BSNL ने जारी केला अलर्ट! मोबाईल टॉवरच्या नावाखाली लोकांची होऊ शकते फसवणूक, आजच व्हा सावध

बीएसएनएलने आपल्या ग्राहकांना टॉवर बसवण्याच्या नावाखाली होणाऱ्या फसवणुकीचा इशारा दिला आहे. एक बनावट वेबसाइट ग्रामीण, निमशहरी आणि शहरी भागात टॉवर बसवण्याच्या नावाखाली लोकांकडून पैसे उकळण्याचे काम करत आहे.

सरकारी दूरसंचार सेवा प्रदाता बीएसएनएलने आपल्या ग्राहकांना एक महत्त्वाचा इशारा दिला आहे. मोबाईल टॉवर बसवण्याच्या नावाखाली खोटी आश्वासने देणाऱ्या खोट्या योजनांशी संबंधित हा इशारा आहे. जर तुम्ही तुमच्या जागेवर टॉवर लावून पैसे कमवण्याचा विचार करत असाल तर ही माहिती तुमच्यासाठी खूप महत्त्वाची आहे.

या बेव साईटवरून होत आहे घोटाळा

https://bsnltowersite.in/ नावाच्या वेबसाइटने BSNL चे प्रतिनिधित्व करण्याचा खोटा दावा केला जात आहे. वेबसाइट ग्रामीण, निमशहरी आणि शहरी भागात छतावर टॉवर बसवण्याच्या बदल्यात दरमहा ₹25,000 ते ₹50,000 इतकी रक्कम देण्याचे आश्वासन देत आहे. मात्र, ही वेबसाइट सरकारी टेलिकॉम कंपनीशी संबंधित नसून ती फसवणूक असल्याचे स्पष्टीकरण बीएसएनएलने दिले आहे. ज्यांना टॉवर उभारण्यासाठी जागा देऊन पैसे कमवायचे आहेत त्यांची पर्सनल माहिती चोरणे हा त्याचा उद्देश आहे.

प्रत्येक मतदाराच्या हातात असणार ‘शस्त्र’, मोबाईलद्वारे करू शकतात निवडणुकीतील गडबडीचा रिपोर्ट

BSNL ने शेअर केली नवी पोस्ट

See more

🚨 Fake Website Alert 🚨

This website is FAKE and NOT associated with BSNL. 🚫

Please be cautious, because https://t.co/k2LMYKsFcu does not belong to BSNL.

Stay safe online and always verify official sources. Remember, your security is our priority.#BSNLIndia… pic.twitter.com/VQwmIL6KPX

— BSNL India (@BSNLCorporate) January 4, 2025

BSNL ने सोशल मीडियावर एक पोस्ट शेअर केली आहे ज्यात देशभरातील ग्राहकांना या बनावट वेबसाइटबद्दल सतर्क केले जात आहे. वेबसाइट खोट्या आश्वासनांद्वारे लोकांची दिशाभूल करत आहे यावर कंपनीने भर दिला आणि ग्राहकांना अशा दाव्यांकडे किंवा संदेशांकडे दुर्लक्ष करण्याचे आवाहन केले. कंपनीने बनावट वेबसाइटचा स्क्रीनशॉट देखील शेअर केला आहे जेणेकरून ग्राहक ते ओळखू शकतील आणि सतर्क राहतील. टॉवरच्या स्थापनेशी संबंधित कोणत्याही प्रश्नांसाठी ग्राहकांना थेट कंपनीशी संपर्क साधण्याचा सल्ला दिला जातो. तसेच, युजर्सने अशा कोणत्याही फसवणुकीच्या संदेशांना बळी पडू नये. तुमच्यासोबत असे काही झाल्यास तुम्ही याची थेट तक्रारही करू शकतो.

Optimize Router Setting: त्वरित वाढेल इंटरनेट स्पीड, अशाप्रकारे करू शकता राउटर सेटिंग्ज ऑप्टिमाइझ

आम्ही तुम्हाला सांगतो की, रिचार्जच्या किमती वाढल्यानंतर अनेक युजर्स बीएसएनएलकडे वळले. बीएसएनएलचे युजर्स अजूनही झपाट्याने वाढत आहेत. हेच कारण आहे की, घोटाळेबाज याद्वारे लोकांची फसवणूक करू पाहत आहेत. दरम्यान महिला महिन्यातच बीएसएनएलने आपली 4G सेवा सुरु केली होती. कंपनी लवकरच 5G विश्वातही पाऊल ठेवणार आहे, त्यामुळे वर्षभरात युजर्सना 5G सेवा मिळेल याची आशा आहे.