IND vs AFG T20I Series: क्रिकेट चाहत्यांसाठी खूशखबर! भारत-अफगाणिस्तान टी-२० मालिकेची तारीख ठरली; कुठे होणार सामना?

अफगाणिस्तान क्रिकेट बोर्डाने (ACB) नवी दिल्लीत भारताविरुद्ध होणाऱ्या तीन सामन्यांच्या टी-२० आंतरराष्ट्रीय मालिकेच्या तारखा निश्चित केल्या आहेत. हे तिन्ही सामने दिल्लीतील अरुण जेटली स्टेडियमवर खेळले जातील.

• क्रिकेट चाहत्यांसाठी खूशखबर!
• भारत-अफगाणिस्तान टी-२० मालिकेची तारीख ठरली
• कुठे होणार सामना?

IND vs AFG T20 Schedule: अफगाणिस्तान क्रिकेट बोर्डाने (ACB) नवी दिल्लीत भारताविरुद्ध होणाऱ्या तीन टी-२० आंतरराष्ट्रीय सामन्यांच्या मालिकेच्या तारखांना दुजोरा दिला आहे. सोमवारी (१० ऑगस्ट) जारी केलेल्या एका निवेदनात, एसीबीने म्हटले आहे की, हे सामने दिल्लीतील अरुण जेटली स्टेडियमवर १३, १५ आणि १७ सप्टेंबर रोजी खेळले जातील. बोर्डाने हे देखील स्पष्ट केले आहे की, भारतीय क्रिकेट नियामक मंडळाने (बीसीसीआय) देखील या तारखांना सहमती दर्शवली आहे.

⚡️SCHEDULE CONFIRMED⚡️ The ACB has confirmed that the three-match T20I series against India at the Arun Jaitley Stadium in Delhi will be held on September 13, 15 and 17. pic.twitter.com/wrG39jxPBR — Cricbuzz (@cricbuzz) August 11, 2026

क्रिकबझला मिळालेल्या एका पत्रानुसार, अफगाणिस्तान क्रिकेट बोर्डाचे (ACB) सीईओ नसीम खान यांनी त्यांच्या व्यावसायिक भागीदारांना पत्र लिहून कळवले आहे की, अफगाणिस्तानचा भारत दौरा २०२६ हा १३ ते १७ सप्टेंबर दरम्यान आयोजित केला जाईल. त्यांनी पुष्टी केली की, भारतीय क्रिकेट नियामक मंडळाने (बीसीसीआय) देखील या तारखांना सहमती दर्शवली असून, या सामन्यांची ठिकाणेही निश्चित झाली आहेत. भारत आणि अफगाणिस्तान यांच्यात यापूर्वी जूनमध्ये मुल्लानपूर येथे एकच कसोटी सामना खेळला गेला होता, त्यानंतर तीन एकदिवसीय सामन्यांची मालिका झाली.

दिल्ली कॅपिटल्सचा स्टार खेळाडू Abhishek Porel अडचणीत! बलात्कार प्रकरणात जामीन रद्द; ३ दिवसांची पोलीस कोठडी

भारताचा बांगलादेश दौरा रद्द होण्याची शक्यता

अफगाणिस्तान क्रिकेट बोर्डाच्या या निर्णयामुळे आता टीम इंडियाचा बांगलादेश दौरा जवळपास अशक्य झाला आहे. बांगलादेश क्रिकेट बोर्डाने (BCB) मूळतः १ ते १३ सप्टेंबर दरम्यान सहा सामने आयोजित करण्याची योजना आखली होती, परंतु अफगाणिस्तान मालिकेतील एक सामना याच काळात येत आहे. सामन्यांसाठी केवळ तीन आठवडे शिल्लक असताना, सरकारने कोणताही मोठा निर्णय घेतला नाही तर हा दौरा रद्द मानला पाहिजे.

अफगाणिस्तान बोर्डाचे बीसीसीआयला पत्र

अफगाणिस्तान क्रिकेट बोर्डाने (ACB) पुढे म्हटले आहे की, जरी अधिकाऱ्यांकडून मालिकेची अधिकृत घोषणा होणे बाकी असले तरी, “भारत अफगाणिस्तान दौरा २०२६” च्या तारखा आणि स्टेडियमबद्दल निश्चित माहिती देण्यासाठी बोर्ड हे पत्र पाठवत आहे. यामुळे, सामन्यांचे दूरचित्रवाणी आणि माध्यम हक्क असलेल्या कंपन्या आता हे वेळापत्रक लक्षात घेऊन त्यांच्या तयारीचे, प्रसारण व्यवस्थेचे, प्रसिद्धीचे आणि इतर बाबींचे नियोजन सुरू करू शकतात.

भारत विरुद्ध अफगाणिस्तान टी-२० मालिकेचे वेळापत्रक

पहिला टी-२० सामना: १३ सप्टेंबर
दुसरा टी-२० सामना: १५ सप्टेंबर
तिसरा टी-२० सामना: १७ सप्टेंबर

Indian Cricket Fitness: भारतीय क्रिकेटपटू फिटनेससाठी ‘या’ औषधांचा करतायत वापर? GLP-1 च्या वापरावरून नवा वाद, BCCI घेणार का दखल?