टेक्स्ट आणि फोटो वापरून क्रिएट करा अनोखा AI व्हिडीओ! Google देतोय Gemini Omni ची मोफत ॲक्सेस, वाचा संपूर्ण डिटेल्स

Google Gemini Omni: गूगलने जेमिनी ओम्नीच्या मोफत ॲक्सेसची मुदत आणखी काही दिवसांसाठी वाढवली आहे. त्यामुळे यूजर्सना सब्सक्रिप्शन न घेता AI व्हिडीओ तयार करण्याची संधी मिळणार आहे. हा व्हिडीओ तयार करण्यासाठी काही प्रोसेस फॉलो करावी लागणार आहे. याबाबत आता सविस्तर जाणून घेऊया.

• जेमिनी ओम्नीमध्ये प्रत्येक यूजरला 10 मोफत व्हिडीओ तयार करण्याची संधी मिळणार आहे.
• टेक्स्ट, फोटो आणि जुन्या व्हिडीओ क्लिप्सच्या मदतीने नवीन व्हिडीओ तयार करून त्यात एडिटिंग व रिमिक्सिंग करता येणार आहे.
• भारतात जेमिनी ओम्नीचा मोफत ॲक्सेस 12 ऑगस्ट रोजी रात्री 12:30 वाजेपर्यंत उपलब्ध राहणार आहे.

Gemini Omni Free Access: टेक कंपनी गूगलने त्यांच्या जेमिनी ओम्नीच्या मोफत ॲक्सेसचा कालावधी आणखी काही काळासाठी वाढवला आहे. कंपनीने घेतलेल्या या निर्णयामुळे यूजर्सना गूगल एआय सब्सक्रिप्शनचे पैसे खर्च केल्याशिवाय नवीन एआय व्हिडीओ टूल वापरण्याची संधी मिळणार आहे. कंपनी प्रत्येक यूजरला 10 मोफत व्हिडीओ क्रिएट करण्याची संधी देणार आहे.

नव्या Vivo स्मार्टफोनने वेधलं यूजर्सचं लक्ष, पावरफुल फीचर्सने आहे सुसज्ज; डिझाईन पाहताच तुम्हीही म्हणाल, वाह!!!

मोफत ॲक्सेसमुळे यूजर्सना जेमिनी ओम्नीचे ॲडव्हांस फीचर वापरण्याची संधी मिळणार आहे. यामध्ये टेक्स्ट प्रॉम्प्ट्स, फोटो आणि जुन्या व्हिडीओ क्लिप्सपासून एक नवीन व्हिडीओ तयार केला जाऊ शकतो. क्रिएटिव्ह प्रोसेस आणखी चांगली व्हावी यासाठी हे प्लॅटफॉर्म फॉलो-अप सजेशन्सद्वारे चित्रपटांची एडिटिंग, रीमिक्सिंग आणि पॉलिशिंगची सुविधा देखील ऑफर करणार आहे.

सब्सक्रिप्शन खरेदी न करता मिळणार जेमिनी ओम्नीचा ॲक्सेस

गूगलने यापूर्वी घोषणा केली होती की, यूजर्सना 30 जूलैपर्यंत लिमिटेड-टाइम फ्री एक्सेस मिळणार आहे. यामुळे जेमिनी यूजर्स गूगल एआय सब्सक्रिप्शन खरेदी न करता देखील जेमिनी ओम्नीचा वापर करू शकतील. मात्र आता कंपनीने ही तारीख आणखी काही दिवसांसाठी पुढे ढकलली आहे. ज्यामुळे ज्या यूजर्सनी अद्याप मोफत सब्सक्रिप्शन क्लेम केले नाही किंवा व्हिडीओ क्रिएट करण्याचा अनुभव घेतला नाही, त्यांच्यासाठी आणखी एक संधी देण्यात आली आहे. या ऑफरमध्ये यूजर्सना 10 व्हिडीओ क्रिएट करण्याची संधी मिळणार आहे. ही लिमीट वाढवण्यात आली नाही.  (फोटो सौजन्य: Pinterest) 

असा क्रिएट करू शकता नवीन व्हिडीओ

जेमिनी ओम्नी केवळ नॉर्मल टेक्स्ट प्रॉम्प्ट्सपर्यंत मर्यादित नाही. तर यूजर्स याच्या मदतीने टेक्स्ट, इमेज किंवा जुन्या व्हिडीओ क्लिप्सच्या मदतीने देखील नवीन व्हिडीओ क्रिएट करू शकणार आहेत. तसेच हे एआय टूल प्रत्येकवेळी नव्याने सुरुवात करण्याऐवजी जुना कंटेट एडीट, रिमिक्स किंवा बदलण्याचा पर्याय ऑफर करते. गूगलने हे एआय टूल चॅटप्रमाणे अगदी सोपे बनवले आहे. याचा अर्थ असा आहे की, प्रत्येकवेळी व्हिडीओ क्रिएट केल्यानंतर नवीन प्रोजेक्ट सुरु करण्याऐवजी तुम्ही एआयला आदेश देऊन व्हिडीओमध्ये काही बदल करू शकता. यामुळे जोपर्यंत तुम्हाला पाहिजे तसा व्हिडीओ क्रिएट केला जात नाही, तोपर्यंत तुम्ही सीन, स्टाईल आणि आयडिया सेट करू शकता.

भारतात कधीपर्यंत सुरु असणार जेमिनी ओम्नी ऑफर

गूगल अधिकृतपणे सांगितलं आहे की, मोफत जेमिनी ओम्नी ऑफर 12 ऑगस्ट रोजी रात्री 12:30 AM IST पर्यंत मर्यादित असणार आहे. या ऑफरदरम्यान यूजर्सना 10 मोफत व्हिडीओ क्रिएट करण्याचा पर्याय मिळणार आहे. यामुळे यूजर्सना गूगल एआयचा सब्सक्रिप्शन प्लॅन खरेदी करण्याची गरज भासणार नाही.

Amazon Great Freedom Sale: आकर्षक ऑफर्ससह ॲमेझॉन सेल सुरु! बजेटमध्ये प्रीमियम खरेदीची संधी, लेटेस्ट डील्स पाहिल्यात का?

असा मिळवा जेमिनी ओम्नीचा मोफत ॲक्सेस

जेमिनी ओम्नीचा मोफत ॲक्सेस मिळवणं अतिशय सोपं आहे. तुम्हाला केवळ जेमिनी ॲप ओपन करावा लागणार आहे. आता तुमच्या गूगल अकाऊंटने साईन ईन करा. यानंतर टूल्स सेक्शनमध्ये जाऊन सुरुवात करण्यासाठी क्रिएट व्हिडीओ पर्याय निवडा. आता तुम्ही टेक्स्ट टाईप करू शकता, फोटो अपलोड करू शकता किंवा जुने व्हिडीओ वापरू शकता. आता तुम्ही दिलेल्या सूचनेनुसार जेमिनी ओम्नी व्हिडीओ क्रिएट करणार आहे. जर तुम्हाला पहिल्यांदा क्रिएट केलेला व्हिडीओ आवडला नाही तर तुम्ही पुन्हा काही बदल करून व्हिडीओ एडीट करू शकता.