फोल्डेबल iPhone ची प्रतिक्षा वाढली! Apple ने पुन्हा बदलली रणनिती, या महिन्यात विक्रीला सुरुवात होण्याची शक्यता

आगामी फोल्डेबल आयफोनबाबत काही रिपोर्ट समोर आले आहेत. या रिपोर्टवर विश्वास ठेवला तर कंपनीचा फोल्ड आयफोन सप्टेंबर महिन्यात लाँच होणार असल्याची माहिती आहे. मात्र त्याची विक्री सुरु होण्यासाठी काही वेळ लागू शकतो.

• नवीन डिझाईन, नवी उत्सुकता, Apple ची मोठी तयारी
• फोल्ड होणारा iPhone आता चर्चेचा केंद्रबिंदू
• Apple पुन्हा तयार करतंय स्मार्टफोन बाजारात मोठा बदल

टेकजायंट कंपनी अ‍ॅपल यावर्षी त्यांची आयफोन 18 सिरीज लाँच करणार आहे. यासाठी कंपनीने तयारी देखील सुरु केली आहे. आयफोन 18 सिरीजसोबतच कंपनी यावर्षी त्यांचा पहिला फोल्ड आयफोन देखील लाँच करणार असल्याची चर्चा गेल्या अनेक दिवसांपासून सुरु आहे. आयफोन फोल्डबाबत आता एक नवीन अपडेट समोर आली आहे. असं सांगितलं जात आहे की, कंपनी त्यांचा फोल्डेबल आयफोन देखील आयफोन 18 सिरीजसोबतच लाँच करणार आहे. मात्र या फोल्डेबल आयफोनची विक्री सुरु होण्यासाठी काही काळ लागू शकतो. त्यामुळे ग्राहकांना हा आयफोन खरेदी करण्यासाठी वाट पाहावी लागू शकते.

Oppo A6s 5G vs Vivo T5x: 20 हजार रुपयांत कोण ऑफर करणार दमदार फीचर्स? बॅटरीपासून किंमतीपर्यंत… वाचा संपूर्ण तुलना

पुरवठा साखळीमध्ये येणाऱ्या अडचणींमुळे फोल्डेबल आयफोनच्या विक्रीसाठी बराच काळ लागू शकतो. यामुळे लाँचिंगनंतर देखील यूजर्सना हा आयफोन मॉडेल खरेदी करण्यासाठी वाट पाहावी लागणार आहे. सहसा अ‍ॅपल त्यांचे आयफोन मॉडेल्स सप्टेंबर महिन्याच्या सुरुवातीला लाँच करते. त्यानंतर या आयफोन मॉडेल्सची विक्री सप्टेंबर महिन्याच्या शेवटच्या आठवड्यात सुरु होते. मात्र कंपनी फोल्डेबल आयफोनच्या बाबतीत त्यांची ही रणनिती बदलण्याची शक्यता आहे. असं सांगितलं जात आहे की, कंपनी आयफोन 18 सिरीज आणि फोल्डेबल आयफोन सप्टेंबर महिन्याच्या पहिल्या आठवड्यात लाँच करू शकते. मात्र आयफोन 18 सिरीज आणि फोल्ड आयफोनची विक्री एकाच वेळी सुरु होणार नाही.  (फोटो सौजन्य – Pinterest)

फोल्डेबल आयफोनची विक्री डिसेंबर महिन्यात सुरु होण्याची शक्यता वर्तवली आहे. लाँचनंतर तीन महिन्यांनी ग्राहक हे डिव्हाईस खरेदी करू शकणार आहेत. अशी माहिती समोर आली आहे की, सप्टेंबर महिन्यात अ‍ॅपल ईव्हेंट आयोजित केला जाणार आहे. या ईव्हेंटमध्ये कंपनी आयफोन 18 सिरीज आणि फोल्ड आयफोन लाँच करण्याची शक्यता आहे.

कंपनीने अलीकडेच 20 मिलियन फोल्डेबल डिस्प्ले पॅनलची ऑर्डर दिली आहे. अ‍ॅपलसाठी हा फोल्डेबल डिस्प्ले पॅनल दक्षिण कोरियाई कंपनी सॅमसंग बनवणार आहे. आधीच 13 ते 15 मिलियन फोल्डेबल डिस्प्लेची ऑर्डर दिली होती. मात्र मागणी वाढण्याची शक्यता असल्याने कंपनीने डिस्प्ले पॅनलची ऑर्डर वाढवली आहे. सॅमसंगने ॲपलच्या फोल्डेबल आयफोनसाठी डिस्प्ले पॅनेलची एक विशेष उत्पादन लाइन उभारली असून, येत्या काही आठवड्यांत उत्पादन सुरू होण्याची अपेक्षा आहे. त्यानंतर फोनची असेंबली सुरुवात होणार आहे.

इंटरनेट नसेल तरी पेमेंट थांबणार नाही! UPI चे ऑफलाइन पेमेंट फीचर करणार तुमची मदत, स्टेप बाय स्टेप फॉलो करा ही प्रोसेस

मे महिन्यात सुरु होणार डिस्प्लेचे प्रोडक्शन

यावर्षी सप्टेंबर महिन्यात Apple Air 2, फोल्ड आयफोन, आयफोन 18 प्रो आणि आयफोन 18 प्रो मॅक्स हे मॉडेल्स लाँच केले जाणार आहेत. तर 2027 मध्ये अ‍ॅपल कंपनी आयफोन 18 आणि आयफोन 18 ई लाँच करण्याची शक्यता आहे. सॅमसंग मे महिन्यात फोल्डेबल आयफोनच्या डिस्प्लेचे प्रोडक्शन सुरु करणार आहे. अ‍ॅपलने फोल्डेबल पॅनेलसाठी बीओईशी संपर्क साधला होता, परंतु पुरवठा साखळी आणि उत्पादन दरातील समस्यांमुळे ती चिनी कंपनी ही ऑर्डर पूर्ण करू शकली नाही. आता, ऍपलच्या फोल्डेबल आयफोनसाठी फक्त सॅमसंगच पॅनेलचे उत्पादन करणार असल्याची माहिती समोर आली आहे.