मलिंगाने हात न लावताच केले Run Out, रघुवंशीच्या चुकीने गेला Cameron Green चा बळी

ईडन गार्डन्सवर KKR च्या डावादरम्यान, एहसान मलिंगाचा चेंडू रघुवंशीच्या बॅटला, मग त्याच्या बुटाला आणि नंतर यष्टींवर आदळला.पण एका चुकीमुळे आणि दुर्दैवामुळे कॅमेरॉन ग्रीनला पॅव्हेलियनमध्ये परतावे लागले.

• आयपीएलच्या इतिहासातील विचित्र घटना 

• एकाच्या चुकीमुळे दुसरा झाला रन आऊट 

• अंगकृष रघुवंशीमुळे कॅमरन ग्रीनचा बळी 

दिवसेंदिवस आयपीएल २०२६ ची नशा चाहत्यांवर नेहमीप्रमाणे जादू करू लागली आहे आणि आजही हैदराबाद विरूद्ध कोलकाताच्या मॅचमध्ये असंच दृष्य दिसून आलं. मात्र यावेळी कॅमेरॉन ग्रीन दुर्दैवी ठरला. चेंडूला स्पर्शही न करता तो एहसान मलिंगाच्या गोलंदाजीवर धावबाद झाला. ग्रीनची विकेट केकेआरसाठी एक मोठा धक्का होता. आपण बाद झालो आहोत यावर ग्रीनचा स्वतःचाही विश्वास बसत नव्हता. 

जेव्हा गोलंदाजाने विकेटसाठी अपील केले, तेव्हा अंगक्रिश रघुवंशी दुसऱ्या टोकाकडून पॅव्हेलियनमध्ये परतणार होता, पण संघ व्यवस्थापनाने त्याला मैदानावरच थांबण्याचा सल्ला दिला, कारण पंच रिप्ले तपासत होते. रिप्लेमध्ये स्पष्टपणे दिसत होते की, रघुवंशी नव्हे, तर ग्रीन बाद झाला होता. त्यानंतर रघुवंशी क्रीजवर परतला आणि ग्रीन पॅव्हेलियनमध्ये परतला.

KKR Vs SRH Live: घरच्या मैदानावर ‘केकेआर’चा ‘गेम ओव्हर’; ‘एसआरएच’ने 65 धावांनी केले चारीमुंड्या चीत

नक्की काय घडले?

ईडन गार्डन्सवर केकेआरच्या डावाच्या सहाव्या षटकात एक विचित्र धावबाद झाला, ज्यामुळे चाहते आश्चर्यचकित झाले. रघुवंशीने एहसान मलिंगाच्या पूर्ण लांबीच्या चेंडूवर सरळ फटका मारला, जो मलिंगाच्या बुटांना लागून यष्टींच्या दिशेने परत गेला. 

मलिंगाने चपळाई दाखवत यष्टी उध्वस्त केल्या. रघुवंशीला सुरुवातीला वाटले की तो बाद झाला आहे आणि तो पॅव्हेलियनच्या दिशेने चालू लागला, पण पंचांनी निर्णय कायम ठेवला. रिप्लेमध्ये दिसले की यष्टी उडाण्यापूर्वी दोन्ही फलंदाज एकमेकांना ओलांडून गेले होते, परिणामी कॅमेरॉन ग्रीन (२ धावा) धावबाद झाला. केकेआरसाठी हे दुर्दैवाचे ठरले, जिथे एका छोट्या चुकीमुळे त्यांना एक महत्त्वाची विकेट गमवावी लागली.

कसा होता डाव

प्रथम फलंदाजीसाठी आमंत्रित केलेल्या सनरायझर्स हैदराबादने कोलकाता नाईट रायडर्सविरुद्ध ८ गडी गमावून २२६ धावा केल्या. सनरायझर्सकडून हेनरिक क्लासेनने सर्वाधिक ५२ धावा केल्या. अभिषेक शर्माने ४८, ट्रॅव्हिस हेडने ४६ आणि नितीश कुमार रेड्डीने ३९ धावांचे योगदान दिले. ब्लेसिंग मुझारबानी चार बळींसह केकेआरचा सर्वात यशस्वी गोलंदाज ठरला. वैभव अरोराने दोन बळी घेतले. पहिल्या सामन्यात ग्रीन १८ धावांवर बाद झाला होता; केकेआरने त्याला २५.२० कोटी रुपयांना विकत घेतले होते.

KKR vs SRH Live Toss: केकेआरला ‘अजिंक्य’ ठेवण्यासाठी रहाणेचा ‘हा’ निर्णय; SRH च्या अडचणी वाढणार

कॅमरॉन ग्रीनवर इतके पैसे झालेत खर्च 

आयपीएल २०२६ च्या लिलावात कोलकाता नाईट रायडर्सने कॅमेरॉन ग्रीनवर मोठी रक्कम खर्च केली. मात्र, या ऑस्ट्रेलियन अष्टपैलू खेळाडूने हंगामाच्या पहिल्याच सामन्यात निराशा केली. मुंबई इंडियन्सविरुद्धच्या संघाच्या सलामीच्या सामन्यात तो अवघ्या १८ धावांवर बाद झाला. फिन ॲलन बाद झाल्यानंतर तिसऱ्या क्रमांकावर फलंदाजीला आलेल्या ग्रीनकडून स्फोटक खेळीची अपेक्षा होती, पण शार्दुल ठाकूरने त्याला एका आखूड चेंडूवर पायचीत केले. ग्रीनला २५.२० कोटी रुपयांना विकत घेण्यात आले, ज्यामुळे तो आयपीएल २०२६ च्या लिलावातील केकेआरचा सर्वात महागडा खेळाडू ठरला.