फोटो सौजन्य AI
त्यामुळे वापरकर्त्यांना प्रत्येक वेळी स्मार्टफोन हातात घेण्याची गरज भासणार नाही. घड्याळाच्या माध्यमातून व्हॉइस कमांड, मेसेज आणि डिक्टेशनद्वारे AI शी संवाद साधता येणार आहे. Meta च्या या निर्णयामुळे स्मार्टवॉचच्या वापरात AI ची भूमिका अधिक महत्त्वाची होण्याची शक्यता आहे.
Meta च्या Muse AI मध्ये आता स्मार्टवॉचवरूनच संवाद साधण्याची सुविधा देण्यात आली आहे. वापरकर्ते व्हॉइस कॉल, टेक्स्ट मेसेज किंवा आवाजाचे शब्दांमध्ये रूपांतर करणाऱ्या डिक्टेशन सुविधेचा वापर करू शकतात. Apple Watch वापरकर्त्यांना घड्याळाच्या स्क्रीनवर Muse चा अवतार दिसणार असून, त्यावर टॅप करून असिस्टंटशी संवाद सुरू करता येईल. तसेच घड्याळाच्या वॉच फेसवर शॉर्टकट ठेवण्याची सुविधाही देण्यात आली आहे. त्यामुळे AI असिस्टंटपर्यंत पोहोचणे अधिक सोपे होणार आहे.
Muse हे केवळ प्रश्नांची उत्तरे देणारे चॅटबॉट नसून, दैनंदिन कामांमध्ये मदत करणारे AI एजंट आहे. वापरकर्ते विविध अकाउंट्स आणि सेवांशी कनेक्ट करून ई-मेल व्यवस्थापन, मीटिंगचे नियोजन आणि बिलांची माहिती मिळवू शकतात.
याशिवाय रेस्टॉरंट बुकिंग, किराणा सामानाची ऑर्डर, वैयक्तिक उद्दिष्टे निश्चित करणे आणि खरेदीसारख्या कामांमध्येही Muse मदत करू शकते. मात्र, स्मार्टवॉचवरून दिलेल्या सूचनांपैकी बहुतांश प्रक्रिया कनेक्ट केलेल्या स्मार्टफोनच्या मदतीने पार पडतात. म्हणजेच घड्याळ हे AI शी संवाद साधण्यासाठी आणि कामांचा आढावा घेण्यासाठी महत्त्वाचे माध्यम ठरणार आहे.
Meta च्या या नव्या सुविधेकडे कंपनीच्या AI विस्तारातील महत्त्वाचे पाऊल म्हणून पाहिले जात आहे. Muse चा वापर अधिकाधिक उपकरणांवर उपलब्ध करून देण्याचा कंपनीचा प्रयत्न आहे. आता Apple Watch आणि Wear OS च्या माध्यमातून स्मार्टवॉच वापरकर्त्यांपर्यंतही ही सुविधा पोहोचवली जात आहे.
मात्र, सध्या Muse AI ची उपलब्धता अमेरिका, कॅनडा, जपान आणि सिंगापूरसारख्या निवडक बाजारपेठांपुरती मर्यादित आहे. भारतात ही सेवा अद्याप सुरू झालेली नाही. त्यामुळे भारतीय वापरकर्त्यांना या सुविधेसाठी आणखी प्रतीक्षा करावी लागू शकते. Meta च्या या विस्तारामुळे भविष्यात स्मार्टफोनपेक्षा स्मार्टवॉचवरून AI चा वापर करण्याचा ट्रेंड वाढतो का, हे पाहणे महत्त्वाचे ठरणार आहे.
.png "Videos"){kind=small}
