गॅस सिलेंडर बुकिंगसाठी लोकांची झुंबड! या अ‍ॅपने ChatGPT ला टाकले मागे, डाउनलोडमध्ये ठरला नंबर 1

LPG Cylinder Shortage: भारतात निर्माण झालेल्या गॅस सिलेंडर टंचाईचा फायदा IndianOil ONE अ‍ॅपला होत असल्याचे पाहायला मिळाले आहे. सर्वाधिक डाऊनलोड होणाऱ्या अ‍ॅप्सच्या यादीत IndianOil ONE ने बाजी मारली आहे.

• गॅस बुकिंगसाठी लोकांचा ओघ वाढला, IndianOil ONE app प्ले स्टोअरवर अव्वल
• ChatGPT दुसऱ्या क्रमांकावर! LPG मुळे IndianOil ONE app ची मोठी चर्चा
• गॅस सिलेंडरच्या वाढत्या मागणीचा थेट परिणाम; IndianOil ONE app ट्रेंडिंगमध्ये अव्वल

अमेरिका आणि ईराण यांच्यामध्ये सुरु असलेल्या युद्धाचा परिणाम भारतात मोठ्या प्रमाणात होत असल्याचा पाहायला मिळत आहे. भारतात गॅस सिलेंडरची टंचाई निर्माण झाली आहे. रांगेत थांबून आणि फोन करून कंटाळलेले ग्राहक आता अ‍ॅपच्या माध्यमातून गॅस सिलेंडर बुक करण्यासाठी प्रयत्न करत आहे. याचा सर्वात जास्त फायदा IndianOil ONE अ‍ॅपला झाला आहे. ग्राहक हा अ‍ॅप डाऊनलोड करून गॅस सिलेंडर बुक करण्यासाठी प्रयत्न करत आहेत. अत्यंत कमी कालावधीत या अ‍ॅपची डाऊनलोड संख्या मोठ्या प्रमाणात वाढली आहे. यामुळे हा अ‍ॅप गुगल प्ले स्टोअरवरील फ्रीमध्ये डाऊनलोड होणाऱ्या अ‍ॅप्सच्या यादीत अव्वल स्थानावर पोहोचला आहे. या अ‍ॅपने एआय चॅटबॉट ChatGPT ला देखील मागे सोडलं आहे.

तुमचे Android डिव्हाईस सुरक्षित आहे का? नव्या त्रुटीमुळे हॅकर्स 1 मिनिटात चोरू शकतात फोनमधील डेटा, यूजर्सची चिंता वाढली

IndianOil ONE अ‍ॅप गुगल प्ले स्टोअरवरील सर्वाधिक डाऊनलोड झालेला अ‍ॅप ठरला आहे. या यादीत अव्वल असणारा चॅटजीपीटी आता दुसऱ्या स्थानावर आहे. मोठ्या रांगेत थांबण्यापेक्षा आता लोकं अ‍ॅपच्या माध्यमातून गॅस सिलेंडर बुक करण्याला प्राधान्य देत आहेत. अ‍ॅपवर होणाऱ्या गॅस बुकींगमुळे गॅस एजेंसी समोरील लोकांची गर्दी देखील कमी होत असल्याचे पाहायला मिळत आहे.  (फोटो सौजन्य – Pinterest)

IndianOil ONE मध्ये फीचर्स काय आहेत?

हा अ‍ॅप कंपनीने ग्राहकांसाठी एक सेंट्रल प्लॅटफॉर्मच्या स्वरुपात तयार केला आहे. यामध्ये यूजर्सना LPG कनेक्शनची सर्व माहिती एक्सेस करण्याचा पर्याया मिळतो. IndianOil ONE अ‍ॅपच्या फीचर्सबद्दल बोलायचं झालं तर ग्राहक या अ‍ॅपमध्ये LPG सिलेंडर बुकिंग, बुकिंग हिस्ट्री ट्रॅकिंग, डिस्ट्रीब्यूटर सर्च करणं आणि सर्विस रिक्वेस्ट मॅनेजमेंटसह इतर अनेक कामं पूर्ण करू शकतात. अ‍ॅपद्वारेच, यूजर्स त्यांचे वितरक बदलू शकतात आणि यांत्रिक सेवेची विनंती करू शकतात.

LPG सिलेंडरची मागणी वाढली

LPG सिलेंडरचा तुटवडा आहे. याच परिस्थितीत बुकिंग आणि डिलीव्हरी ट्रॅक करण्याऱ्या अ‍ॅप्सची डाऊनलोड संख्या देखील वाढत असल्याचे पाहायला मिळत आहे. IndianOil ONE सारखे अ‍ॅप्स यूजर्सना घरबसल्या गॅस सिलेंडर बुक करण्याची सुविधा देतात. यामुळे त्यांना वितरकाकडे जाऊन किंवा फोन करून गॅस सिलेंडर बुक करण्याची गरज पडत नाही.

Jio Recharge Plan: प्लॅन एक अन् फायदे अनेक! जिओ घेऊन आला डेटा आणि AI चा डबल धमाका, हा रिचार्ज तुमच्यासाठी ठरेल फायद्याचा

टॉप डाऊनलोड अ‍ॅप्सच्या यादीत या नावांचाही समावेश

इंडियनऑइल वन आणि चॅटजीपीटी व्यतिरिक्त, मनोरंजन आणि ई-कॉमर्स अ‍ॅप्सनाही फ्री चार्टच्या टॉप अ‍ॅप्समध्ये स्थान मिळाले. स्टोरी टीव्ही तिसऱ्या क्रमांकावर, फ्रीरील्स चौथ्या क्रमांकावर आणि मीशो पाचव्या क्रमांकावर आहे. इतर अ‍ॅप्समध्ये फ्लिपकार्ट, जिओहॉटस्टार, फोनपे आणि इंस्टाग्राम यांचा समावेश आहे. हा चार्ट सतत बदलत असतो आणि लोक कोणत्या वेळी कोणत्या कामांना प्राधान्य देत आहेत याची कल्पना देतो.