भारताच्या फुटबॉलपटूंसाठी योग्य प्रशिक्षक गरजेचा! लोथर मॅथॉस यांचे खळबळजनक विधान

जर्मन फुटबॉल दिग्गज लोथर मॅथॉस यांनी भारतीय फुटबॉलबाबत मोठे विधान करताना म्हटले आहे की, भारताने आपल्या खेळाडूंना  प्रशिक्षण देण्यासाठी दिग्गज आणि माजी खेळाडूंना नियुक्त करण्याची आवश्यकता आहे.

• जर्मन फुटबॉल दिग्गज लोथर मॅथॉस यांनी भारतीय फुटबॉलबाबत मोठे विधान
• चांगले फुटबॉलपटू निर्माण करण्यासाठी भारताला चांगल्या प्रशिक्षकांची आवश्यकता
• लोथर  मॅथॉस जर्मनीच्या १९९० च्या विश्वचषक विजेत्या संघाचे सदस्य आहेत 

German football legend Lothar Matthaus’s commentary on Indian football : जर्मन फुटबॉल दिग्गज लोथर मॅथॉस यांनी भारतीय फुटबॉलबाबत मोठे विधान केले आहे. दिग्गज लोथर मॅथॉस यांनी असा विश्वास व्यक्त केल आहे की, केवळ सर्वोत्तम प्रशिक्षकच चांगले फुटबॉलपटू निर्माण करू शकतात आणि भारताने आपल्या खेळाडूंना  प्रशिक्षण देण्यासाठी दिग्गज आणि माजी खेळाडूंना नियुक्त करण्याची आवश्यकता असल्याचे मत व्यक्त केले आहे.

हेही वाचा : IPL 2026 ! एडन मार्करमने मानले LSG चे आभार! नव्या IPL हंगामाची करणार जोरदार सुरुवात

लोथर मॅथॉस यांचे मोठे विधान

लोथर मॅथॉस म्हणाले की, केप व्हर्डेसारखे छोटे देश या प्रतिष्ठित स्पर्धेत सहभागी होत असताना जगातील सर्वाधिक लोकसंख्या असलेला भारत विश्वचषकात सहभागी होऊ शकत नाही. जर्मनीच्या १९९० च्या विश्वचषक विजेत्या संघाचे सदस्य मॅथॉस यांनी रविवारी येथे पत्रकारांना सांगितले की, “जेव्हा सर्वोत्तम प्रशिक्षकांकडून शिकतात तेव्हाच तुम्हाला चांगले फुटबॉलपटू मिळतात. चांगले फुटबॉलपटू निर्माण करण्यासाठी भारताला चांगल्या प्रशिक्षकांची आवश्यकता आहे. एक चांगला शिक्षक चांगले विद्यार्थी निर्माण करतो आणि जेव्हा तुमच्याकडे वाईट शिक्षक किंवा वाईट प्राध्यापक असतो तेव्हा तुम्हाला चांगले विद्यार्थी मिळत नाहीत. भारताने आपल्या प्रशिक्षकांना प्रशिक्षण देण्यासाठी त्याच्या काळातील दिग्गज खेळाडू आणि आदरणीय प्रशिक्षक नियुक्त करण्याची आवश्यकता आहे. हे प्रशिक्षक खेळाडूंच्या नवीन पिढीला मदत करू शकतात. तुम्हाला लहान सुरुवात करावी लागेल.”

हेही वाचा : ‘मी हरमनप्रीत आहे का?’ निगार सुलतानाने मारहाणीचे आरोप फेटाळत, भारतीय कॅप्टनवर साधला निशाणा! कर्णधाराचा नवा ड्रामा सुरु

मॅथॉस यांनी केप व्हर्डेचे उदाहरण दिले, जे फक्त दहा लाख लोकसंख्या असूनही पुढील वर्षी विश्वचषकात खेळेल. केप व्हडेंचे उदाहरण घ्या, ज्याची लोकसंख्या खूपच कमी आहे, तरीही ते विश्वचषकात खेळेल. भारत, जगातील सर्वात जास्त लोकसंख्या असलेला देश असूनही, विश्वचषकात खेळत नाही. हे घडू नये. भारताला अशी व्यवस्था शोधण्याची गरज आहे ज्यामध्ये फुटबॉल फेडरेशन, सरकार, क्लब आणि अकादमी एकाच ध्येयासाठी काम करतील, जसे तुम्ही क्रिकेट, हॉकी किंवा बुद्धिबळात केले आहे, जिथे तुम्ही विश्वविजेते निर्माण केले