Ind vs Sa 2nd Test : मार्को जॅनसेनचा ‘षटकार’ अन् भारत पराभवाच्या खाईत! २५ वर्षांनंतर झाली ‘त्या’ कामगिरीची पुनरावृत्ती

भारत आणि दक्षिण आफ्रिका यांच्यात तिसरा कसोटी सामना गुवाहाटी येथे खेळला जात आहे. या सामन्याच्या  तिसऱ्या दिवशी दक्षिण आफ्रिकेचा वेगवान गोलंदाज अष्टपैलू मार्को जॅनसेनने ६ विकेट्स घेऊन शानदार कामगिरी केली.

• तिसऱ्या दिवसाअखेर दक्षिण आफ्रिकेचा स्कोअर २६/० 
• दक्षिण आफ्रिकेची सामन्यात ३१४ धावांची आघाडी 
• ६ विकेट्स घेऊन मार्को जॅनसेनची शानदार कामगिरी 

Ind vs Sa 2nd Test : गुवाहाटी येथे भारत आणि दक्षिण आफ्रिका यांच्यात तिसरा कसोटी सामना खेळला जात आहे. या सामन्याच्या  तिसऱ्या दिवशी दक्षिण आफ्रिकेचा वेगवान गोलंदाज अष्टपैलू मार्को जॅनसेनने भारतीय फलंदाजांना चांगळचा त्रास दिला आहे. त्याने पहिल्या डावात १९.५ षटकांत ४८ धावा देऊन ६ विकेट्स घेतल्या आहेत. त्याच्या कामगिरीच्या जोरावर दक्षिण आफ्रिकाने भारताला पहिल्या डावात २०१ धावांत गुंडाळले. दक्षिण आफ्रिकेने यापूर्वी त्यांच्या पहिल्या डावात ४८९ धावा केल्या होत्या, ज्यामुळे दक्षिण आफ्रिकेला २८८ धावांची मोठी आघाडी घेता आली. तरी देखील दक्षिण आफ्रिकेच्या कर्णधाराने फॉलोऑन लागू न करता आपली अदूसऱ्या डावाला  सुरवात केली. तिसऱ्या दिवसाचा खेळ संपला तेव्हा दक्षिण आफ्रिका संघाने एकही गडी न गामावता २६ धावा केल्या होत्या. यासह त्यांनी ३१४ धावांची भक्क आघाडी घेतली आहे. या सामन्यात मार्को जॅनसेनने खास कामगिरी केली आहे.

हेही वाचा : IND VS SA : यशस्वी जयस्वालचा WTC मध्ये महापराक्रम! ‘हा’ विक्रम करत जागतिक क्रिकेटमध्ये रचला इतिहास

मार्को जॅनसेनने यावेळी  उत्कृष्ट गोलंदाजीच केली नाही तर पहिल्या डावात उत्कृष्ट फलंदाजीचे देखील प्रदर्शन दाखवले. त्याने ९१ चेंडूचा सामना करत ९३ धावांची जलद खेळी खेळून त्याच्या संघाला मजबूत धावसंख्या उभी करण्यास मोठे योगदान दिले. महत्त्वाचे म्हणजे, गेल्या २५ वर्षांत पहिल्यांदाच दक्षिण आफ्रिकेच्या खेळाडूने भारतीय भूमीवर कसोटी सामन्यात अर्धशतकासह ५०+ धावा करण्याची किमया साधली आहे. यापूर्वी निकी बोजेने २००० मध्ये हा पराक्रम केला होता. २१ व्या शतकात भारतात हा पराक्रम करणारा जानसेन हा तिसराच परदेशी खेळाडू ठरला आहे. त्याच्या आधी जानसेन आणि वेस्ट इंडिजचा जेसन होल्डर (हैदराबाद, २०१८) यांनी अशी किमया साधली होती.

१९८८ नंतर भारतात कसोटी सामन्यात अर्धशतक ठोकणारा जॅन्सन हा तिसराच डावखुरा वेगवान गोलंदाज ठरला आहे. त्याच्या आधी भारताचा झहीर खान (तीन वेळा) आणि ऑस्ट्रेलियाचा मिशेल जॉन्सन (२०१०) यांनी अशी कामगिरी बजावली होती.

दक्षिण आफ्रिकेच्या वेगवान गोलंदाजांची भारतातील सर्वोत्तम कामगिरी

1. ८/६४ – लान्स क्लुजनर, १९९६
2. ७/५१ – डेल स्टेन, २०१०
3. ६/४८ – मार्को जॅन्सन, २०२५
4. ५/२३ – डेल स्टेन, २००८
5. ५/४० – काइल अ‍ॅबॉट, २०१५

हेही वाचा : Ind vs Sa 2nd Test : गुवाहाटी कसोटीत भारतावर पराभवाचे सावट! तिसऱ्या दिवसाअखेर ३१४ धावांची आघाडी घेत दक्षिण आफ्रिकेची सामन्यावर पकड

भारताचा पहिला डाव २०१ धावांवर कोसळला

भारताचा पहिला डाव २०१ धावांवर गदगडला आहे. भारताकडून यशस्वी जयस्वालने सर्वाधिक ५८ धावा केल्या. तर वॉशिंग्टन सुंदरनेही ९२ चेंडूत ४८ धावा फटकावल्या. तसेच कुलदीपने १३४ चेंडूत १९ धावा काढल्या.  केएल राहुल २२ धावा, साई सुदर्शन १५ धावा, ध्रुव जुरेल ० धावा, ऋषभ पंत ७ धावा, रवींद्र जडेजा ६ धावा, नितीश कुमार रेड्डी १० धावा, कुलदीप यादव १९ धावा, जसप्रीत बुमराह ५ धावा करून बाद झाले तर मोहम्मद सिराज २ धावा करून नाबाद राहिला. दक्षिण आफ्रिकेकडून मार्को जानसेनने सर्वाधिक ६ विकेट्स घेतल्या तर सायमन हार्मरने ३ विकेट्स घेतल्या. तर केशव महाराजने १ विकेट्स घेतल्या