स्मार्टफोनमध्ये 5G असूनही इंटरनेट स्लो चालतोय? मग या सोप्या ट्रीक्सचा वापर करा, सुपरफास्ट चालेल इंटरनेट

अनेकदा स्मार्टफोनमध्ये 5G असूनही स्लो इंटरनेटची समस्या भेडसालट असते. जर तुम्हालाही या समस्येला सामोरे जावे लागत असेल तर आजची ही बातमी तुमच्यासाठी उपयुक्त ठरणार आहे. आम्ही सांगत असलेल्या काही ट्रिक्स फॉलो करून तुम्ही तुमच्या फोनमधील स्लो इंटरनेट काही मिनिटांतच फास्ट करू शकता.

स्मार्टफोन आणि इंटरनेट या आजच्या जगात लोकांच्या आयुष्याचा एक अविभाज्य भाग बनले आहेत. यापैकी एकाचीही कमतरता राहिली तर आपली अनेक कामे ठप्प होतात. अनेक वेळा स्मार्टफोन युजर्सना इंटरनेट स्पीडच्या समस्यांना सामोरे जावे लागते. 5G च्या जमान्यातही फोनमध्ये डेटा स्पीड कमी होण्याची समस्या अनेकदा सुरू होते. जर काही महत्त्वाचे काम असेल आणि डेटाचा स्पीड कमी झाला तर संपूर्ण मूड खराब होतो. तुम्हालाही अशा समस्येचा सामना करावा लागत असेल तर आजची बातमी तुमच्यासाठी फायद्याची ठरणार आहे.

आजकाल बहुतांश कामे इंटरनेटच्या माध्यमातून केली जातात. अशा परिस्थितीत हायस्पीड कनेक्टिव्हिटी खूप महत्त्वाची झाली आहे. ऑनलाइन व्हिडिओ स्ट्रीमिंगच्या वाढत्या क्रेझमुळे लोक हायस्पीड इंटरनेटची मागणी करू लागले आहेत. आता लोक फक्त हाय स्पीड डेटासाठी ब्रॉडबँड कनेक्शनकडे वळत आहेत. जर तुम्ही तुमच्या फोनवर डेली लिमिटेड डेटा इंटरनेट वापरत असाल आणि तुमचा स्पीड स्लो होत असेल तर आज आम्ही तुम्हाला काही खास ट्रिक्स सांगणार आहोत. तुम्ही या ट्रिक्स फॉलो केल्यास तुमची स्लो डेटा कनेक्टिव्हिटीची समस्या कायमची दूर होईल.

हेदेखील वाचा – इलॉन मस्कने रचला इतिहास, टेस्लाचा नवा रोबोट लाँच, माणसांप्रमाणेच करणार सर्व कामे

नेटवर्क मोडला चेंज करा

अनेक वेळा योग्य नेटवर्क मोड न निवडल्यामुळे फोनमधील इंटरनेट डेटाचा वेग कमी होतो. त्यामुळे, जर तुम्हाला तुमच्या फोनमध्ये योग्य नेटवर्क स्पीड मिळत नसेल तर नेटवर्क मोडमध्ये समस्या असू शकते. त्यामुळे ही गोष्ट तुम्ही प्रथम फोनच्या सेटिंगमध्ये जाऊन तपासावी. नेटवर्क मोड दुरुस्त करण्यासाठी, तुम्हाला सेटिंग्जमध्ये जाऊन मोबाइल नेटवर्क पर्यायावर क्लिक करावे लागेल. येथे तुम्हाला सिम कार्डचा पर्याय मिळेल. सिम कार्ड टॅप करून तुम्ही नेटवर्क मोडवर जाऊ शकता. तुम्हाला येथे LTE/5G/4G पर्याय निवडावा लागेल.

बॅग्राऊंड ॲप्स क्लोज करा

अनेक वेळा, बरेच ॲप्स उघडलेले असतानाही डेटाचा वेग कमी होतो. त्यामुळे तुम्हाला हाय स्पीड डेटा हवा असेल तर तुम्हाला बॅकग्राउंड ॲप्स डिसेबल करावे लागतील.

हेदेखील वाचा – इलॉन मस्कने मॉनटायझेशन पॉलिसीमध्ये केले मोठे बदल! क्रिएटर्सच्या इनकमवर आला हा अपडेट

लोकेशनला ऑफ करा

जर तुम्हाला माहित नसेल तर आम्ही तुम्हाला सांगतो की, लोकेशन चालू असताना गुगलचा मॅप सतत डेटा वापरत असतो. लोकांना वाटते की, आपण ॲप उघडले नाही तर काही फरक पडणार नाही. पण तसे नाही. जर तुम्ही लोकेशन चालू केले असेल, तर गुगल मॅप सतत डेटा वापरेल आणि तुम्हाला स्लो स्पीड मिळेल. स्मार्टफोनच्या सेटिंगमध्ये जाऊन तुम्ही लोकेशन बंद करू शकता. याशिवाय, फोनमध्ये सापडलेला टॉगल खाली खेचून तुम्ही लोकेशन ऑप्शन देखील बंद करू शकता.

सॉफ्टवेअर अपडेट

अनेकदा सॉफ्टवेअर अपडेट न अपडेट केल्यामुळेही आपल्या फोनचा इंटरनेट स्लो होऊ शकतो. आम्ही तुम्हाला सांगतो की जेव्हाही कंपनी स्मार्टफोनमध्ये अपडेट आणते तेव्हा ते फोन आणि ॲप्समध्ये उपस्थित असलेल्या बग आणि नेटवर्कशी संबंधित समस्या दूर करते. तुम्ही तुमच्या फोनचे सॉफ्टवेअर आणि तुमच्या फोनमध्ये असलेले ॲप्स अपडेट केले नसतील, तर तुम्ही ते लगेच अपडेट करा. तुमच्या फोनमध्ये कोणते ॲप्लिकेशन अपडेट केलेले नाहीत हे तुम्ही गुगल प्ले स्टोअरवर जाऊन शोधू शकता.