hedvi beach
निसर्ग सौदर्याचा अद्भुत चमत्कार कोकणात पाहायला मिळतो. निरनिराळी झाडे, हिरवळ आणि समुद्रकिनारा या सर्वच गोष्टींनी येथील आणखीनच सौंदर्य खुलून येते. दरवर्षी अनेक पर्यटक कोकणाला भेट देत असतात. शहराच्या व्यस्थ आयुष्यापासून दूर कुठे शांततेत वेळ घालवायचा असल्यास या ठिकाणाला नक्की भेट द्या. निसर्गसौंदर्याने समृद्ध हे ठिकाण हे सुंदर अनुभूती देऊन जाते. त्यामुळेच यावेळेस कोकणाला भेट देत असाल तर या ठिकाणाला भेट द्यायला अजिबात विसरू नका.
कोकण किनारपट्टीवर वसलेला सुंदर आणि क्षणात किनारा
कोकणातील ज्या ठिकाणाविषयी आज आम्ही सांगत आहोत, त्या ठिकाणचे नाव आहे हेदवी बीच. हा समुद्रकिनारा महाराष्ट्राच्या कोकण किनारपट्टीवर गुहागर या गावात आहे. दरवर्षी इथे अनेक पर्यटक येथील सुंदर समुद्रकिनारा आणि ऐतिहासिक मंदिरांना भेट द्यायला येत असतात. या जागेचे सौंदर्य तुम्हाला इथे पुन्हा पुन्हा येण्यास भाग पाडेल. हा समुद्रकिनारा कोकणातील प्रसिद्ध समुद्रकिनाऱ्यांपैकी एक आहे. इथला शांत समुद्रकिनारा आणि त्याला लागून असलेले उमामहेश्वराचे देऊळ देखील प्रसिद्ध आहे. इथे नेहमीच फारशी गर्दी नसते, ज्यामुळे शहराच्या गजबटी[पासून दूर शांततेची अनुभूती इथे अनुभवायला मिळेल.
भेट देण्यासाठी सर्वोत्तम वेळ
उंच लाटा आणि निसरडे रस्ते यामुळे पावसाळ्यात येथे भेट देणे चुकीचे ठरेल. तुम्ही उन्हळ्यात या ठिकाणाला भेट देऊ शकता. म्हणूनच सोयीची वेळ म्हणजे, पावसाळ्यानंतर लगेचच, ऑक्टोबर किंवा नोव्हेंबर आणि उन्हाळा सुरू होण्यापूर्वी, म्हणजे मार्च. या काळात तुम्हाला उत्तम हवामानाचा आनंद घेता येईल. तसेच उन्हाळ्याच्या गर्मीतून दूर थंड समुद्रकिनाऱ्याचा अनुभव तुम्हाला सुखकर करेल.
कसे जायचे आणि राहण्याची सोय ?
हेदवी बीचला जाण्याचा योग्य मार्ग आहे मुंबई, पुणे किंवा इतर शहरांदरम्यान धावणारी बस सेवा. बस हा त्याजागी जाण्याचा एक उत्तम पर्याय ठरेल. मुंबई आंतराराष्ट्रीय विमानतळ सुमारे 300 किलोमीटर अंतरावर आहे, तेथून तुम्ही समुद्रकिनाऱ्यावर जाण्यासाठी कॅब भाड्याने घेऊ शकता. कोकण रेल्वे मार्गावर काही गाड्या आहेत, हेदवी बीचपासून 95 किलोमीटर अंतरावर असलेल्या चिपळूण या प्रमुख स्थानकापर्यंत पोहोचतात, तिथून तुम्ही कॅब किंवा जीपने जाऊ शकता. तसेच इथे राहण्याची चांगली सोय उपलब्ध आहे. इथे तुम्हाला विविध हॉटेल्स आणि किनारा बीच हाऊसेस उपलब्ध होतील.
.png "Videos"){kind=small}
