जगातील या नद्यांना मिळाले आहे एक वेगळे वरदान, येथून बाहेर पडते सोने, भारतातील या नदीचा समावेश

आज आम्ही तुम्हाला जगातील आणि देशातील अशा काही नद्यांविषयी सांगत आहोत, जिथून चक्क सोने बाहेर पडते. सोन्याच्या खाणीसाठी या नद्या विशेष करून प्रसिद्ध आहेत. येथील स्थानिक लोक पारंपरिक पद्धतीने नदीतील वाळू गाळून त्यातून सोन्याचे कण बाहेर काढतात. आम्ही तुम्हाला सांगतो, यापैकी एक नदी भारतातही आहे.

तुम्ही कधी ना कधी सोशल मीडियावर असा व्हिडिओ पाहिलाच असेल, ज्यामध्ये लोक लाकडी पाटाच्या साहाय्याने नदी किंवा कालव्यातून सोने काढतात. हे लोक पाण्यात असलेले खडे आणि दगड गाळून वेगळे करतात आणि त्यानंतर जेव्हा पाण्यात फक्त वाळू उरते तेव्हा ते हळूहळू त्यातून सोने काढतात, ज्याला ‘गोल्ड डस्ट’ असेही म्हटले जाते. तुम्हाला हे जाणून आश्चर्य वाटेल की, देशात आणि जगात अशा काही नद्या आहेत, ज्यातून लोक या पद्धतीने सोने काढतात. आज आम्ही तुम्हाला याबाबतच सविस्तर माहिती सांगणार आहोत. चला जाणून घेऊया या नद्या आणि त्यांचा इतिहास काय आहे.

हेदेखील वाचा – Ganesh Chaturthi 2024 : भारतातील प्राचीन रहस्यमयी गणेश मंदिरं, फार कमी लोकांना माहिती आहेत, एकदा नक्की भेट द्या

मिसूरी नदी

मिसूरी नदीवरील सोन्याच्या खाणकामाचा इतिहास 19 व्या शतकाच्या मध्यापर्यंतचा आहे जेव्हा प्रॉस्पेक्टर्सनी नदीच्या खडीमध्ये (माती) सोन्याचा शोध लावला. ही नदी अमेरिकेत आहे. येथे लोक नदीची वाळू गाळून यातून सोन्याचे कण गोळा करतात. सहसा इथे दिवसभर काम केल्यावर एखादी व्यक्ती सोन्याचा एक कण गोळा करू शकते.

बिग हॉल नदी

बिग हॉल नदी अमेरिकेच्या नैऋत्येकडील मोंटाना येथे आहे. या नदीत मोठ्या प्रमाणात सोने बाहेर पडत असल्याचे सांगितले जाते. जेव्हा लोकांना कळले की या नदीतून सोने बाहेर येत आहे, तेव्हा सुरुवातीच्या काळात $5 दशलक्ष पेक्षा जास्त किमतीचे सोने यातून बाहेर काढण्यात आले.

हेदेखील वाचा – Travel: जिथे मुघलांच्या कुऱ्हाडीचा घावदेखील निरर्थक ठरला असे भारतातील राधाकृष्णाचे चमत्कारी मंदिर, 300 वर्षे जुना इतिहास

स्वर्णरेखा नदी

स्वर्णरेखा ही भारतातील झारखंडमध्ये वाहणारी नदी आहे. येथे अनेक शतकांपासून स्थानिक आदिवासी स्वर्णरेखा नदीची वाळू गाळून सोन्याचे कण गोळा करतात. आम्ही तुम्हाला सांगतो, ही नदी भारतातील त्या नद्यांमध्ये गणली जाते, जिथे सर्वाधिक सोन्याचे उत्पादन होते. झारखंड, पश्चिम बंगाल आणि ओडिशा राज्यांमधून वाहणारी ही नदी शतकानुशतके सोन्याच्या शोधासाठीचे एक प्रसिद्ध ठिकाण बनले आहे. नदीची वाळू स्थानिक समुदायांद्वारे पारंपारिक पद्धतीने काढली जाते, यातून सोन्याचे चमकदार कण बाहेर पडतात. येथे लोक हे काम करून आपला रोजचा खर्च भागवतात.