स्टायलिश लुक + पॉवरफुल फीचर्स! Nothing Phone 3a स्पेशल एडिशन भारतात लाँच, कस्टम हार्डवेयर डिझाईनने सुसज्ज; जाणून घ्या किंमत

Nothing Phone 3a Special Edition: नथिंग यूजर्ससाठी आनंदाची बातमी आहे. कंपनीने Nothing Phone 3a या स्मार्टफोनचे एक स्पेशल आणि लिमिटेड एडीशन लाँच केले आहे. नवीन व्हेरिअंट मिड रेंड किंमतीत लाँच करण्यात आले आहे.

• Nothing Phone 3a चा स्पेशल एडीशन व्हेरिअंट लाँच
• एकाच स्टोरेज आणि रॅम व्हेरिअंटमध्ये स्मार्टफोन लाँच
• बंगळुरुमध्ये खास स्पेशल ड्रॉप ईव्हेंटचे आयोजन

स्मार्टफोन कंपनी Nothing ने भारतात एक स्पेशल एडीशन स्मार्टफोन लाँच केला आहे. हा स्मार्टफोन भारतात Nothing Phone 3a Community Edition या नावाने लाँच करण्यात आला आहे. हा स्मार्टफोन Nothing Phone 3a चा स्पेशल एडीशन व्हेरिअंट आहे. Nothing Phone 3a हा स्मार्टफोन मार्च महिन्यात लाँच करण्यात आला होता. असं सांगितलं जात आहे की, हे हँडसेट कम्युनिटी एडिशन प्रोजेक्टचा एक भाग म्हणून तयार करण्यात आले आहे, ज्यामध्ये नथिंग कम्युनिटीचे 700 हून अधिक मेंबर्सचे सबमिशनमध्ये निवडलेले डिझाईन एस्थेटिक्स आणि UI एलिमेंट्स समाविष्ट आहे. कंपनीने दिलेल्या माहितीनुसार, Nothing Phone 3a Community Edition एक नवीन डिझाईन, एक यूनिक लॉक स्क्रीन क्लॉक आणि मॅचिंग नवीन वॉलपेपरसह लाँच करण्यात आले आहे.

Instagram Update: पुन्हा एकदा आलं भन्नाट फीचर! आवडत्या सेलिब्रिटीची स्टोरी रिशेअर करणं झालं आणखी सोपं, आता मिळणार ‘हा’ पर्याय

Nothing Phone 3a Community Edition ची किंमत आणि उपलब्धता

भारतात Nothing Phone 3a Community Edition चे 12GB रॅम आणि 256GB ऑनबोर्ड स्टोरेजवाले व्हेरिअंट लाँच करण्यात आले आहे. या व्हेरिअंटची किंमत 28,999 रुपये असणार आहे. कंपनी या स्पेशल एडीशन हँडसेटचे केवळ 1 हजार युनिट्स बनवणार आहे, जे लिमिटेड रिलीजचा भाग म्हणून सर्व बाजारपेठांमध्ये उपलब्ध असेल. भारतात, Nothing Phone 3a Community Edition स्मार्टफोन 13 डिसेंबर रोजी बंगळुरुमध्ये एका खास स्पेशल ड्रॉप ईव्हेंटमध्ये खरेदी केला जाऊ शकतो. (फोटो सौजन्य – X) 

See more

The future like you remember it. Phone (3a) Community Edition 2025 is here. Thank you to Emre, Jad, Louis, Ambrogio, and Sushruta for their creativity and collaborative spirit in making it happen. pic.twitter.com/yRCBPpcbIj — Nothing (@nothing) December 9, 2025

Nothing Phone 3a Community Edition मध्ये काय असणार खास?

Nothing Phone 3a Community Edition मध्ये स्टँडर्ड मॉडेलसारखे फीचर्स आणि स्पेसिफिकेशन्स देण्यात आले आहेत. या स्पेशल एडीशन स्मार्टफोनमध्ये Qualcomm Snapdragon 7s Gen 3 प्रोसेसर, 6.7-इंच फ्लेक्सिबल AMOLED डिस्प्ले, ट्रिपल कॅमेरा सेटअप आणि 5,000mAh बॅटरी देण्यात आली आहे. कंपनीने दिलेल्या माहितीनुसार, Nothing Community Edition प्रोजेक्टच्या स्टेज 1 मध्ये डिझाईन प्रोसेस समाविष्ट होती.

OnePlus 15 vs OnePlus 15R: पावर, स्पीड आणि फीचर्सची थेट तुलना! तुमच्यासाठी सर्वोत्तम पर्याय कोणता? जाणून घ्या

कम्युनिटी मेंबर एमरे कायगनकलकडे विनिंग हार्डवेयर पॅकेड आणि डिझाईन होते, ज्याबाबत असा दावा केला जात आहे की, हे 90 च्या दशकाच्या उत्तरार्धात आणि 2000 च्या दशकाच्या सुरुवातीच्या काळातील टेक्नोलॉजीच्या एस्थेटिक्सने प्रेरित आहे. Nothing च्या लेटेस्ट Community Edition प्रोजेक्टमध्ये नवीन कॅटेगरी देखील समाविष्ट होती, ज्याला एक्सेसरी डिझाईन म्हटलं जात आहे. डाइसच्या प्रत्येत फोकसवर कंपनीचे सिग्नेचर Ndot 55 फॉन्टमध्ये नंबर दिले आहेत. कम्युनिटी मेंबर जॅड जॉकने Nothing च्या लंडन-बेस्ड सॉफ्टवेयर टीमसह नवीन लॉक स्क्रीन क्लॉक फेस आणि वॉलपेपर डिझाईन केला आहे. असा दावा करण्यात आला आहे की, हे विजुअल क्लटर कमी करते.