IND VS NZ : हुश्श…भारतात येऊन न्यूझीलंडने बदलला इतिहास! मालिकेत टीम इंडियाला 3-0 केलं पराभूत

भारताला पहिल्यांदा घरच्या मैदानावर न्यूझीलंडविरुद्ध क्लीन स्वीपचा सामना करावा लागला. भारताला 121 धावांत ऑलआउट करून किवी संघाने मुंबई कसोटी 25 धावांनी जिंकून मालिका 3-0 अशी खिशात घातली.

भारत आणि न्यूझीलंड : भारत आणि न्यूझीलंड यांच्यात मुंबईत अतिशय रोमांचक सामना रंगला. तिसऱ्या दिवशी दुसऱ्या सत्रातील स्पर्धा श्वास रोखणारी ठरली. न्यूझीलंडचा दुसरा डाव 174 धावांवर आटोपला आणि भारतासमोर विजयासाठी 147 धावांचे लक्ष्य होते. न्यूझीलंडने भारतीय संघाचा दुसरा डाव स्वस्तात आटोपून इतिहास रचला. भारताला पहिल्यांदा घरच्या मैदानावर न्यूझीलंडविरुद्ध क्लीन स्वीपचा सामना करावा लागला. भारताला 121 धावांत ऑलआउट करून किवी संघाने मुंबई कसोटी 25 धावांनी जिंकून मालिका 3-0 अशी खिशात घातली. एजाज पटेलने दोन्ही डावात आपले पंजे उघडले आणि एकूण 11 बळी घेतले.

हेदेखील वाचा – IND vs NZ Match Live Update : टीम इंडियाला न्यूझीलंडने भारतात येऊन केलं वाईट वॉश! २५ धावांनी न्यूझीलंडचा विजय

न्यूझीलंड संघाने भारतात कसोटी मालिका जिंकून इतिहास रचला. या विजयात फिरकीपटू एजाज पटेलने महत्त्वाची भूमिका बजावली. 35 वर्षांपूर्वी भारतात कसोटी सामना जिंकणाऱ्या संघाने येऊन क्लीन स्वीप केला होता. मुंबईत खेळल्या गेलेल्या शेवटच्या सामन्यात एजाज पटेलने पहिल्या डावात 5 विकेट्स घेत दुसऱ्या डावात केवळ 57 धावांत 6 बळी घेत कहर केला होता.

See more

#TeamIndia came close to the target but it’s New Zealand who win the Third Test by 25 runs. Scorecard – https://t.co/KNIvTEyxU7#INDvNZ | @IDFCFIRSTBank pic.twitter.com/4BoVWm5HQP — BCCI (@BCCI) November 3, 2024

गोलंदाजांनी सामना फिरवला

पहिल्या डावात 235 धावा केल्यानंतर न्यूझीलंड संघाने भारताला 263 धावांवर ऑलआउट करत मोठी आघाडी घेण्यापासून रोखले. टीम इंडियाकडे 28 धावांची आघाडी होती. सामन्याच्या दुसऱ्या दिवशी न्यूझीलंडच्या दुसऱ्या डावात रवींद्र जडेजा आणि आर अश्विन यांनी अप्रतिम गोलंदाजी करत सामना भारताकडे वळवला. 171 धावांत 9 गडी बाद करत न्यूझीलंडला बॅकफूटवर ढकलून भारतासाठी संधी निर्माण केली. तिसऱ्या दिवशी पाहुण्या संघाने स्कोअरमध्ये आणखी 3 धावांची भर घालून 174 धावा केल्या. भारताकडून रवींद्र जडेजाने या सामन्यात एकूण 10 विकेट घेतल्या.

हेदेखील वाचा – ENG vs WI : इंग्लडचा वेस्ट इंडिजच्या भूमीवर दणदणीत विजय! मालिकेत साधली बरोबरी

भारतीय गोलंदाजांनी दुसऱ्या डावात न्यूझीलंडचा डाव 174 धावांवर कमी केला आणि फलंदाजांसाठी 147 धावांचे लक्ष्य ठेवले, तर किवी गोलंदाजांनी ते अवघड केले. रोहित शर्मा, यशस्वी जैस्वाल, विराट कोहली, शुबमन गिल आणि सरफराज खान यांना झटपट बाद करत किवी संघाने भारताची धावसंख्या 5 विकेट्सवर 29 धावांवर आणली. ऋषभ पंतने येऊन आक्रमक फलंदाजी करत सामना भारताकडे वळवला पण तोही 64 धावांवर पटेलच्या गोलंदाजीवर बाद झाला. न्यूझीलंडकडून एजाज पटेलने सामन्यात 11 विकेट घेतल्या.

भारताच्या फलंदाजांना त्यांच्यावर काम करण्याची आवशक्यता आहे. कारण तीनही सामन्यांमध्ये भारताच्या संघाने निराशाजनक फलंदाजीमुळे टीम इंडियाला तीनही सामने गमवावे लागले. याच महिन्यामध्ये भारताच्या संघासमोर ऑस्ट्रेलियाचे आव्हान असणार आहे. त्यामुळे भारतासमोर हे आव्हान नक्कीच सोपे नसेल. टीम इंडिया बॉर्डर गावस्कर ट्रॉफीसाठी ऑस्ट्रेलिया दौऱ्यावर असणार आहे. यासाठी भारताच्या १८ खेळाडूंच्या संघाची घोषणा करण्यात आली आहे. भारत विरुद्ध ऑस्ट्रेलिया यांच्यामध्ये पाच सामन्याची ही स्पर्धा होणार आहे.