Asian Games: हिमाचलच्या लेकीचा जपानमध्ये डंका! सीमाने १०,००० मीटर शर्यतीत जिंकले ‘Bronze’ मेडल

Asian Games: सीमा ही मूळची हिमाचल प्रदेश येथील असून, तिने ५,००० मीटर आणि १०,००० मीटरच्या राष्ट्रीय व आंतरराष्ट्रीय स्पर्धांमध्ये आपल्या प्रभावी कामगिरीच्या जोरावर विशेष ओळख निर्माण केली आहे.

• एथलेटिक्समध्ये भारताचे पदकाचे खाते उघडले
• सीमाने १०,००० मीटर शर्यतीत जिंकले कांस्यपदक
• एथलेटिक्समधील भारताच्या पहिल्या पदकाची नोंद

Asian Games 2026: जपानमध्ये सुरू असलेल्या एशियन गेम्स 2026 स्पर्धेत भारताने शानदार कामगिरी दाखवली आहे. आतापर्यंत 15 पेक्षा जास्त पदके भारताने जिंकली आहेत. त्यातच आता एथलीट्समध्ये देखील भारताने चांगली कामगिरी केल्याचे दिसून आले आहे. भारताची महिला धावपटू सीमा कुमारी हिने महिलांच्या १०,००० मीटर शर्यतीत उत्कृष्ट कामगिरी करत कांस्यपदक जिंकले आहे.  या पदकासह चालू आशियाई क्रीडा स्पर्धेत एथलेटिक्समधील भारताच्या पहिल्या पदकाची नोंद झाली आहे.

महिलांच्या १०,००० मीटरच्या अत्यंत कठीण आणि आव्हानात्मक स्पर्धेत सीमा कुमारीने सुरुवातीपासूनच स्वतःची आपली पकड कायम ठेवली. आशियातील सर्वोत्तम धावपटूंच्या कडव्या आव्हानाला तिने चांगलेच झेलले. शेवटी तिने अंतिम फेरीत योग्य वेळेसह तिसरे स्थान मिळवले आणि भारतासाठी कांस्यपदक जिंकून दिले. तिने केलेल्या या कामगिरीबद्दल तिचे सर्वत्र कौतुक केले जात आहे.

🔥 A HISTORIC RUN! A HARD-EARNED BRONZE! 🥉🇮🇳 SEEMA KUMARI (TOPS Development) delivers a sensational 32:50.05 to win 🥉 in the Women’s 10,000m Final at #AsianGames2026! A medal in the event after 16 years — India’s first since 2010! 👏🔥#AsianGames2026 #Cheer4Bharat… pic.twitter.com/Q3Euv3tmNn — SAI Media (@Media_SAI) September 24, 2026

आशियाई क्रीडा स्पर्धेत भारताला नेहमीच एथलेटिक्स कडून मोठ्या पदकांची अपेक्षा असते. सीमाच्या या यशामुळे भारतीय एथलेटिक्स पथकातीळ खेळाडूंचा आत्मविश्वास आणखी उंचावला आहे. त्यामुळे या क्रीडाप्रकारांत भारताला आणखी पदके मिळण्याची आशा निर्माण झाली आहे.

पुण्यात टी-२० क्रिकेटचा थरार! ‘स्पार्टन मान्सून लीग’मध्ये ‘या’ ३ संघांनी मारली बाजी

सीमा ही मूळची हिमाचल प्रदेश येथील असून, तिने ५,००० मीटर आणि १०,००० मीटरच्या राष्ट्रीय व आंतरराष्ट्रीय स्पर्धांमध्ये आपल्या प्रभावी कामगिरीच्या जोरावर विशेष ओळख निर्माण केली आहे. अनेक मोठ्या आंतरराष्ट्रीय व्यासपीठांवर तिने भारताचे प्रतिनिधित्व केले असून, राष्ट्रीय स्तरावरही तिने सातत्याने चमकदार कामगिरी केल्याचे पाहायला मिळाले.

Asian Games 2026 मध्ये पुरुष क्रिकेटला सुरुवात; भारताला कडवी झुंज, पण अफगाणिस्तानसमोर फुस्स, जपानचा घरच्या मैदानावर दारुण पराभव

जपानमध्ये २०२६ च्या आशियाई क्रीडामध्ये पुरुष क्रिकेट स्पर्धेला सुरुवात झाली आहे. स्पर्धेतील पहिला सामना गुरुवार, २४ सप्टेंबर रोजी यजमान जपान आणि अफगाणिस्तान यांच्यात खेळला गेला. हिला सामना खेळला गेला असून तो खूपच रोमांचक होता. नुकतीच भारतीय संघाला कडवी झुंज देणाऱ्या जपानला ४८ धावांनी मोठा पराभव पत्करावा लागला.