फोटो सौजन्य – X (Proteas Men)
केशव महाराज हा सध्या दक्षिण आफ्रिकेच्या संघाचे नेतृत्व करत आहे, झिम्बाब्वे विरुद्ध दक्षिण आफ्रिका यांच्यामध्ये दोन सामन्याच्या कसोटी मालिकेचे आयोजन करण्यात आले आहे. 2025 मध्ये झालेल्या WTC फायनलमध्ये ऑस्ट्रेलियाच्या संघाला पराभुत करुन संघ चॅम्पियन झाला. अनेक संघातील मुळ खेळाडु हे विश्रांती घेत आहेत. नुकतेच वर्ल्ड टेस्ट चॅम्पियनशिपचे विजेतेपद जिंकणारा दक्षिण आफ्रिका सध्या झिम्बाब्वे दौऱ्यावर आहे आणि बुलावायो येथे त्यांचा पहिला कसोटी सामना खेळत आहे. या दौऱ्यात केशव महाराज संघाचे नेतृत्व करत आहेत आणि त्यांनी कर्णधार म्हणून त्यांच्या पहिल्याच कसोटी सामन्यात इतिहास रचला आहे.
पाकिस्तान नवीन WTC सायकलसाठी सज्ज, या अनुभवी खेळाडूला दिली मुख्य प्रशिक्षकाची जबाबदारी
महाराज याने असे केले आहे जे त्यांच्या देशातील कोणताही फिरकी गोलंदाज आतापर्यंत करू शकला नाही. महाराजांनी सामन्याच्या दुसऱ्या दिवशी हे केले. दुसऱ्या दिनाचा खेळ संपेपर्यंत दक्षिण आफ्रिकेच्या संघाने १ विकेट गमावल्यानंतर ४९ धावा केल्या होत्या आणि झिम्बाब्वेवर २१६ धावांची आघाडी घेतली होती. दक्षिण आफ्रिकेने नऊ विकेट गमावल्यानंतर ४१८ धावांवर आपला पहिला डाव घोषित केला. झिम्बाब्वेचा संघ पहिल्या डावात फक्त २५१ धावाच करू शकला.
महाराज याने पहिल्या डावात झिम्बाब्वेच्या तीन विकेट्स घेतल्या. यासह त्यांनी कसोटीत २०० विकेट्स पूर्ण केल्या. यासह, ते कसोटीत इतके विकेट्स घेणारे पहिले दक्षिण आफ्रिकेचे फिरकी गोलंदाज ठरले आहेत. महाराजांनी क्रेग एर्विनची विकेट घेत विकेट्सचे द्विशतक पूर्ण केले. त्यांच्या आधी दक्षिण आफ्रिकेकडून कसोटीत सर्वाधिक विकेट्स घेण्याचा विक्रम ह्यू टायफिल्डच्या नावावर होता, ज्यांच्या नावावर १७० विकेट्स आहेत. महाराजांनी गेल्या वर्ल्ड टेस्ट चॅम्पियनशिप सायकलमध्येच टायफिल्डला मागे टाकले होते.
HISTORY MADE! 🙌🔥 Keshav Maharaj claims his 200th Test wicket, the very first South African spinner to reach this milestone 🏏. A monumental milestone for our world-class left-arm spinner, written into the history books with pride and passion! 🇿🇦💪 This one’s for the ages,… pic.twitter.com/RrIOLOrc8v — Proteas Men (@ProteasMenCSA) June 29, 2025
झिम्बाब्वेने सामन्याच्या दुसऱ्या दिवशी म्हणजेच रविवारपासून सुरुवात केली. यजमान संघ दक्षिण आफ्रिकेच्या गोलंदाजी आक्रमणासमोर टिकू शकला नाही. शॉन विल्यम्सने त्याच्या संघासाठी शतक झळकावले, परंतु इतर कोणताही फलंदाज त्याला साथ देऊ शकला नाही. विल्यम्सने १६४ चेंडूत १६ चौकारांच्या मदतीने १३७ धावा केल्या. दक्षिण आफ्रिकेकडून वियान मुल्डरने चार बळी घेतले. कोडी युसुफ आणि महाराज यांनी प्रत्येकी तीन बळी घेतले.
दुसऱ्या दिवसाच्या खेळाच्या अखेरीस, दक्षिण आफ्रिकेने मॅथ्यू ब्रीट्झकेची विकेट गमावली आहे. त्याला चिवांगाने बाद केले. त्याने सहा चेंडूत फक्त एक धाव काढली. टोनी डी जॉर्जी आणि मुल्डर खेळ संपेपर्यंत नाबाद आहेत. टोनी २२ धावा काढल्यानंतर खेळत आहे आणि मुल्डर २५ धावा काढल्यानंतर खेळत आहे.
.png "Videos"){kind=small}
