एक महिन्यात दोन विश्वचषक टीम इंडियाने केले नावावर! भारतीय महिला संघाने आणखी एकदा आंतरराष्ट्रीय स्तरावर वाजवला डंका

T-२० ब्लाइंड महिला विश्वचषक स्पर्धेच्या अंतिम सामन्यात भारताने नेपाळला सात विकेट्सने पराभूत केले. हा पहिला ब्लाइंड महिला क्रिकेट विश्वचषक होता यावेळी टीम इंडियाच्या कर्णधाराने तिच्या भावना व्यक्त केल्या.

रविवारी केपी सारा ओव्हल मैदानावर झालेल्या टी-२० ब्लाइंड महिला विश्वचषक स्पर्धेच्या अंतिम सामन्यात भारताने नेपाळला सात विकेट्सने हरवून विजय मिळवला. हा पहिला ब्लाइंड महिला क्रिकेट विश्वचषक आहे. टी-२० ब्लाइंड महिला विश्वचषक स्पर्धेचा अंतिम सामना जिंकल्यानंतर भारतीय संघाची कर्णधार दीपिका टीसी म्हणाली की, हा एक मोठा विजय आहे आणि आम्हाला खूप अभिमान आहे. कर्णधार म्हणाली की, स्पर्धेदरम्यान काही संघ त्यांच्याविरुद्ध खेळण्यास घाबरत होते. त्याच वेळी, तिने संघावर विश्वास व्यक्त केला आणि पुरुषांविरुद्ध खेळण्याची इच्छाही व्यक्त केली.

एकतर्फी अंतिम सामन्यात नेपाळला पराभूत केल्यानंतर, भारतीय महिला अंध क्रिकेट संघाची कर्णधार दीपिका टीसीने माध्यमांशी बोलताना तिच्या भावना व्यक्त केल्या. कर्णधार म्हणाली, “आम्हाला खूप अभिमान आहे आणि हा एक मोठा विजय आहे. आमच्या संपूर्ण संघाने हे विजेतेपद जिंकण्यासाठी खूप मेहनत घेतली. आमचा संघ खूप मजबूत आहे आणि इतर संघ आमच्याशी खेळण्यास घाबरत आहेत. आम्ही पुरुष संघासोबतही खेळण्यास तयार आहोत.”

Smriti Mandhana Wedding : स्मृती मानधनाने साखरपुड्याच्या आणि मेहंदीच्या सर्व आठवणी टाकल्या पुसून, उचलले धक्कादायक पाऊल

भारताने प्रथम गोलंदाजी करताना नेपाळला पाच बाद ११४ धावांवर रोखले आणि त्यानंतर फक्त १२ षटकांत तीन बाद ११७ धावा करून विजेतेपद पटकावले. भारताचा दबदबा इतका होता की नेपाळला त्यांच्या डावात फक्त एकच चौकार मारता आला. फुला सरीनने नाबाद ४४ धावा काढत भारताचा सर्वाधिक धावा काढल्या. भारताने यापूर्वी उपांत्य फेरीत ऑस्ट्रेलियाला हरवले होते, तर शनिवारी झालेल्या दुसऱ्या उपांत्य फेरीत नेपाळने पाकिस्तानला हरवले होते. सह-यजमान श्रीलंकेला प्राथमिक टप्प्यातील पाच सामन्यांमध्ये (अमेरिकेविरुद्ध) फक्त एकच सामना जिंकता आला.

See more

Tears of joy and pride as India’s blind women’s team clinches the T20 Blind World Cup 2025! A powerful moment of courage, resilience, and unbeatable spirit.#HistoricWin #IndiaChampion #BlindWomenWorldCup #CricketForAll@blind_cricket pic.twitter.com/iWVxEwSm9Q — Doordarshan Sports (@ddsportschannel) November 23, 2025

यापूर्वी, भारतीय संघाने उपांत्य फेरीत ऑस्ट्रेलियाचा 9 विकेट्सने पराभव केला होता. भारताने गट टप्प्यातही पाकिस्तानचा 8 विकेट्सने पराभव केला होता. ब्लाइंड टी20 विश्वचषकाच्या पहिल्या आवृत्तीत एकूण सहा संघ सहभागी झाले होते: भारत, पाकिस्तान, श्रीलंका, ऑस्ट्रेलिया, अमेरिका आणि नेपाळ. ही स्पर्धा 11 नोव्हेंबर रोजी सुरू झाली, पहिले काही सामने दिल्ली आणि नंतर बेंगळुरूमध्ये खेळले गेले. त्यानंतर श्रीलंकेने नॉकआउट सामने आयोजित केले.