अशाप्रकारे तुम्ही तुमच्या फोनची इंटरनेट स्पीड चेक करू शकता, या स्टेप्स फॉलो करा

तुम्हालाही तुमच्या मोबाईलमध्ये लाईव्ह इंटरनेट स्पीड पाहायचा असेल तर आजची ही बातमी तुमच्या फायद्याची ठरणार आहे. यासाठी तुम्हाला फक्त काही सोप्या स्टेप्स फॉलो कराव्या लागतील.

आजकाल स्मार्टफोन हा आपल्या रोजच्या आयुष्याचा एक अविभाज्य भाग बनला आहे. अनेक लहान कामांसाठीही आता आपल्याला आपल्या स्मार्टफोनची गरज भासते. अशात स्मार्टफोनची इंटरनेट स्पीड योग्य रीतीने चालणे फार महत्त्वाचे ठरते. तूम्हालाही तुमच्या स्मार्टफोनमध्ये इंटरनेट स्पीड दिसत नसेल तर ही बातमी तुमच्यासाठी उपयुक्त ठरू शकते. आज आम्ही तुमच्यासाठी अशी एक ट्रिक घेऊन आलो आहोत, ज्याद्वारे तुम्ही तुमच्या फोनवर इंटरनेट स्पीड लाईव्ह पाहू शकाल. ही ट्रिक तुमच्या रोजच्या जीवनात फार फायद्याची ठरू शकते.

अनेक अँड्रॉइड फोनमध्ये इंटरनेट स्पीड ट्रॅक करण्यासाठी त्यांच्या सेटिंग्जमध्ये आधीच एक ऑप्शन दिलेला असतो. तुम्हाला तुमच्या फोनच्या सेटिंगमध्ये जाऊन काही बदल करावे लागतील. फोनच्या सेटिंगमध्ये जाऊन तुम्ही इंटरनेट स्पीड ऍक्टिव्ह करू शकता. यासाठी तुम्हाला खाली दिलेल्या काही स्टेप्स फॉलो कराव्या लागतील.

हेदेखील वाचा – बाबा सिद्दीकीच्या हत्यारांनी Instagram-Snapchat’च्या या फीचरचा केला होता गैरवापर! अशी करत होते सीक्रेट चॅट

फोनच्या सेटिंगमध्ये जाऊन इंटरनेट स्पीड ऍक्टिव्ह करा

• यासाठी प्रथम आपल्या फोनचा सेटिंगमध्ये जावे लागेल
• सेटिंगमध्ये जाऊन सर्च बारमध्ये इंटरनेट स्पीड टाइप करून सर्च करावे लागेल
• इथे तुमच्या समोर इंटरनेट स्पीड ऍक्टिव्ह करण्याचा पर्याय दिसेल
• या पर्यायावर क्लिक करून हा ऑप्शन ऍक्टिव्ह करा
• तुम्ही हे फीचर सुरू करताच तुमच्या फोनमध्ये इंटरनेट स्पीड तुम्हाला स्क्रीनवर दिसायला लागेल

हेदेखील वाचा – Android 15 सोबत मिळत आहे ‘प्रायव्हेट स्पेस’, हे फिचर काय आहे? कसे काम करते? जाणून घ्या

दुसरा पर्याय

• तुमच्या फोनच्या सेटिंगमध्ये हे फीचर नसेल तर चिंता करण्याची गरज नाही कारण आम्ही तुमच्यासाठी आणखीन एक उपाय घेऊन आलो आहोत
• यासाठी सर्वप्रथम तुम्हाला तुमच्या फोनमध्ये गुगल प्ले स्टोअर ओपन करावे लागेल
• यानंतर तुम्हाला Play Store च्या सर्च बारमध्ये Internet Meter Lite सर्च करून हे ॲप तुमच्या फोनमध्ये इंस्टॉल करावे लागेल
• हे ॲप इंस्टॉल होताच याला ओपन करा
• तुम्ही हे ॲप ओपन करताच, ते तुमच्याकडे काही परमिशन्स मागेल, या परमिशन्स इनॅबल करा आणि ॲप क्लोज करा
• यानंतर तुम्हाला तुमच्या फोनच्या टॉप बारमध्ये इंटरनेट स्पीड दिसू लागेल
• अशा प्रकारे तुम्ही कोणत्याही अँड्रॉइड फोनमध्ये इंटरनेट स्पीड लाईव्ह ट्रॅक ऍक्टिव्ह करू शकता

या दोन पर्यायांच्या मदतीने तुम्ही तुमच्या फोनमध्ये अगदी सहज आणि अवघ्या काही मिनिटांतच इंटरनेट स्पीड लाईव्ह ट्रॅक ऍक्टिव्ह करू शकता. या फीचरच्या मदतीने तुम्हाला वेळोवेळी तुमच्या इंटरनेटची स्पीड कशी आहे ते समजत राहील.