IND Vs ENG: Big changes in Team India for Edgbaston; Lottery of 'these' three players including the all-rounder who dominated the Australia tour, Thakur will be dropped.
India and England 2nd Test : भारत इंग्लंडविरुद्ध पाच सामन्यांची कसोटी मालिका खेळली जात आहे. या मालिकेतील पहिला सामना लीड्स येथे भारताने गमावला होता. या सामन्यात इंग्लंडने भारताला ५ विकेट्सने पराभूत करून मालिकेत १-० ने आघाडी घेतली होती. आज भारत आणि इंग्लंड यांच्यातील दूसरा सामना बर्मिंगहॅममधील एजबेस्टन येथे खेळला जात आहे. सामन्यापूर्वी इंग्लंडने नाणेफेक जिंकून प्रथम गोलंदाजी करण्याचा निर्णय घेतला आहे. तर भारत हा संघ प्रथम फलंदाजीसाठी मैदानात उतरणार आहे. या सामन्यात भारतीय संघात मोठे बदल करण्यात आले आहेत. भारताच्या संघात तीन खेळाडूंना स्थान देण्यात आले आहे. भारताने नेमके कोणते बदल केले आहेत ते आपण पाहूया.
भारतीय संघ युवा शुभमन गिलच्या नेतृत्वाखाली आपला दूसरा कसोटी सामना खेळण्यासाठी मैदानात उतरला आहे. लीड्स येथे खेळवण्यात आलेल्या सामन्यात भारताकडून बऱ्याच चुका झाल्या होत्या.त्यामध्ये भारताचे ढिसाळ क्षेत्ररक्षण आणि कमकुवत गोलंदाजी हे पराभवाचे खरे कारणं राहिली आहेत. दुसऱ्या सामन्यात मात्र शुभमन गिलच्या नेतृत्वाखालील टीम इंडिया कोणत्याही परिस्थितीत हा सामना जिंकण्याच्या प्रयत्न करणार आहे. त्यासाठी भारतीय संघात मोठे बदल करण्यात आले आहेत. आधीच निश्चित झाल्याप्रमाणे भारतीय संघाचा मुख्य वेगवान गोलंदाज जसप्रीत बूमराह या सामन्यात खेळणार नाही. त्याच्या जागी वेगवान गोलंदाज आकाश दीपला संघात स्थान देण्यात आले आहे.
तर मागील कसोटी सामन्यात साधारण कामगिरी करणारा भारताचा अष्टपैलू खेळाडू शार्दूल ठाकूरला संघातून वगळण्यात आले आहे. आता त्याच्या जागी ऑस्ट्रेलियामध्ये बॉर्डर-गावस्कर ट्रॉफी गाजवणाऱ्या नितीश कुमार रेड्डीला संधी देण्यात आली आहे. तसेच लीड्स कसोटी सामन्यात पदर्पणात शून्यावर बाद होणारा साई सुदर्शनला या वेळी डच्चू देण्यात आला आहे. त्याच्या जागी ६ व्या क्रमांकावर खेळणारा करूण नायर फलंदाजीला उतरणार आहे. तसेच वॉशिंग्टन सुंदर या अष्टपैलू खेळाडूचा देखील संघात समावेश करण्यात आला आहे.
🚨 Toss and Team Update 🚨 England win the toss and elect to bowl in the 2nd Test in Edgbaston. Three changes for #TeamIndia Updates ▶️ https://t.co/Oxhg97g4BF#ENGvIND pic.twitter.com/fGmkOLai7x — BCCI (@BCCI) July 2, 2025
हेही वाचा : IND Vs ENG : भारतीय संघात होणार मोठी उलथापालथ? एजबॅस्टन कसोटीत कुणाला लागणार लॉटरी, पहा संभाव्य playing XI
जॅक क्रॉली, बेन डकेट, ऑली पोप, जो रूट, हॅरी ब्रूक, बेन स्टोक्स (कर्णधार), जेमी स्मिथ (यष्टीरक्षक), ख्रिस वोक्स, ब्रायडन कार्स, जोश टंग, शोएब बशीर.
यशस्वी जैस्वाल, केएल राहुल, शुभमन गिल (कर्णधार), ऋषभ पंत (यष्टीरक्षक), करूण नायर, वॉशिंग्टन सुंदर, रवींद्र जडेजा, नितीश कुमार रेड्डी, प्रसीध कृष्णा, मोहम्मद सिराज, आकाश दीप
.png "Videos"){kind=small}
