वैभव सूर्यवंशीची फलंदाजी पाहून संजू सॅमसन चकीत! सांगितला एक मजेदार किस्सा

संजू सॅमसनने त्याच्या कारकिर्दीत अनेक खास खेळी खेळल्या आहेत आणि पाहिल्या आहेत, परंतु १४ वर्षीय वैभव सूर्यवंशीच्या खेळीप्रमाणे त्याला क्वचितच कोणी आश्चर्यचकित केले नसेल कारण त्यांची खेळी पाहुन सर्वच चकित झाले होते.

आयपीएल 2020 च्या मिनी लिलावाच्या चर्चा आतापासूनच सुरू झाल्या आहेत. चेन्नईच्या संघाने आयपीएल 2025 मध्ये फार काही चांगले कामगिरी केली नाही त्यामुळे त्या संघामध्ये अनेक बदल होण्याची शक्यता वर्तवली जात आहे. चेन्नईच्या संदर्भात सर्वात मोठी चर्चा सध्या सुरू आहे ती म्हणजे संजू सॅमसन. राजस्थान रॉयल्सची साथ संजू सॅमसन सोडणार अशी अटकळ बांधली जात आहे. या संदर्भात अजून पर्यंत कोणतीही अधिकृत माहिती आलेली नाही पण आत्ता भारताचा माजी खेळाडू आर अश्विन शेअर केलेल्या मुलाखतीमध्ये त्याने अनेक मोठे खुलासे केले आहेत.

संजू सॅमसनने त्याच्या कारकिर्दीत अनेक खास खेळी खेळल्या आहेत आणि पाहिल्या आहेत, परंतु १४ वर्षीय वैभव सूर्यवंशीच्या खेळीप्रमाणे त्याला क्वचितच कोणी आश्चर्यचकित केले नसेल कारण त्यांची खेळी पाहुन सर्वच चकित झाले होते. वैभवने केवळ १४ व्या वर्षी आयपीएल २०२५ मध्ये पदार्पण केले आणि या रंगीत लीगमध्ये सहभागी होणारा सर्वात तरुण खेळाडू बनला. वैभवने त्याच्या पॉवर फटक्याने केवळ संजू सॅमसनलाच नव्हे तर संपूर्ण जगाला आश्चर्यचकित केले. 

भारताचा माजी खेळाडू रविचंद्रन अश्विनच्या याने त्याच्या यूट्यूब चॅनेलवर संजुसोबतची मुलाखत शेअर केली आहे यामध्ये तो म्हणाला की, सॅमसनला त्याच्या आवडत्या क्रिकेट आठवणी – भूतकाळातील तसेच अलिकडच्या आठवणी शेअर करण्यास सांगितले गेले. गेल्या काही काळासाठी, त्याने दोन संस्मरणीय डाव निवडले, १९९८ मध्ये ऑस्ट्रेलियाविरुद्ध सचिन तेंडुलकरची डेझर्ट स्टॉर्म इनिंग आणि २००४ मध्ये इंग्लंडविरुद्ध ब्रायन लाराची नाबाद ४०० धावांची खेळी.

सध्याच्या काळात, सॅमसनने वैभव सूर्यवंशीचे नाव घेण्यास अजिबात संकोच केला नाही. “राजस्थान रॉयल्ससाठी संपूर्ण मैदानावर चमकणारा तरुण खेळाडू – वैभव सूर्यवंशी. जेव्हा वैभवने पहिल्या बाॅलवर षटकार मारला तेव्हा मला वाटले, चला, तो भाग्यवान पण हे त्याने आयपीएल 2025 मध्ये अनेक सामन्यामध्ये केले आहे. पण नंतर तो फक्त धावत राहिला आणि त्याच्या फटक्यांची गुणवत्ता पाहून मला खरोखर आश्चर्य वाटले,” तो हसत म्हणाला. 

CSK ला मिळाला नवा विकेटकिपर? संजू घेणार धोनीची जागा…वाचा सविस्तर

राजस्थान रॉयल्सने वैभव सूर्यवंशीला १.१ कोटी रुपयांना त्यांच्या संघात घेतले होते. हंगामाच्या पहिल्या सहामाहीत त्याला संधी मिळाली नाही, पण दुसऱ्या सहामाहीत संधी मिळताच त्याने ती दोन्ही हातांनी जिंकली. वैभवने पहिल्याच खेळलेल्या चेंडूवर षटकार मारून त्याच्या आयपीएल कारकिर्दीची दमदार सुरुवात केली. या षटकाराने त्याने हे देखील दाखवून दिले की तो कोणालाही घाबरत नाही.

आयपीएल २०२५ मध्ये, वैभव सूर्यवंशीने ७ सामन्यांमध्ये २०६.५६ च्या आश्चर्यकारक स्ट्राईक रेटसह २५२ धावा केल्या. या दरम्यान, त्याने एक शतक देखील केले. आयपीएलच्या इतिहासात शतक करणारा वैभव हा सर्वात तरुण फलंदाज देखील आहे.