Smriti Mandhana wedding : लग्नापूर्वी स्मृती आणि पलाश आपापसात भिडले! टीम ब्राइडने दाखवला दम; विजयाचा उत्सव व्हायरल

लग्नापूर्वी, भारतीय खेळाडू स्मृती मानधना आणि संगीतकार पलाश मुच्छल या दोघांनी त्यांच्या मित्रांसह आणि जवळच्या लोकांसह "टीम ब्राइड" विरुद्ध "टीम ग्रूम" हा मैत्रीपूर्ण क्रिकेट सामना आयोजित केला गेला होता.

• २३ नोव्हेंबर रोजी स्मृती मानधना आणि पलाश मुच्छल यांचा विवाह होणार 
• लग्नापूर्वी टीम ब्राइड आणि टीम ग्रूम यांच्यात रंगला सामना 
• टीम ब्राइडने मिळवला विजय 

Smriti and Palash face to face before the wedding: २३ नोव्हेंबर रोजी स्मृती मानधना आणि संगीतकार पलाश मुच्छलयांचा विवाह सोहळा रंगणार आहे.  त्यांच्या लग्नापूर्वी, भारतीय खेळाडू स्मृती मानधना आणि संगीतकार पलाश मुच्छल यांनी त्यांच्या लग्नाची तयारी एका अनोख्या पद्धतीने साजरी केलेली दिसून आली आहे. दोघांनी त्यांच्या मित्रांसह आणि जवळच्या लोकांसह “टीम ब्राइड” विरुद्ध “टीम ग्रूम” हा मैत्रीपूर्ण क्रिकेट सामना आयोजित करण्यात आला होता. या मैत्रीपूर्ण सामन्यात मानधना टीम ब्राइडचे नेतृत्व करताना दिसून आली होती, तर पलाश मुच्छल टीम ग्रूमचे नेतृत्व केले होते.

हेही वाचा : Ashes series 2025: पर्थवर Travis Head च्या वादळात ‘साहेब’ उद्ध्वस्त! ऑस्ट्रेलियाकडून इंग्लंडचा 8 विकेट्सने धुव्वा

टीम इंडियाच्या महिला खेळाडूंच्या उपस्थितीने रंजक सामना

या सामन्यात केवळ जोडपेच नाही तर भारतीय महिला क्रिकेट संघातील अनेक प्रसिद्ध खेळाडूंनी देखील सहभाग नोंदवला होता. टीम ब्राइडसाठी आघाडीच्या फलंदाज शफाली वर्मा, अरुंधती रेड्डी, जेमिमाह रॉड्रिग्ज, रेणुका सिंग, राधा यादव आणि रिचा घोष यांनी भाग घेतला होता. त्यांच्या उपस्थितीने कार्यक्रम अधिकच खास बनवला होता.

टीम ब्राइडचा विजय

टीम ब्राइड आणि टीम ग्रूम यांच्यातील सामन्याचे वातावरण हलकेफुलके आणि चैतन्यशील दिसून आले. हा लग्नापूर्वीचा सामना उत्साहाने, हास्याने आणि मजेने खेळवण्यात आला. या सामन्यात टीम ब्राइडने दमदार विजय मिळवला. या सामन्यातील विजयानंतरचा आनंद जास्त वेळ लपून राहिला नाही तर सोशल मीडियावर लवकरच व्हायरल झाला. स्टंप उचलणे, नाचणे आणि आनंदाची झलक प्रत्येक व्हिडिओमध्ये दिसत आहे.

See more

सामना संपल्यानंतर स्मृती मानधना आणि पलाश मुच्छल यांनी मध्यभागी येऊन भेट घेतली आणि हस्तांदोलन केले, तसेच मिठी देखील  मारली. सामन्यानंतरचा हा एक हृदयस्पर्शी क्षण असल्याचे बोलले जात आहे. जो त्यांच्या मैत्री, प्रेम आणि समजुतीचे स्पष्ट प्रतिबिंब दाखवणारे असे होते.

हेही वाचा : NZ vs WI : न्यूझीलंड दौऱ्यासाठी वेस्ट विंडीज कसोटी संघाची घोषणा! ‘या’ खेळाडूचे पुनरागमन

हे लग्नापूर्वीचे सेलिब्रेशन स्टाईल व्हायरल

टीम ब्राइड आणि टीम ग्रूम यांच्यातील सामना हा त्यांच्या लग्नापूर्वीच्या उत्सवांचा एक भाग होता, जो केवळ त्यांचे नातेच नाही तर त्यांची मैत्री, मजा आणि स्वप्ने देखील स्पष्ट करतो. त्यांच्या आयुष्यातील हा नवीन टप्पा प्रेम, विश्वास आणि सामायिक स्वप्नांकडे त्यांच्या प्रवासाची सुरुवात आहे.