रिंकू सिंग आणि प्रिया सरोज बांधणार यावर्षी लग्नगाठ (फोटो सौजन्य - Instagram)
प्रिया सरोज यांचे वडील आणि सपा आमदार, तुफानी सरोज यांच्या म्हणण्यानुसार, दोन्ही कुटुंबांच्या संमतीने लग्नाची तारीख आणि ठिकाण निश्चित झाले आहे. लग्नाची तयारी जवळपास पूर्ण झाली आहे. हा सोहळा सर्व विधींसह पार पडेल.
या जोडप्याचे लग्न मूळतः वाराणसी येथील ताज हॉटेलमध्ये होणार होते, परंतु रिंकू सिंगच्या वडिलांच्या निधनानंतर ते पुढे ढकलण्यात आले. आता दोन्ही कुटुंबांनी नव्याने तयारी पूर्ण केली आहे. प्रिया आणि रिंकू यांचा जून २०२५ मध्ये साखरपुडा झाला. तेव्हापासून ते चर्चेत आहेत. बऱ्याचदा सामन्याच्या वेळी रिंकूबरोबर त्याची होणारी पत्नी प्रिया सरोज त्याच्याबरोबर वर्षभर वेगवेगळ्या ठिकाणी दिसली होती.
UP T20 League: रिंकू सिंहच्या नेतृत्वात मेरठची टीम चॅम्पियन, फायनलमध्ये लखनऊला 94 धावांनी चिरडले
एका मुलाखतीत प्रिया सरोजने सांगितले की, तिच्या बहिणीच्या फूड ब्लॉगिंग पेजचा प्रचार करत असताना तिचा आणि रिंकू सिंगचा संवाद सुरू झाला. कोणीतरी तिला रिंकूबद्दल सांगितले होते. त्यानंतर तिने इन्स्टाग्रामवर रिंकूला शोधले. त्यावेळी रिंकूचे अंदाजे १,२०,००० फॉलोअर्स होते, तर प्रियाचे अंदाजे १,००० होते. प्रियाच्या म्हणण्यानुसार, रिंकूने तिची पोस्ट लाईक केली आणि सुमारे पाच दिवसांनंतर मेसेज केला.
प्रियाने सांगितले की, सुरुवातीच्या काळात ते तिचा भाऊ आणि रिंकूचा सहकारी, नितीश राणा यांच्यामार्फत संवाद साधत होते. रिंकूने २०२२ मध्ये लग्नाची मागणी घातली होती, पण त्यावेळी प्रिया न्यायाधीश बनण्याची तयारी करत होती आणि लग्नासाठी तयार नव्हती.
प्रियाच्या म्हणण्यानुसार, तिच्या वडिलांना सरकारी नोकरी असलेला मुलगा हवा होता. रिंकूने तिला सांगितले होते की, भारतीय संघात निवड झाल्यावर कुटुंब सहमत होईल. २०२३ मध्ये रिंकूच्या प्रभावी कामगिरीनंतर आणि भारतीय संघात निवड झाल्यानंतर, नात्यासंदर्भातील परिस्थिती बदलली. प्रियाने सांगितले की, २०२४ मध्ये तिच्या दिराने तिच्या वडिलांना या नात्याबद्दल सांगितले. दोन्ही कुटुंबांच्या संमतीनंतर, लग्नाची तारीख आता निश्चित झाली आहे.
.png "Videos"){kind=small}
