Nikhat Zareen
India’s star boxer Olympian Nikhat Zareen expressed confidence : भारतीय निवडकर्त्यांनी सांगितले की, 51 किलोचे ट्रायलसुद्धा होणार नाही. मी एवढी तयारी केली होती. आणि आता ट्रायलसुद्धा नाही. मग मी क्रीडा मंत्र्यांना पत्र लिहले. नंतर माझी ट्रायल झाली. आणि मी 2022 साली मी वर्ल्ड चॅंम्पियन बनले परंतु माझ्यासाठी ट्रायल होतेय ही खूप मोठी गोष्ट होती. तेव्हाही माझे लक्ष्य ऑलिम्पिकच होते. आतातर मी ऑलिम्पिकसाठी खेळतेय त्यामुळे निश्चितच माझी जबाबदारी वाढलीये.
नक्कीच मी मेडल जिंकेल
पॅरिस ऑलिम्पिकचे वेध लागले आहे. भारतीय संघाचे अनेक अॅथेलिट्स पॅरिस ऑलिम्पिकमध्ये आपले नशीब अजमावणार आहेत. भारताची बॉक्सर निखत जरीन हिच्याकडून भारताला मोठी अपेक्षा आहे. तिने आपल्या मुलाखतीत या विषयी सांगताना, हा जरी माझा पहिला ऑलिम्पिक असला तरी मी चांगली तयारी केली आहे. महत्त्वाचे म्हणजे ती मागच्या वर्षीची वर्ल्ड चॅम्पियन आहे. वर्ल्ड चॅम्पियन असलेल्या निखतची आदर्श आपली स्टार ऑलिम्पिकपटू मेरी कोम आहे. मेरी कॉमने ज्याप्रमाणे ऑलिम्पिकमध्ये पदकांची कमाई केली त्याप्रमाणे निखतला ऑलिम्पिकमध्ये पदक प्राप्त करायचे असल्याचे तिने सांगितले.
मला बिर्याणी आवडते पण मी आता ते टाळतेय
खास करून बिर्याणीची चाहती निखत झरीन आपल्या खेळासाठी विशेष डायेट करीत मासांहार टाळते. कारण वेट जास्त असेल तर तिला स्पर्धेतून बाहेर पडावे लागेल याची काळजी घ्यावी लागते. कारण तिला एकदा असाच अनुभव आला होता. एकवेळ तिचे वजन 51 किलो झाल्यानंतर तिला नॅशनल स्पर्धेतून बाहेर राहावे लागले. त्यामुळे नंतर तिने याबाबत क्रीडा मंत्र्यांना पत्र लिहले आणि नंतर तिचे सिलेक्शन झाले. परंतु, यामधून तिने आहाराबाबत विशेष काळजी घेत डाएटवर भर दिला.
मी विश्वासाला पात्र होण्याचा प्रयत्न करेन
भारताचा स्टार क्रिकेटर दिनेश कार्तिकने घेतलेल्या मुलाखतीत, दिनेशने विचारले की, तू अनेक तरुणींचे प्रेरणास्थान बनणार आहेस. वर्ल्ड चॅम्पियन, एशियन चॅम्पियन, कॉमनवेल्थ गेम्समध्ये मेडल मिळवल्यानंतर आता ऑलिम्पिकमध्ये तुझ्याकडून 123 करोड भारतीयांच्या आशा आहेत. यावर निखतने मोठी निश्वास टाकत, ‘नक्कीच हा माझा पहिलाच ऑलिम्पिक आहे तरीही मी माझा सराव चांगला झालेला आहे, मी उत्तम तयारी केलीय, गेल्यावर्षीचा वर्ल्ड चॅम्पियनशिपचा मला अनुभव असल्याने नक्कीच मी विश्वासास पात्र ठरेन.’
.png "Videos"){kind=small}
