ChatGPT Data Leak: AI प्लॅटफॉर्मवर सायबर हल्ला! लाखो यूजर्सचे नाव आणि ईमेल अ‍ॅड्रेस लीक, कंपनीने दिली वार्निंग

ChatGPT ‘hacked’: हजारो चॅटजीपीटी यूजर्सचा डेटा आता धोक्यात आला आहे. कारण AI प्लॅटफॉर्म चॅटजीपीटी हॅक झाल्याची बातमी आता समोर आली आहे. यासंबंधित कंपनीने वॉर्निंग देखील जारी केली आहे.

• करोडो यूजर्सचा डेटा धोक्यात
• API प्रोडक्ट यूजर्सचा पर्सनल डेटा लीक
• Mixpanel मध्ये गडबड झाल्याने लीक झाला डेटा

जगतील सर्वात मोठ्या AI प्लॅटफॉर्म ChatGPT च्या करोडो यूजर्ससाठी एक मोठी बातमी आहे. तुम्ही देखील ChatGPT चा वापर करता का? तर तुमच्यासाठी देखील ही बातमी अत्यंत महत्त्वाची आहे. कारण करोडो ChatGPT यूजर्सचा डेटा धोक्यात आहे. ChatGPT ची मालक असलेली कंपनी OpenAI ने सांगितलं आहे की, त्यांच्याकडून काही API प्रोडक्ट यूजर्सचा पर्सनल डेटा लीक झाला आहे. कंपनीच्या थर्ड-पार्टी डेटा एनालिटिक्स प्रोवाइडर Mixpanel मध्ये काही गडबड झाली होती आणि याचा परिणाम यूजर्सच्या डेटावर झाल्याचे पाहायला मिळाले.

Honor Magic 8 Pro: स्मार्टफोन मार्केटमध्ये होणार धिंगाणा! ट्रिपल रियर कॅमेरा यूनिट आणि पावरफुल प्रोसेसर… किंमत जाणून घ्या

या यूजर्सवर होणार परिणाम

याच महिन्यात एका अटॅकरने Mixpanel चे सिस्टम हॅक केले आणि त्यातील डेटा एक्सपोर्ट केला होता. कंपनीने सांगितलं आहे की, डेटा लीकमध्ये OpenAI च्या सिस्टमच्या आणि ChatGPT यूजर्सवर कोणताही परिणाम झाला नाही. मात्र कंपनीच्या API प्रोडक्ट्सचा वापर करणाऱ्या यूजर्सवर याचा परिणाम होणार आहे. (फोटो सौजन्य – Pinterest) 

कोणता डेटा लीक झाला?

OpenAI ने सांगितलं आहे की, या डेटा लीकमध्ये API अकाउंट्सचे प्रोफाईल – लेव्हल डिटेल्स लीक झाले आहे. या डिटेल्समध्ये अकाऊंटचे नाव, त्यासंबंधित ईमेल अ‍ॅड्रेस, शहर, राज्य आणि देश इत्यादीसंबंधित लोकेशन, ऑपरेटिंग सिस्टम आणि ब्राउजर इंफोर्मेशन, रेफरिंग वेबसाइट्स आणि ऑर्गेनाइजेशन आणि यूजर आईडी इत्यादींचा समावेश आहे. कंपनीने दावा केला आहे की, यूजर्ससंबंधित सेंसेटिव आणि ऑथेंटिकेशनसंबंधित कोणतीही माहिती लीक झाली नाही.

कंपनी कोणती कारवाई करणार?

टेक कंपनी OpenAI ने सांगितलं आहे की, 25 नोव्हेंबर रोजी त्यांना या डेटा लीकसंबंधित माहिती मिळाली. त्यानंतर यासंबंधित कारवाई करत कंपनीने Mixpanel ला त्यांच्या प्रोडक्शन सिस्टममधून पूर्णपणे काढून टाकले. आता कंपनी त्यांच्या वेंडर इकोसिस्टमचे ऑडिट करत आहे. यासोबतच कंपनी त्यांच्या सर्व थर्ड-पार्टी पार्टनर्ससाठी सुरक्षा अधिक कडक करणार आहे , ज्यामुळे भविष्यात अशा घटना थांबवण्यासाठी मदत होणार आहे. यासोबतच, कंपनीने डेटा लीकमुळे प्रभावित झालेल्या सर्व कंपन्या, अ‍ॅडमिन आणि यूजर्सना याबद्दल माहिती देण्यास सुरुवात केली आहे.

Free Fire Max: गेममध्ये मिळणार हॉलिडे वाईब्स आणि सि फोम बंडल! क्लेम करण्यासाठी फॉलो करा ‘या’ स्टेप्स

कंपनीने यूजर्ससाठी जारी कली वार्निंग

OpenAI ने यूजर्ससाठी वॉर्निंग जारी केली आहे. यामध्ये सांगण्यात आलं आहे की, लीक झालेल्या डेटाचा वापर फिशिंग आणि दुसऱ्या सायबर अटॅकमध्ये केला जाऊ शकतो. त्यामुळे कंपनीने सर्व यूजर्सना OpenAI च्या नावाने पाठवल्या जाणाऱ्या ईमेल्सबाबत सावध राहण्यास सांगितलं आहे. एखाद्या ईमेलमध्ये यूजरच्या वैयक्तिक माहितीची मागणी केली जात असेल तर यूजर्सनी सावध राहण्याचे आवाहन कंपनीने केले आहे. OpenAI ने म्हटले आहे की ते कधीही त्यांच्या यूजर्सना पासवर्ड, एपीआय की आणि पडताळणी कोड विचारत नाही.