35 चौकार, 140 चेंडू…314 रन! भारतीय वंशाच्या खेळाडूने ऑस्ट्रेलियात ठोकले त्रिशतक, रचला इतिहास

माजी अंडर-१९ फलंदाज हरजस सिंगचा क्रूर फॉर्म सिडनी ग्रेड क्रिकेटमध्ये दिसून आला, जिथे त्याने विरोधी गोलंदाजांना चिरडून टाकले. हरजस सिंगने सिडनी ग्रेड क्रिकेट सामन्यात वेस्टर्न सबर्ब्सकडून खेळताना त्रिशतक झळकावले.

भारतामध्ये सध्या महिला विश्वचषक 2025 सुरु आहे, ऑस्ट्रेलियाच्या संघाने पहिला सामना जिंकला आहे तर दुसरा सामना हा महिला संघाचा श्रीलंकेविरुद्ध सामना पावसामुळे रद्द करण्यात आला आहे. तर भारताचा पुरुष संघाची एकदिवसीय मालिकेला सुरुवात होणार आहे. त्याआधी ऑस्ट्रेलियाच्या क्रिकेट संदर्भात मोठी अपडेट समोर आली आहे. ऑस्ट्रेलियाचा माजी अंडर-१९ फलंदाज हरजस सिंगचा क्रूर फॉर्म सिडनी ग्रेड क्रिकेटमध्ये दिसून आला, जिथे त्याने विरोधी गोलंदाजांना चिरडून टाकले. ४ ऑक्टोबर रोजी, हरजस सिंगने सिडनी ग्रेड क्रिकेट सामन्यात वेस्टर्न सबर्ब्सकडून खेळताना त्रिशतक झळकावले. या सामन्यात, हरजसने सिडनी क्रिकेट क्लबच्या गोलंदाजांना चिरडून टाकले.

६७ चेंडूत २१४ धावांची खेळी

या सामन्यात वेस्टर्न सबर्ब्सकडून हरजस सिंग तिसऱ्या क्रमांकावर फलंदाजीला आला. तिसऱ्या क्रमांकावर फलंदाजी करताना त्याने ७४ चेंडूत आपले शतक पूर्ण केले. त्यानंतर त्याने आणखी आक्रमकता दाखवत पुढील ६७ चेंडूत २१४ धावा केल्या. ५० षटकांच्या या सामन्यात फलंदाजी करताना हरजस सिंगने १४१ चेंडूत ३१४ धावा केल्या, ज्यात ३५ षटकारांचा समावेश होता. या सामन्यात प्रथम फलंदाजी करताना, वेस्टर्न सबर्ब्सने ५० षटकांत ५ गडी गमावून ४८३ धावा केल्या, ज्यामध्ये हरजस सिंगच्या ३१४ धावांचा समावेश होता. वेस्टर्न सबर्ब्सच्या इतर कोणत्याही फलंदाजाला अर्धशतकही करता आले नाही. संघाच्या सलामीवीरांनी प्रत्येकी ३० धावा जोडल्या.

ICC Women Cricket World Cup Points Table : AUS vs SL सामना रद्द झाल्यानंतर भारताचे नशीब उजळले, जाणून घ्या गुणतालिकेचे गणित

सामन्यानंतर हरजस सिंग काय म्हणाले?

सामन्यानंतर हरजस सिंग म्हणाला, “मी पाहिलेला हा निश्चितच सर्वोत्तम बॉल-स्ट्राइकिंग आहे. मला याचा अभिमान आहे कारण मी ऑफ-सीझनमध्ये माझ्या पॉवर-हिटिंगवर खूप काम केले आहे आणि आजची कामगिरी विशेषतः खास होती. मी गेल्या काही हंगामात माझ्या खेळाबाहेरील गोष्टींबद्दल काळजी करण्यात घालवले आहे, परंतु मला वाटते की मी फक्त माझ्या खेळावर लक्ष केंद्रित करू लागलो आहे.”

See more

35 sixes on the way to a 144-ball 314 🤯 An incredible feat in a 50-over Sydney grade cricket game from 20-year-old Harjas Singh! Read more: https://t.co/gbtUJ5Gbk6 pic.twitter.com/OXK5YAqhQe — ESPNcricinfo (@ESPNcricinfo) October 4, 2025

हरजस सिंग आता मर्यादित षटकांच्या ग्रेड-लेव्हल क्रिकेटमध्ये त्रिशतक झळकावणारा पहिला क्रिकेटपटू बनला आहे. ऑस्ट्रेलियातील सिडनी येथे जन्मलेल्या हरजसचे मूळ भारतीय आहे. त्याचे पालक भारतीय वंशाचे आहेत आणि २००० मध्ये चंदीगडहून सिडनीला स्थलांतरित झाले. दक्षिण आफ्रिकेत भारत आणि ऑस्ट्रेलिया यांच्यात २०२४ च्या अंडर-१९ विश्वचषक फायनलमध्येही हरजसने सर्वांचे लक्ष वेधून घेतले. त्या सामन्यात त्याने ६४ चेंडूत ५५ धावा केल्या.