ChatGPT Update: OpenAI ने लाँच केलं नवीन टूल! युजर्सना मिळणार सुपर पॉवर, जाणून घ्या वैशिष्ट्ये

OpenAI ने त्यांचे नवीन AI एजंट डीप रिसर्च लाँच केले आहे. कंपनीने आपल्या ब्लॉग पोस्टमध्ये असे म्हटले आहे की डीप रिसर्च पत्रकार, संशोधक आणि विश्लेषक अशा लोकांसाठी डिझाइन करण्यात आलं आहे.

OpenAI ने AI चॅटबोट ChatGPT साठी ‘डीप रिसर्च’ नावाचं एक नवीन टूल लाँच केलं आहे. हे टूल कठीण प्रश्नांची उत्तर देण्यासाठी तयार करण्यात आलं आहे. ‘डीप रिसर्च’ टूल युजर्सना कठीण प्रश्नांची उत्तरं देण्यासाठी फायदेशीर ठरणार आहे. AI चॅटबॉटनंतर आता AI एजंटची मालिका सुरू झाली आहे. ओपनएआयने आता आणखी एक AI एजंट लाँच केला आहे. डीप रिसर्च या नावाने सुरू केलेले हे टूल ऑनलाइन रिसर्चसाठी उपयुक्त ठरेल.

Netflix ने रिलीज केलं नवीन फीचर, या युजर्सना मिळणार फायदा! अशा प्रकारे एकत्र डाऊनलोड करा पूर्ण सीझन

डीप रिसर्च हे जटिल विज्ञान प्रश्नांवर संशोधन करण्यास आणि काही मिनिटांत सर्वोत्तम स्मार्टफोन शोधण्यास सक्षम आहे. कंपनीने म्हटले आहे की हे टूल फाइनेंस, पॉलिसी, साइंस आणि इंजीनियरिंग इत्यादी क्षेत्रात काम करणाऱ्यांसाठी तयार केले गेले आहे, ज्यांना सखोल आणि विश्वासार्ह संशोधनाची आवश्यकता आहे. ओपनएआयचा दावा आहे की डीप रिसर्च संशोधन विश्लेषकाप्रमाणे काम करू शकते आणि डेटा शोधणं, विश्लेषण करणं आणि हा डेटा सादर करण्यास सक्षम आहे. हे सध्या प्रो वापरकर्त्यांसाठी उपलब्ध आहे. (फोटो सौजन्य – Pinterest)

हे टूल कसे कार्य करेल?

OpenAI o3 द्वारा समर्थित, हे टूल ChatGPT च्या मदतीने तपशीलवार संशोधन करण्यासाठी डिझाइन केले गेले आहे. हे वेब ब्राउझिंग आणि पायथन एनालिसिससाठी ऑप्टिमाइझ केले आहे. ते रीजनिंग वापरून इंटरनेटवर उपलब्ध मजकूर, प्रतिमा आणि PDF ब्राउझ करू शकते. ओपनएआयचे अभियांत्रिकीचे उपाध्यक्ष श्रीनिवास नारायणन म्हणाले की, AI वापरण्याचा हा एक नवीन मार्ग आहे. हे तज्ञांच्या सल्ल्यासारखे आहे. कामे कमी व्हावीत आणि माणसांचा वेळ वाचावा या उद्देशाने हे नवीन टूल लाँच करण्यात आलं आहे.

डीप रिसर्चचा वापर कसा करावा?

डीप रिसर्च एक सशुल्क सेवा असेल आणि ती ChatGPT द्वारे वापरली जाऊ शकते. डीप रिसर्चमध्ये तुम्ही मॅसेज कंपोझर ओपन करून “डीप रिसर्च” निवडा आणि तुमचा प्रश्न विचारा. तुम्हाला अगदी काही क्षणात तुमच्या या जटील प्रश्नाचं उत्तर मिळणार आहे. यामध्ये युजरला फाइल्स अटॅच करण्याचा पर्यायही असेल. एकदा प्रश्न सबमिट केल्यावर, तुम्हाला त्याबाबत सविस्तर उत्तर दिलं जाणार आहे.

या दिवशी लाँच होणार Google Pixel 9a, अशी असेल नवीन डिझाईन! जाणून घ्या किंमत आणि फीचर्स

तुम्हाला डीप रिसर्च टूलचा वापर करायचा असेल तर प्रो, टीम किंवा एंटरप्राइझ प्लॅनचे सदस्यत्व खरेदी करावे लागणार आहे. हे विशेषतः पत्रकार, संशोधक आणि विश्लेषक यांसारख्या लोकांसाठी उपयुक्त आहे ज्यांना तपशीलवार संशोधनाची आवश्यकता आहे. ओपनएआयचे म्हणणे आहे की सखोल संशोधनासाठी अधिक संगणकीय शक्ती आवश्यक आहे, त्यामुळे भविष्यात या नवीन टूलची अधिक अपग्रेडेड आणि स्वस्त आवृत्ती लाँच केली जाणार आहे. ओपनएआयचा दावा आहे की हे टूल गुगलच्या प्रोजेक्ट मरिनर रिसर्च प्रोटोटाइपसारखेच आहे, परंतु सध्या प्रो वापरकर्त्यांसाठी उपलब्ध आहे.