2026 च्या T20 विश्वचषक उपांत्य फेरीसाठी दोन ठिकाणांची निवड, अंतिम फेरीसाठी चर्चा सुरू

2026 मध्ये होणाऱ्या विश्वचषक हा भारत आणि श्रीलंका या दोन देशांमध्ये खेळवला जाणार आहे. पुढील वर्षी भारत आणि श्रीलंका संयुक्तपणे आयोजित होणाऱ्या टी-२० विश्वचषकाच्या उपांत्य फेरीसाठी आयसीसीने ठिकाणांची निवड केली आहे.

• 2026 मध्ये होणाऱ्या विश्वचषकासाठी काही महिने शिल्लक
• 2026 मध्ये होणाऱ्या विश्वचषक हा भारत आणि श्रीलंका या दोन देशांमध्ये खेळवला जाणार
• टी-२० विश्वचषकाच्या उपांत्य फेरीसाठी आयसीसीने ठिकाणांची निवड झाली

भारत विरुद्ध दक्षिण आफ्रिका यांच्यामध्ये महिला विश्वचषक 2025 चा फायनलचा सामना पार पडला आणि या सामन्यामध्ये भारतीय महिला संघाने विजय मिळवून इतिहास रचला आहे. भारताच्या संघाने या स्पर्धेमध्ये कमालीची कामगिरी केली. आता 2026 मध्ये होणाऱ्या विश्वचषकासाठी भारताचा संघ हा उत्सुक आहे. 2024 मध्ये झालेल्या विश्वचषकामध्ये भारताच्या संघाने विश्वचषक जिंकला होता आता भारताला त्याचे टायटल डिफेंड करण्याची संधी असणार आहे. 

2026 मध्ये होणाऱ्या विश्वचषक हा भारत आणि श्रीलंका या दोन देशांमध्ये खेळवला जाणार आहे. पुढील वर्षी भारत आणि श्रीलंका संयुक्तपणे आयोजित होणाऱ्या टी-२० विश्वचषकाच्या उपांत्य फेरीसाठी आयसीसीने ठिकाणांची निवड केली आहे. भारतीय संघाला यासाठी क्रिकेट चाहत्यांचा भरभरुन सपोर्ट मिळू शकतो. ओळखल्या जाणाऱ्या स्टेडियममध्ये अहमदाबादमधील नरेंद्र मोदी स्टेडियम आणि कोलकातामधील ईडन गार्डन्स स्टेडियमचा समावेश आहे.

India vs South Africa यांच्यातील पहिल्या कसोटीत गिल आणि गौतम गंभीर कोणाला वगळणार! या खेळाडूची डोकेदुखी वाढणार

या विश्वचषकाचे आयोजन हे आयपीएल आधी करण्यात आले आहे. 2026 मध्ये पुढील वर्षी फेब्रुवारी आणि मार्चमध्ये विश्वचषक होणार आहे. आयसीसीने या स्पर्धेसाठी आठ ठिकाणे निवडली आहेत. यामध्ये भारतातील मुंबई, दिल्ली, चेन्नई, अहमदाबाद आणि कोलकाता आणि श्रीलंकेतील कोलंबोमधील दोन आणि कॅंडीमधील एक ठिकाण समाविष्ट आहे, असे क्रिकबझने वृत्त दिले आहे.

अंतिम सामन्यासाठी अद्याप कोणतेही ठिकाण निवडलेले नाही. पाकिस्तान अंतिम फेरीत पोहोचतो की नाही यावर हे अवलंबून असेल. तथापि, अहमदाबादमधील नरेंद्र मोदी स्टेडियम अंतिम सामन्याचे आयोजन करण्यासाठी आघाडीवर आहे. उपांत्य सामन्यांबद्दल बोलायचे झाले तर, जर श्रीलंका आणि पाकिस्तान उपांत्य फेरीत पोहोचले तर ते श्रीलंकेत खेळवले जातील. जर कोणताही संघ उपांत्य फेरीत पोहोचला नाही तर दोन्ही सामने भारतात खेळवले जातील. जर पाकिस्तान अंतिम फेरीत पोहोचला तर विजेतेपदाचा सामना कोलंबोमध्ये खेळवला जाईल.

See more

The similarities in venues between the 2023 Cricket World Cup and the 2026 T20I World Cup. 👀#Cricket #T20I #CWC #Sportskeeda pic.twitter.com/xi4tigNC4x — Sportskeeda (@Sportskeeda) November 9, 2025

भारत आणि पाकिस्तान संघ एकमेकांच्या देशांचा दौरा करत नाहीत. या वर्षी एप्रिलमध्ये पहलगाम हल्ल्यानंतर परिस्थिती आणखी बिकट झाली आहे. म्हणूनच भारत आणि श्रीलंकेने संयुक्तपणे आयोजित केलेल्या अलिकडच्या महिला एकदिवसीय विश्वचषकात पाकिस्तानने आपले सर्व सामने श्रीलंकेत खेळले. पुढील वर्षी होणाऱ्या टी-२० विश्वचषकातही अशीच परिस्थिती अपेक्षित आहे.