भारतातील आघाडीच्या टेलिकॉम कंपन्यांची SpaceX सोबत पार्टनरशिप, लवकरच सुरु केली जाणार Starlink ची सेवा
भारतातील आघाडीच्या टेलिकॉम कंपन्या जिओ आणि एअरटेलने अमेरिकन उद्योगपती एलोन मस्क यांच्या स्पेसएक्ससोबत करार केला आहे. भारतात स्टारलिंक इंटरनेट सेवा सुरू करण्यासाठी हा करार करण्यात आला आहे. खरं तर दोन्ही टेलिकॉम कंपन्यांनी भारतातील त्यांच्या टेलिकॉम सेवा आणि नेटवर्कट सुधारण्याच्या दृष्टीने हा करार केला आहे.
एअरटेलने भारतातील ग्राहकांना स्टारलिंकची हाय-स्पीड इंटरनेट सेवा देण्यासाठी स्पेसएक्ससोबत भागीदारीची घोषणा केली आहे. भारतात साइन झालेला हा पहिलाच करार आहे. हा कराराचे स्पेसएक्सला भारतात मंजूरी दिली जाणार की नाही यावर अवलंबून आहे. या करारामुळे एअरटेल आणि स्पेसएक्स एकत्र काम करू शकतील. ते स्टारलिंक एअरटेलच्या सेवांना कसे समर्थन देऊ शकते आणि त्यांचा विस्तार कसा करू शकते याचा शोध घेतील. या भागीदारीचा उद्देश ग्राहक आणि व्यवसायांसाठी सेवा सुधारणे आहे. (फोटो सौजन्य – Pinterest)
रिलायन्स जिओने स्पेसएक्ससोबत केलेल्या या कराराअंतर्गत, भारतात स्टारलिंक इंटरनेट सेवा सुरू केली जाईल. यापूर्वी, जिओसोबतच एअरटेलने स्टारलिंकसोबत भागीदारीची घोषणा केली आहे. जिओ आणि स्पेसएक्समधील हा करार तेव्हाच वैध असेल जेव्हा स्टारलिंकला भारतात त्यांच्या सेवा सुरू करण्याची परवानगी मिळेल. या करारानुसार, जिओ आणि स्पेसएक्स दोघेही स्टारलिंक जिओच्या सेवा कशा सुधारू शकतात याचा शोध घेण्यासाठी एकत्र काम करतील.
जिओ त्यांच्या रिटेल स्टोअर्स आणि ऑनलाइन प्लॅटफॉर्मद्वारे स्टारलिंक सेवा प्रदान करेल. यासोबतच, कंपनी त्यांच्या रिटेल स्टोअरमध्ये स्टारलिंक डिव्हाइसेस विकण्याची योजना आखत आहे. यासह, दोन्ही कंपन्या स्टारलिंकची स्थापना आणि सक्रियता प्रक्रिया आणखी सोपी करण्यासाठी एकत्र काम करणार आहेत.
एअरटेलच्या प्रेस स्टेटमेंटनुसार, एअरटेल आणि स्पेसएक्स संयुक्तपणे एअरटेलच्या रिटेल स्टोअरमध्ये स्टारलिंक डिव्हाइसेस ऑफर करण्यासाठी, एअरटेलद्वारे व्यावसायिक ग्राहकांपर्यंत स्टारलिंक सेवा पोहोचवण्यासाठी आणि भारतातील विशेषतः ग्रामीण भागात समुदाय, शाळा, आरोग्य केंद्रे जोडण्यासाठी प्रयत्न करणार आहेत. एअरटेल आणि स्पेसएक्स स्टारलिंक एअरटेल नेटवर्कचा विस्तार कसा करू शकते यावर देखील लक्ष ठेवतील.
रिलायन्स जिओ ही जगातील सर्वात मोठ्या मोबाईल ऑपरेटर कंपन्यांपैकी एक आहे. त्याच वेळी, स्टारलिंक लो अर्थ ऑर्बिट (LEO) उपग्रह नक्षत्र तंत्रज्ञानाच्या मदतीने इंटरनेट सेवा प्रदान करते. एकत्रितपणे, दोन्ही कंपन्या देशातील डिजिटल पायाभूत सुविधा मजबूत करतील. या भागीदारीनंतर, भारतातील दुर्गम भागात हाय-स्पीड इंटरनेट सेवा सहज उपलब्ध होतील.
iQOO Neo 10R चा मार्केटमध्ये बोलबाला, पावरफुल बॅटरी आणि असा आहे कॅमेरा! या दिवशी सुरु होणार विक्री
या भागीदारीनंतर, जिओ ग्राहक जिओ आणि रिलायन्स स्टोअर्स आणि ऑनलाइन प्लॅटफॉर्मद्वारे स्टारलिंक सेवांचा लाभ घेऊ शकतील. जिओने आपल्या निवेदनात म्हटले आहे की, स्पेसएक्सच्या सहकार्याने, भारतातील सर्व लघु आणि मध्यम व्यवसाय, स्टार्टअप्स, शाळा आणि उद्योगांना जलद आणि विश्वासार्ह इंटरनेट सेवा प्रदान केली जाईल.
स्टारलिंक, एअरटेल आणि जिओ यांच्यातील भागीदारीचा उद्देश देशातील ज्या भागात पारंपारिक नेटवर्क पोहोचू शकत नाहीत अशा ठिकाणी हाय-स्पीड आणि परवडणाऱ्या ब्रॉडबँड सेवा प्रदान करणे आहे. ही भागीदारी जिओ एअरफायबर आणि जिओफायबर सेवांना पूरक म्हणून डिजिटल कनेक्टिव्हिटी आणखी मजबूत करेल. यामुळे संपूर्ण भारतात डिजिटल सेवांची गुणवत्ता आणि प्रवेश सुधारेल.
.png "Videos"){kind=small}
