IND vs ENG :संजू सॅमसन राजकोटमध्ये रचणार इतिहास, मुख्य प्रशिक्षक गौतम गंभीरला सोडू शकतो मागे

भारतीय यष्टीरक्षक संजू सॅमसनसाठी हा सामना खूप महत्त्वाचा आहे. आम्ही असे म्हणत आहोत कारण या सामन्यात त्यांना मुख्य प्रशिक्षक गौतम गंभीरला पराभूत करण्याची संधी आहे.

भारत विरुद्ध इंग्लंड यांच्यामध्ये सध्या पाच सामान्यांची T२० मालिका सुरु आहे. या मालिकेचे पहिले दोन सामने झाले आहेत, या दोन्ही सामान्यांमध्ये भारताच्या संघाने विजय मिळवला आहे. भारत आणि इंग्लंड यांच्यातील पाच सामन्यांच्या T२० मालिकेतील तिसरा सामना मंगळवारी राजकोट येथे होणार आहे. मालिकेत ०-२ ने पिछाडीवर पडलेल्या इंग्लंड संघासाठी मालिकेत पुनरागमन करण्यासाठी हा सामना खूप महत्त्वाचा आहे. भारतीय यष्टीरक्षक संजू सॅमसनसाठी हा सामना खूप महत्त्वाचा आहे. आम्ही असे म्हणत आहोत कारण या सामन्यात त्यांना मुख्य प्रशिक्षक गौतम गंभीरला पराभूत करण्याची संधी आहे.

त्याने इंग्लंडविरुद्धच्या मालिकेची सुरुवात एका दमदार खेळीने केली, जिथे त्याने कोलकाता येथील ईडन गार्डन्सवर २६ धावा केल्या. १३३ धावांच्या लक्ष्याचा पाठलाग करताना त्याने आणि अभिषेक शर्माने पहिल्या विकेटसाठी ४१ धावांची भागीदारी केली. अभिषेकने फलंदाजी सुरू ठेवत ७९ धावा करत भारताला विजयाकडे नेले. दुसऱ्या टी-२० मध्ये सॅमसन फ्लॉप झाला आणि ७ चेंडूत ५ धावा करून बाद झाला. टिळक वर्माच्या ५५ ​​चेंडूत ७२ धावांच्या नाबाद खेळीमुळे भारताने शेवटच्या षटकात दुसरा सामना जिंकला.

See more

You got to be as special & talented as Sanju Samson to put a smile on Gautam Gambhir’s face ♥️ pic.twitter.com/cA9o3n8CSS — Anurag™ (@Samsoncentral) January 21, 2025

दोन सामन्यातील निराशा बाजूला ठेवून संजूला तिसऱ्या टी-२० मध्ये मोठी खेळी खेळायची आहे. त्याने आतापर्यंत ३९ टी-२० आंतरराष्ट्रीय सामन्यांमध्ये ८४१ धावा केल्या आहेत. राजकोटमध्ये क्रिकेटच्या सर्वात लहान फॉरमॅटमध्ये भारतासाठी सर्वाधिक धावा करणाऱ्या फलंदाजांच्या यादीत गंभीरला मागे टाकण्यासाठी त्याला ९२ धावा कराव्या लागतील. गंभीरने ९३२ धावा करत टी-२० कारकिर्दीचा शेवट केला.

सॅमसनने २०१५ मध्ये केले पदार्पण

सॅमसनने २०१५ मध्ये भारतासाठी पदार्पण केले होते. पुढील ४ वर्षे तो राष्ट्रीय संघाबाहेर राहिला. २०१९ मध्ये पुनरागमन केल्यानंतर, सॅमसन सतत संघात आणि बाहेर होता. २०२४ चा T२० विश्वचषक जिंकणाऱ्या संघाचा तो सदस्य होता. नियमित खेळाडूंच्या अनुपस्थितीत त्याने आता राष्ट्रीय T२० संघात आपले स्थान पक्के केले आहे. गेल्या वर्षी या फॉरमॅटमध्ये त्याने तीन शतके झळकावली होती. त्याने २०२४ पासून सातत्याने टीम इंडियासाठी चांगली कामगिरी केली आहे.

ILT20 league मध्ये ड्रामा, थर्ड अंपायरने रन आऊट देऊनही फलंदाजी करत राहिला फलंदाज, वाचा संपूर्ण प्रकरण

याला चॅम्पियन ट्रॉफीच्या संघामध्ये स्थान मिळाले नाही त्यामुळे क्रिकेट तज्ज्ञांनी निवड समितीवर अनेक प्रश्न उपस्थिती केले होते. मागील दोन सामन्यांमध्ये संजू विशेष कामगिरी करू शकला नाही, त्यामुळे आता तिसऱ्या सामन्यांमध्ये संजू सॅमसन कशी कामगिरी करेल हे पाहणं मनोरंजक ठरेल. भारताच्या संघासाठी तिसरा सामना महत्वाचा असणार आहे, तिसऱ्या सामन्यात टीम इंडियाने विजय मिळवल्यास टीम इंडिया मालिका नावावर करेल.