T20 विश्वचषक 2024 च्या ग्रुप A मधील गुणतालिकेत टीम इंडिया अव्वल स्थानावर

भारताच्या संघाने आतापर्यत विश्वचषकामध्ये चमकदार कामगिरी केली आहे, त्याचबरोबर टीम इंडियाने आतापर्यत दोन्ही साखळी सामने जिंकले आहेत.

टीम इंडिया : भारताचा संघ सध्या T20 विश्वचषक 2024 मध्ये चांगल्या स्थितीत आहे. T20 विश्वचषक 2024 चा थरार अत्यंत रोमांचक सुरु आहे. टॉप-8 मध्ये जाण्यासाठी सर्व संघ चांगलीच कसरत करत आहे. भारताच्या संघाचा विचार केला तर भारताच्या संघाचे ४ साखळी सामने विश्वचषकामध्ये होणार आहेत. यामध्ये भारताच्या संघाचे दोन सामने पार पडले आहेत. आता भारताचे आणखी दोन साखळी सामने शिल्लक आहेत. भारताचा पुढील सामना यूएसएविरुद्ध होणार आहे तर शेवटचा सामना कॅनडाविरुद्ध आयोजित करण्यात आला आहे.

[read_also content=”भारत-पाक सामन्याचा मसिहा ठरला मोहम्मद सिराज, मियाँभाईने नक्की काय केले जाणून घ्या https://www.navarashtra.com/sports/know-how-mohammad-siraj-saved-india-in-india-vs-pakistan-match-545517.html”]

भारताची T20 विश्वचषक 2024 मधील कामगिरी

भारत विरुद्ध आयर्लंड यांच्यामध्ये सामना पार पडला. हा सामना 5 जून रोजी नासाऊ काउंटी आंतरराष्ट्रीय क्रिकेट स्टेडियमवर रंगला होता. या सामन्यात भारताच्या संघाने 8 विकेट्सने विजय मिळवला. यामध्ये भारताचा कर्णधार रोहित शर्माने अर्धशतक पूर्ण केले तर रिषभ पंतने 36 धावांची भागीदारी केली. 9 जून रोजी भारताचा सामना पाकिस्तानशी झाला. सुरुवातीला तर पाऊसामुळे चाहत्यांची निराशा झाली. त्यांनंतर सामना अत्यंत रोमांचक झाला. या सामन्यामध्ये भारताच्या गोलंदाजांनी चमकदार कामगिरी करत विजय मिळवला. भारताने 6 धावांनी पाकिस्तानचा धुव्वा उडवला आहे.

नजर टाका T20 विश्वचषक 2024 च्या ग्रुप A च्या गुणतालिकेवर

T20 विश्वचषक 2024 च्या ग्रुप A च्या गुणतालिकेचा विचार केला तर भारताचा संघ कालचा सामना जिंकून अव्वल स्थानावर आहे. आतापर्यत भारताच्या संघाने 2 साखळी सामने झाले आहेत. त्यामध्ये भारताच्या संघाने दोन्ही सामने जिंकले आहेत. टीम इंडिया 4 गुणांसह पहिल्या क्रमांकावर आहे. त्यांनतर दुसऱ्या स्थानावर यूएसएचा संघ आहे. यूएसएच्या संघाने दमदार कामगिरी करत दुसऱ्या स्थानावर आहे. यूएसएचे आतापर्यत 2 सामने झाले आहेत त्यापैकी त्यांनी दोन्ही सामन्यांमध्ये विजय मिळवला आहे. तिसऱ्या स्थानावर कॅनडा आहे. या संघाने आतापर्यत 2 सामने खेळले आहेत यामध्ये त्यांनी 1 सामन्यामध्ये विजय मिळवला आहे तर 1 सामन्यामध्ये पराभवाचा सामना करावा लागला आहे. चौथ्या आणि पाचव्या स्थानावर अनुक्रमे पाकिस्तान आणि आयर्लंड आहे. या दोन्ही संघाना अजुनपर्यत एकही सामना जिंकता आला नाही.