Flipkart-Amazon Sale 2025: ही संधी चुकली तर पश्चाताप कराल! Smart TV च्या खरेदीवर आकर्षक ऑफर्स उपलब्ध, मोठ्या ब्रँड्सचा समावेश

Smart TV Offers: नवीन स्मार्ट टिव्ही खरेदी करण्याचा विचार करताय का? ई कॉमर्स प्लॅटफॉर्मवर सुरु असलेल्या ऑफर्स तुमच्यासाठी फायदेशीर ठरणार आहेत. या ऑफर्समध्ये कमी किंमतीत नवीन स्मार्ट टिव्ही खरेदी करू शकता.

• ऑफर्ससह खरेदी करा तुमचा आवडता स्मार्टटिव्ही
• टीसीएल 65 इंच स्मार्ट टिव्ही अ‍ॅमेझॉनवर 62 टक्के फ्लॅट डिस्काऊंटसह उपलब्ध
• 39 टक्के डिस्काऊंटसह सोनी ब्राव्हिया 2 उपलब्ध

आपल्या घरात एक मोठा स्मार्ट टिव्ही असावा, असं प्रत्येकाला वाटतं. पण स्मार्ट टिव्हीच्या किंमती खूप जास्त असल्यामुळे लोकं ऑफर्स आणि डिस्काऊंटची वाट बघत असतात. तुम्ही देखील नवीन स्मार्ट टिव्ही खरेदी करण्यासाठी ऑफर्सची वाट बघत असाल तर आता ती वेळ आली आहे. म्हणजेच अ‍ॅमेझॉन आणि फ्लिपकार्ट त्यांच्या ग्राहकांसाठी काही खास ऑफर्स घेऊन आला आहे. फ्लिपकार्टवर बाय बाय 2025 आणि अ‍ॅमेझॉनवर मेगा टिव्ही फेस्ट सुरु आहे. या डिल्समध्ये तुम्हाला स्मार्ट टिव्हीच्या खरेदीवर मोठं डिस्काऊंट मिळणार आहे. चला तर मग या जबरदस्त डिल्सबाबत जाणून घेऊया.

Nubia M153 Leaks: अविश्वसनीय पण खरं! जगातील पहिला स्वतः चालणारा AI फोन! माणसाप्रमाणे फक्त एका क्लिकवर करणार काम

मोटोरोला 165 सेमी (65 इंच) क्यूएलडी अल्ट्रा एचडी (4के) स्मार्ट गुगल टीव्ही

या यादीमध्ये सर्वात पहिलं नावं मोटोरोला स्मार्ट टिव्हीचं आहे. हा 65 इंच QLED अल्ट्रा HD 4K स्मार्ट टिव्ही आहे. या टिव्हीची किंमत 88,399 रुपये आहे. फ्लिपकार्ट बाय बाय सेलमध्ये हा स्मार्ट टिव्ही 40,499 रुपयांत खरेदी केला जाऊ शकतो. याशिवाय या डिलमध्ये काही खास बँक ऑफर्सचा देखील समावेश करण्यात आला आहे. HDFC बँक क्रेडिट कार्ड ईएमआय ऑप्शनसह टिव्हीवर 1250 रुपयांचे डिस्काऊंट ऑफर केले जात आहे. तसेच ग्राहक त्यांचा जुना टिव्ही एक्सचेंज करून 6650 पर्यंत एक्सचेंज वॅल्यू मिळवू शकतात.  (फोटो सौजन्य – Pinterest) 

टीसीएल 65 इंच मेटॅलिक बेझेल लेस सिरीज 4के अल्ट्रा एचडी स्मार्ट एलईडी गुगल टीव्ही

टीसीएलचा हा 65 इंच स्मार्ट टिव्ही सध्या अ‍ॅमेझॉनवर 62 टक्के फ्लॅट डिस्काऊंटसह खरेदीसाठी उपलब्ध आहे. फ्लॅट डिस्काऊंटनंतर या स्मार्ट टिव्हीची किंमत 46,990 रुपये झाली आहे. एवढंच नाही तर कंपनी या स्मार्ट टिव्हीच्या खरेदीवर काही बँक ऑफर्स देखील देत आहे. ज्यामध्ये निवडक बँक डेबिट आणि क्रेडिट कार्डवर 1 हजार रुपयांचे डिस्काऊंट ऑफर केले जाणार आहे. तर अ‍ॅक्सिस बँक क्रेडिट कार्ड ईएमआय पर्यायासह 1250 रुपयांची सूट दिली जात आहे. एचडीएफसी बँक क्रेडिट कार्ड ईएमआय पर्यायासह स्मार्ट टिव्हीच्या खरेदीवर 1500 रुपयांचे डिस्काऊंट मिळणार आहे.

रियलमी टेकलाईफ 164 सेमी (65 इंच) QLD अल्ट्रा एचडी (4के) स्मार्ट गुगल टीव्ही

या यादीमध्ये तिसरा टिव्ही रियलमी कंपनीचा आहे. हा टिव्ही फ्लिपकार्टवर आता 38,499 रुपयांच्या किंमतीत खरेदीसाठी उपलब्ध आहे. या टिव्हीवर फ्लॅट 55 टक्के डिस्काऊंट ऑफर केले जात आहे. बँक ऑफर्सबद्दल बोलायचे झाले तर, एसबीआय क्रेडिट कार्ड आणि एसबीआय क्रेडिट कार्ड EMI पर्यायासह या टीव्हीवर 1 हजार रुपयांची सूट उपलब्ध आहे, तर एचडीएफसी बँक क्रेडिट कार्ड ईएमआयपर्यायासह या टीव्हीवर 1250 रुपयांपर्यंत सूट उपलब्ध आहे.

Tech Tips: तुमच्या आधारवर किती सिम अ‍ॅक्टिव्ह? सरकारी पोर्टलवरून असे करा Verification, फॉलो करा स्टेप बाय स्टेप प्रोसेस

सोनी ब्राव्हिया 2 II 163.9 सेमी (65 इंच) अल्ट्रा एचडी (4के) एलईडी स्मार्ट गुगल टीव्ही

जर तुम्हाला सोनी ब्रँडसारखा प्रिमियम स्मार्ट टिव्ही खरेदी करण्याची इच्छा असेल तर तुम्ही सोनी ब्राव्हिया 2 स्मार्ट टिव्हीची निवड करू शकता. या टिव्हीवर 39 टक्के डिस्काऊंट ऑफर केलं जात आहे. ज्यामुळे या टिव्हीची किंमत 77,990 रुपये झाली आहे. कंपनी सर्व बँकांच्या क्रेडिट कार्ड, डेबिट कार्ड आणि UPI द्वारे केलेल्या पेमेंटवर 3 हजार रुपयांची अतिरिक्त सूट देत आहे, ज्यामुळे ही एक उत्तम ऑफर आहे. एक्सचेंज ऑफरमध्ये, कंपनी 12,650 रुपयांपर्यंत एक्सचेंज व्हॅल्यू आणि 6000 रुपयांपर्यंत अतिरिक्त एक्सचेंज बोनस देखील देत आहे.