Maharashtra Assembly Election 2024: मतदान केंद्र शोधताना गोंधळ उडतोय? निवडणूक आयोगाचं हे अ‍ॅप तुम्हाला करणार मदत

मतदारांसाठी निवडणूक आयोगाने वोटर हेल्पलाइन अ‍ॅप लाँच केलं आहे. वोटर हेल्पलाइनच्या मदतीने मतदार स्मार्टफोनवर एका क्लिकवर मतदार यादीतील नाव आणि त्यांचं मतदान केंद्र शोधू शकतात. त्यामुळे मतदारांचा त्रास कमी होणार आहे.

20 नोव्हेंबर 204 रोजी महाराष्ट्रात विधानसभा निवडणूक 2024 साठी मतदान होणार आहे. 23 नोव्हेंबर 2024 रोजी या विधानसभा निवडणुकीचा निकाल जाहीर होणार आहे. उद्याच्या मतदानाच्या पार्श्वभूमीवर सर्वत्र तयारी सुरु झाली आहे. मतदान केंद्र देखील सज्ज आहेत. मतदारांना कोणत्याही प्रकारचा त्रास होऊ नये यासाठी मतदान आयोग देखील सज्ज झाला आहे.

निवडणुकीसंबंधित बातम्या वाचण्यासाठी इथे क्लिक करा

मतदान आयोगाने मतदारांसाठी वोटर हेल्पलाइन अ‍ॅप लाँच केलं आहे. हे अ‍ॅप तुम्हाला मतदार यादीत नाव शोधण्यासाठी आणि मतदान केंद्र शोधण्यासाठी मदत करणार आहे. वोटर हेल्पलाइन ॲप गुगल प्ले स्टोअर आणि ॲपल ॲप स्टोअरवरून विनामूल्य डाउनलोड केले जाऊ शकते. हे ॲप युजर्सची कोणत्याही प्रकारची माहिती स्टोअर करत नाही. (फोटो सौजन्य – pinterest)

वोटर हेल्पलाइन ॲप लाँच

2024 च्या विधानसभा निवडणुकीसाठी राजकीय पक्षांनी जोरदार तयारी केली आहे. मतदारांच्या सोयीसाठी निवडणूक आयोगाने 2019 मध्ये वोटर हेल्पलाइन ॲप सुरू केले होते. निवडणुकीशी संबंधित सर्व माहिती मिळवण्यासाठी हे ॲप वन-स्टॉप डेस्टिनेशन आहे. वोटर हेल्पलाइन ॲप अँड्रॉइड आणि iOS या दोन्ही प्लॅटफॉर्मवर उपलब्ध आहे. तुम्ही हे ॲप प्ले स्टोअरवरून विनामुल्य डाऊनलोड करू शकता.

वोटर हेल्पलाइन ॲप अशा प्रकारे करणार मदत

मतदार यादीतील नाव – वोटर हेल्पलाइन ॲपच्या मदतीने मतदार फक्त एका क्लिकवर मतदार यादीत त्यांचं नाव शोधू शकतात. यासोबतच ते मतदान करण्यास पात्र आहेत की नाही हे देखील मतदारांना चेक करता येणार आहे.

टेकसंबंधित बातम्या वाचण्यासाठी इथे क्लिक करा

वोटर रजिस्ट्रेशन – जर तुमचा वोट रजिस्टर्ड नसेल तर या ॲपच्या मदतीने मतदार त्यांचे वोट निवडणूक यादीत रजिस्टर शकतात. यासोबतच ते रजिस्ट्रेशन डिटेल्समधील चुका देखील या ॲपच्या मदतीने दुरुस्त करू शकता. त्यामुळे मतदारांना यासाठी कोणत्याही केंद्रावर जाण्याची गरज भासणार नाही.

वोटर स्लिप डाउनलोड – वोटर हेल्पलाइन ॲपवरून, यूजर्स मतदानासाठी इलेक्टोरल रोल किंवा डिजिटल फोटो मतदार स्लिप डाउनलोड करू शकतात.

निवडणूक संबंधित डिटेल्स – वोटर हेल्पलाइन ॲपवर, आगानी निवडणूकीची माहिची, निवडणुकीचा निकाल आणि निवडणुकीसाठी उभ्या असलेल्या उमेदवारांची माहिती मिळणार आहे.

मतदार यादीत नाव कसे शोधायचे

वोटर हेल्पलाइन ॲपच्या मदतीने युजर्स त्यांचे नाव मतदार यादीत शोधू शकतात आणि मतदार यादी डाउनलोड करू शकतात. यासाठी त्यांना काही सोप्या स्टेप्स फॉलो कराव्या लागणार आहेत.

• सर्वात आधी तुम्हाला तुमच्या स्मार्टफोनमध्ये वोटर हेल्पलाइन ॲप डाऊनलोड करावा लागेल.
• आता हा ॲप ओपन करा.
• मतदार यादीतील नाव शोधण्यासाठी ॲपच्या होम पेजवर दिसणाऱ्या सर्च बारवर क्लिक करा.
• तुम्ही सर्च बारवर टॅप करताच, एक नवीन पेज ओपन होईल. या पेजवर युजर्स मोबाईल नंबर, QR कोड, तपशील किंवा EPIC नंबर टाकून मतदार यादीत त्यांचे नाव शोधू शकतात. तसेच इथे तुम्हाला मतदान केंद्राची माहिती देखील मिळणार आहे.
• तुम्ही नाव, वडिलांचे/पतीचे नाव, जन्मतारीख/वय, लिंग, राज्य किंवा मतदारसंघाची माहिती वापरून देखील मतदार यादीत नाव शोधता येणार आहे.
• जर तुमच्याकडे मतदार ओळखपत्र असेल तर तुम्ही EPIC (Electors Photo Identity Card) क्रमांक टाकून नाव शोधू शकता.
• जर तुमचा मोबाईल नंबर मतदार ओळखपत्राशी जोडलेला असेल, तर तुम्ही तुमच्या मोबाईल नंबरद्वारे मतदार यादीत तुमचे नाव शोधू शकता.