RSA vs UAE, T20 World Cup : दक्षिण आफ्रिकेचा युएईवर 6 गडी राखून विजय! दिमाखात सुपर 8 मध्ये एंट्री 

हेही वाचा : IND vs NED, T20 World Cup: आज नेदरलँडपुढे बलाढ्य भारताचे आव्हान! अहमदाबादमध्ये सूर्या आर्मी गाठणार 300 धावांचा पल्ला?

कॉर्बिन बॉशची भेदक गोलंदाजी

आलिशान शराफूने ३८ चेंडूत ४५ धावा करून बाद झाला. मोहम्मद अरफानने शेवटी येऊन ११ धावा केल्या. दक्षिण आफ्रिकेच्या गोलंदाजांनी यूएईच्या फलंदाजांना जलद धावा करण्यापासून रोखले. यूएईचा संघ फक्त १२२ धावाच करू शकला. दक्षिण आफ्रिकेकडून कॉर्बिन बॉशने ४ षटकात फक्त १२ धावा देत सर्वाधिक ३ बळी टिपले.  अँरिच नॉर्टजेने ४ षटकात २८ धावा देत २ बळी घेतले.  तर जॉर्ज लिंडेने १ बळी घेतला.

दक्षिण आफ्रिकेची शानदार सुरुवात

१२३ धावांच्या लक्ष्याचा पाठलाग करण्यासाठी उतरेलल्या दक्षिण आफ्रिका संघाने शानदार सुरुवात केली. कर्णधार एडेन मार्कराम आणि क्विंटन डी कॉक या सलामीवीरांनी  ३ षटकात ३२ धावा काढत जलद सुरुवात केली. मार्कराम ११ चेंडूत २८ धावा काढून बाद झाला, या खेळीत त्याने ५ चौकार आणि १ षटकार लगावले.तर ५६ धावांवर डी कॉक बाद झाला. डी कॉक १६ चेंडूत १४ धावा करून बाद झाला.

हेही वाचा : अरेरे पाकवर काय ही वेळ! ‘आम्ही भांडीही धुतली…’ कर्णधाराने हॉटेलमध्ये मिळालेल्या वागणुकीची कहाणी उलगडली

दक्षिण आफ्रिकेचा सुपर ८ मध्ये प्रवेश

दासखीन आफ्रिकेच्या रायन रिकेलटनने १६ चेंडूत ३० धावा केल्या, ज्यामध्ये त्याने २ षटकार आणि ३ चौकार लगावले. तर  डेवाल्ड ब्रुईसने २५ चेंडूत ३६ धावा केल्या, ज्यामध्ये ३ षटकार आणि १ चौकारांचा समावेश होता. दोघांनी तिसऱ्या विकेटसाठी ३० चेंडूत ४९ धावांची महत्वपूर्ण भागीदारी केली. स्टब्स ७ चेंडूत ६ धावा काढून नाबाद राहिला आणि जेसन स्मिथ ५ चेंडूत ३ धावा काढून नाबाद राहिला. या दोघांनी  दक्षिण आफ्रिकेच्या विजयावर शिक्कामोर्तब केले. दक्षिण आफ्रिकेने  १३.२ षटकांत ४ गडी गमावून १२३ धावा करत ६ गडी राखून सामना जिंकला. या विजयासह दक्षिण आफ्रिकेने(टी-२० विश्वचषक २०२६) सुपर ८ मध्ये एंट्री केली. कॉर्बिन बॉश सामनावीर म्हणून सन्मानित करण्यात आले.

संबंधित बातम्या