Redmi Note 17 Pro आणि Pro Max भारतात लाँच; 10,000mAh बॅटरीसह मिळणार दमदार फीचर्स

रेडमीने भारतात Note 17 Pro आणि Pro Max लाँच करून मोठ्या बॅटरीसह दमदार फीचर्स असलेले पर्याय आणले आहेत. Pro Max मध्ये तब्बल 10,000mAh बॅटरी आणि 100W चार्जिंग मिळते, त्यामुळे या फोनकडे ग्राहकांचे लक्ष लागले आहे.

• Redmi Note 17 Pro ची सुरुवातीची किंमत ₹36,999 असून 9,000mAh बॅटरीसह अनेक प्रीमियम फीचर्स मिळतात.
• Redmi Note 17 Pro Max मध्ये 10,000mAh बॅटरी, 100W चार्जिंग आणि 32MP सेल्फी कॅमेरा आहे.
• दोन्ही स्मार्टफोनना IP69K रेटिंग असून Android 16 आणि HyperOS 3 सॉफ्टवेअर मिळते.

रेडमीने भारतीय बाजारात आपल्या Note 17 सीरिजचा विस्तार करत Redmi Note 17 Pro आणि Redmi Note 17 Pro Max हे दोन नवीन स्मार्टफोन लाँच केले आहेत. Redmi Note 17 भारतात लाँच केल्यानंतर आता कंपनीने प्रीमियम Pro मॉडेल्स सादर केली आहेत. मोठी बॅटरी, AMOLED डिस्प्ले, दमदार कॅमेरा आणि दीर्घकाळ सॉफ्टवेअर अपडेट्स ही या फोनची प्रमुख वैशिष्ट्ये आहेत.

Redmi Note 17 Pro ची किंमत आणि फीचर्स

Redmi Note 17 Pro ची सुरुवातीची किंमत ₹36,999 असून या किंमतीत 8GB RAM आणि 128GB स्टोरेज मिळते. 8GB RAM आणि 256GB स्टोरेज असलेल्या व्हेरिएंटची किंमत ₹39,999 आहे. फोनमध्ये 6.83-इंचाचा 1280×2772 AMOLED डिस्प्ले असून तो 120Hz रिफ्रेश रेट आणि 3,500 निट्स पीक ब्राइटनेसला सपोर्ट करतो.

नव्या Redmi 17 5G ची सर्वत्र चर्चा! बजेट किंमतीत मिळणार तगडा स्मार्टफोन, फीचर्स पाहून व्हाल खुश

या फोनमध्ये Snapdragon 6s Gen 4 प्रोसेसर देण्यात आला आहे. फोटोग्राफीसाठी OIS सपोर्ट असलेला 50MP मुख्य कॅमेरा, 8MP अल्ट्रावाइड कॅमेरा आणि 16MP सेल्फी कॅमेरा मिळतो. विशेष म्हणजे 9,000mAh बॅटरीसह 67W फास्ट चार्जिंग आणि 22.5W रिव्हर्स वायर्ड चार्जिंगची सुविधा आहे. बॉक्समध्ये 67W चार्जर दिला जातो.

Redmi Note 17 Pro Max मध्ये आणखी मोठी बॅटरी

Redmi Note 17 Pro Max मध्येही 6.83-इंचाचा AMOLED डिस्प्ले आहे, पण कॅमेरा आणि परफॉर्मन्समध्ये काही महत्त्वाचे बदल करण्यात आले आहेत. यात Snapdragon 6 Gen 5 प्रोसेसर, f/1.5 अपर्चरचा 50MP मुख्य कॅमेरा, 8MP अल्ट्रावाइड आणि 32MP सेल्फी कॅमेरा मिळतो.

अरे देवा!! ग्राहकांच्या बजेटवर पुन्हा ताण; Oppo आणि Xiaomi ने वाढवल्या या डिव्हाईसच्या किंमती, नवीन दर पाहून बसेल धक्का

फोनची सर्वात मोठी खासियत म्हणजे 10,000mAh बॅटरी. ती 100W फास्ट वायर्ड चार्जिंग आणि 27W रिव्हर्स वायर्ड चार्जिंगला सपोर्ट करते. Pro Max ची किंमत 8GB RAM आणि 256GB स्टोरेजसाठी ₹49,999, तर 12GB RAM आणि 256GB स्टोरेजसाठी ₹55,999 आहे.

दोन्ही फोनना IP66, IP68 आणि IP69K रेटिंग मिळाले असून Android 16 आधारित HyperOS 3 सॉफ्टवेअर आहे. कंपनी 4 प्रमुख OS अपडेट्स आणि 6 वर्षांच्या सिक्युरिटी अपडेट्सचे आश्वासन देते. Redmi Note 17 Pro ची विक्री 17 सप्टेंबरपासून, तर Pro Max ची विक्री 23 सप्टेंबरपासून सुरू होईल.