावांच्या आघाडीचा सामना केला आहे. पाचव्या दिवशी, रविवारी परिस्थिती कठीण असेल आणि अशा परिस्थितीत टीम इंडियाला ऋषभ पंतची आवश्यकता असेल. आता प्रश्न असा आहे की दुखापतग्रस्त पंत फलंदाजी करण्याच्या स्थितीत आहे का?
सामन्याच्या पहिल्या दिवशी फलंदाजी करताना पंतच्या पायाला दुखापत झाली. ख्रिस वोक्सचा चेंडू थेट त्याच्या पायाला लागला आणि त्यानंतर तो बाहेर गेला. पंतचेही स्कॅन करण्यात आले. तो पुन्हा फलंदाजीला आला पण तो आरामदायी नव्हता. त्याने विकेटकीपिंगही केले नाही. त्याच्या जागी ध्रुव जुरेलने विकेटकीपिंगची जबाबदारी घेतली. चौथ्या दिवसाचा खेळ संपल्यानंतर, फलंदाजी प्रशिक्षक सीतांशू कोटक यांनी पंतबद्दल अपडेट दिले आहे.
🚨 GOOD NEWS FOR INDIA 🚨 – Rishabh Pant will bat tomorrow in the Second Innings. [Sahil Malhotra] pic.twitter.com/JLrA1jZE89 — Johns. (@CricCrazyJohns) July 26, 2025
त्यांनी सांगितले आहे की पंत पाचव्या दिवशी फलंदाजीला येईल की नाही. पत्रकार परिषदेत कोटक यांनी पंतबद्दल सांगितले की, “मला वाटते की तो उद्या फलंदाजीला येईल. “पंत फलंदाजी करताना किती आरामदायी असेल हे पाहणे बाकी आहे. खऱ्या अर्थाने भारताला पंतची गरज आहे. असा पंत जो केवळ यष्टीवरच टिकत नाही तर आपल्या आक्रमक फलंदाजीने विरोधी संघाचा ताणही दुप्पट करतो. जरी, पंत त्या स्थितीत दिसत नाही, परंतु तो फलंदाजीसाठी आला तरी तो भारतासाठी दिलासा देणारा ठरेल.
इंग्लंडने चौथ्या दिवसाची सुरुवात सात विकेट गमावून ५४४ धावांनी केली. कर्णधार बेन स्टोक्सने आपले शतक पूर्ण केले आणि इंग्लंडचा संघ ६६९ धावांवर सर्वबाद झाला. स्टोक्सने १९८ चेंडूंचा सामना केला आणि ११ चौकार आणि तीन षटकारांच्या मदतीने १४१ धावा केल्या. जो रूटने १५० धावांची खेळी केली. भारतीय संघाला इंग्लडच्या संघाने 358 धावांवर रोखले.
दुसऱ्या डावात भारताकडे ३११ धावांची आघाडी होती. त्यांना मजबूत फलंदाजीची आवश्यकता होती, परंतु वोक्सने पहिल्याच षटकात भारताला दोन धक्के दिले. त्याने चौथ्या चेंडूवर यशस्वी जयस्वाल आणि पाचव्या चेंडूवर साई सुदर्शनला पॅव्हेलियनमध्ये पाठवले. पहिल्या डावात दोघांनाही अर्धशतक झळकावण्यात यश आले. चौथ्या दिनाच्या शेवटी भारताच्या संघाने दोन विकेट गमावून १७४ धावा केल्या आहेत. गिल ७८ धावा करून खेळत आहे आणि केएल राहुल ८७ धावा करून खेळत आहे.
