बाबा सिद्दीकीच्या हत्यारांनी Instagram-Snapchat’च्या या फीचरचा केला होता गैरवापर! अशी करत होते सीक्रेट चॅट

बाबा सिद्दीकी हत्येप्रकरणी सुरू असलेल्या तपासात असे समोर आले आहे की, आरोपींनी इंस्टाग्राम आणि स्नॅपचॅटमधील एका फीचरचा गैरवापर करत हत्येचा कट रचला होता. हे नक्की कोणते फीचर आहे ते जाणून घ्या.

Follow Us:

Follow Us:

महाराष्ट्रात राष्ट्रवादीचे नेते बाबा सिद्दीकी यांच्या हत्येप्रकरणी एकापाठोपाठ एक मोठे खुलासे होत आहेत. याप्रकरणी मुंबई पोलीस मारेकऱ्यांची सतत चौकशी करत आहेत. दिवसेंदिवस या प्रकरणाशी संबंधित अनेक नवीन गोष्टी समोर येत आहेत. त्याचवेळी, आता आरोपी इंस्टाग्राम आणि स्नॅपचॅटच्या माध्यमातून एकमेकांशी संवाद साधत हत्येचा कट रचत असल्याचे तपासादरम्यान समोर आले आहे. मारेकरी इंस्टाग्राम आणि स्नॅपचॅटचे खास फिचर वापरून एकमेकांशी संवाद साधत होते, जेणेकरून संभाषणाचा डेटा कोणालाही सहज मिळू नये.

वास्तविक, इंस्टग्राम स्नॅपचॅटसह असे अनेक मेसेजिंग ॲप्स आहेत ज्यावर लोक मेसेज पाठ्वल्यानंतर सहज एडिट किंवा डिलीट करू शकतात. ‘डिलीट फॉर एव्हरीवन’ ऑप्शनच्या मदतीने लोक कोणताही मेसेज कायमचा डिलीट करू शकतात. असे करून पाठवलेला मेसेज हिस्ट्रीमधून कायमचा हटवला जातो. या फीचरचा वापर आपण चुकीचा मेसेज पाठवल्यास किंवा यात काही चुका असल्यास वापरला जातो. पण बाबा सिद्दीकीच्या मारेकऱ्यांनी या फीचरचा गैरवापर करून नंतर हत्येचा संपूर्ण कट रचला.

हेदेखील वाचा – Android 15 सोबत मिळत आहे ‘प्रायव्हेट स्पेस’, हे फिचर काय आहे? कसे काम करते? जाणून घ्या

या मेसेजिंग ॲप्सवर देखील मिळते मेसेज डिलीट करण्याचा ऑप्शन

इंस्टाग्राम आणि स्नॅपचॅट व्यतिरिक्त फेसबुक आणि व्हॉट्सॲपवरही ही सर्व्हिस उपलब्ध आहे. या सर्विसमुळे लोक एखाद्या व्यक्तीला मेसेज पाठवल्यानंतर लगेच डिलीट करू शकतात. साधारणपणे या फीचरचा वापर खूप चांगला मानला जातो पण गुन्ह्यात हे फिचर वापरल्याचे प्रकरण आता प्रथमच समोर आले आहे.

हेदेखील वाचा – गुगलच्या लेटेस्ट OS’चे रोलआउट सुरू, सर्वात पहिले या स्मार्टफोन्सना मिळणार अपडेट

आम्ही तुम्हाला सांगतो की हे फीचर तेव्हा आणले गेले जेव्हा लोकांनी तक्रार केली की चुकून मेसेज पाठवल्यानंतर ते ते परत घेऊ शकत नाहीत. अशा परिस्थितीत लोकांना अनेकदा अनेक समस्यांना सामोरे जावे लागले. युजर्सच्या समस्या लक्षात घेऊन मेटा आणि इतर मेसेजिंग ॲप्सने फीचर्समध्ये बदल केले होते.

Web Title: What is private space in android 15 how it works all you need to know 2

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com