Women's ODI World Cup: Power-hitters and spinners are the big guns in the World Cup! Catch percentage drops, DRS also disappoints....
Women’s ODI World Cup 2025 : महिला एकदिवसीय विश्वचषक २०२५ चा थरार संपला असून क्रिकेट विश्वाला नवा जगज्जेता मिळाला. 2 नोव्हेंबर रोजी नवी मुंबई येथे खेळल्या गेलेल्या महिला एकदिवसीय विश्वचषकाच्या अंतिम सामन्यात भारतीय महिला संघाने दक्षिण आफ्रिका महिला संघाचा ५२ धावांनी पराभव केला आणि जेतेपद आपल्या नावावर केला. या संपूर्ण स्पर्धेत अनेक घटना घडल्या आहेत. ज्यामध्ये फलंदाज कधी गोलंदाजांवर वरचढ ठरले तर कधी गोलंदाजांनी फलंदाज बांधून ठेवले. कधी झेल सुटले तर कधी अप्रतिम झेल देखील टिपण्यात यश आले. तसेच डीआरसने निराशा केली. आता आपण संपूर्ण स्पर्धेतील आकडेवारीमनुसार माहिती घेणार आहोत.
२०२५ च्या आवृत्तीत महिलांच्या खेळात यापूर्वी कधीही न पाहिलेल्या प्रमाणात फलंदाजांची संख्या वाढली आहे. या स्पर्धेत एकूण ११,२७५ पेक्षा अधिक धावा फटकावल्या गेल्या आहेत. जे मागील आवृत्तीपेक्षा एक ही आकडेवारी मोठी आहे. या स्पर्धेत १५ वैयक्तिक शतके देखील झाली आहेत. जी २०१७ मध्ये १४ शतकांपेक्षा जास्त आहेत. या स्पर्धेत २१ फलंदाजांनी २०० धावा पार केल्या आहेत, त्यापैकी २० जणांनी ७५ पेक्षा जास्त धावा केल्या, ही धावसंख्येच्याबाबत मोठी झेप मानली जात आहे.
फलंदाजीच्या धावा करणाऱ्या आणि गोलंदाजीच्या इकॉनॉमी रेटमध्ये सर्वोत्तम फरक असलेल्या संघांनाच फक्त उपांत्य फेरीत स्थान मिळवता आले. ऑस्ट्रेलिया +१.१० च्या सर्वोत्तम फरकासह अव्वल राहीला. त्यानंतर दक्षिण आफ्रिका (०.६३), भारत (०.५२) आणि इंग्लंड (०.०६) यांचा क्रमांक लागतो.
मागील दोन विश्वचषकांमध्ये महिला क्रिकेटमधील पॉवर हिटिंगमध्ये थोडी क्रांती झाल्याचे दिसते. तर २०२५ ने ते सिद्ध करून दाखवले. या स्पर्धेत विक्रमी १३३ षटकार लगावण्यात आले. जे २०१७ च्या तुलनेत १११ षटकारांपेक्षा २२ जास्त आहेत. या आवृत्तीत चेंडू-प्रति-बाउंड्री गुणोत्तर (९.८) दहापेक्षा कमी राहिले होते. पहिल्यांदाच, एका आवृत्तीमध्ये एकूण धावगतीने पाच धावांचा टप्पा पार केला. ज्याचा ५.१४ वर शेवट झाला. या विश्वचषकात डावखुरा फिरकी गोलंदाजांपेक्षा इतर कोणत्याही गोलंदाजीचा जास्त प्रभाव दिसून आला नाही. त्यांनी सर्व प्रकारच्या गोलंदाजीमध्ये सर्वात कमी चेंडू-प्रति-विकेट गुणोत्तर दिले – २९.९९, पुढील सर्वोत्तमपेक्षा सुमारे चार चेंडू कमी, जे उजव्या हाताने लेगस्पिन करत होते. एका आवृत्तीत डावखुरा फिरकी गोलंदाजांनी सर्वाधिक बळी टिपले आहेत, ११०, जे १९८२ मध्ये झालेल्या विक्रमापेक्षा ३३ने जास्त होते.
या स्पर्धेत टॉप-ऑर्डरचे वर्चस्व जरी दिसूनले असले तरी खालच्या ऑर्डरची लवचिकता देखील दिसून आली आहे. २०२५ मध्ये शेवटच्या पाच विकेट्सची सरासरी २०.१ धावा होत्या, जी आकडेवारी ही महिला एकदिवसीय विश्वचषकातील सर्वोत्तम होती आणि प्रति षटक ५.३ धावा काढण्यात आल्या. १९ षटकांत जवळजवळ १०० धावा झाल्याचे आकडेवारीवरुन दिसून येते.
दक्षिण आफ्रिकेची कर्णधार लॉरा वोल्वार्ड्टने या स्पर्धेत ५७१ धावा केल्या, ज्या महिला एकदिवसीय विश्वचषक आवृत्तीत कोणत्याही फलंदाजाने काढलेल्या सर्वाधिक आहेत आणि विश्वचषक नॉकआउटमध्ये आता विक्रमी ३३६ धावा आहेत. दरम्यान, भारताची अष्टपैलू खेळाडू दीप्ती शर्मा एका एकदिवसीय स्पर्धेत २०० पेक्षा जास्त धावा आणि २० पेक्षा जास्त विकेट्स घेणारी पहिली महिला ठरली आहे.
स्पर्धेत संपूर्ण संघांना सोडलेले झेल त्रास देत राहिले आहेत. जवळजवळ प्रत्येक तीन संधींपैकी एक संधी गामावण्यात आली. ज्याची झेल कार्यक्षमता ६७.३% होती, जी २०२२ मधील ७२.९% पेक्षा कमी राहिली आहे. इंग्लंड (७६.९%) आणि न्यूझीलंड (७५%) सर्वात तीक्ष्ण क्षेत्ररक्षण केले. तर बांगलादेश (४४.४%), भारत (६३.३%), दक्षिण आफ्रिका आणि ऑस्ट्रेलिया (दोन्ही ६६.७%) दुसऱ्या टोकावर राहिले.
जर डीआरएस हे खेळात स्पष्टता आणण्यासाठी असेल, तरी त्यामुळे अनेक संघांची निराशा दिसून आली आहे. सरासरी, संघांनी दर तीन प्रयत्नात एक यशस्वी रिव्ह्यू मिळवण्यात यश आले आहे. चुकीच्या कारणांमुळे भारताने आघाडी घेतली असून १५ पैकी ११ डीआरएस अयशस्वी ठरले. त्यानंतर ऑस्ट्रेलिया (६/१०) पाच रिव्ह्यूमध्ये फक्त बांगलादेशने ८०% यश दर मिळवला आहे, इतर कोणत्याही संघाने ४५% ओलांडलेला नाही.
.png "Videos"){kind=small}
