येत आहे जल प्रलय! शतकाच्या अखेरीस पाण्यात डुबतील जगातील हे 7 शहरं, मालदीवचंही अस्तित्व संपुष्टात येणार

जगात अशी अनेक ठिकाणे आहेत ज्यांना 21 व्या शतकाच्या अखेरीस महापूराचा फटका बसण्याचा धोका आहे. यामध्ये मालदीव, इटलीसारख्या अनेक मोठमोठ्या शहरांचा समावेश आहे.

जगाचा अंत केव्हा आणि कसा होईल याविषयी आपण अनेकदा एकमेकांना हे प्रश्न विचारतो. काही म्हणतात की महामारी सर्वत्र पसरेल, तर काही म्हणतात की हळूहळू अन्याय इतका पसरेल की जगातील सर्व काही नष्ट होईल. पण एक गोष्ट अशी आहे की जिच्या भीतीने सर्वांना सतावू लागले आहे. आम्ही जगाच्या त्या सागरी क्षेत्रांबद्दल बोलत आहोत जे हवामान बदलामुळे धोकादायक बनले आहेत आणि समुद्राची वाढती पातळी देखील शास्त्रज्ञांसाठी चिंतेचे कारण बनली आहे.

आता 21व्या शतकाच्या अखेरीस पुरामुळे जगातील अनेक शहरे पाण्याखाली जातील, असे बोलले जात आहे. हा धोका काही शहरांसाठी विनाशाचे कारण बनणार आहे. या यादीत कोणकोणत्या शहरांचा समावेश आहे ते जाणून घेऊयात.

Mahakumbh Mela 2025: भाविकांना महाकुंभला नेण्यासाठी IRCTC सज्ज, नवीन पॅकेज लाँच; किंमतही कमी

मालदीव

निळ्याशार समुद्रात वसलेल्या मालदीवला हनिमून कपल्सपासून ते सेलिब्रिटींपर्यंत सर्वजण भेट देतात. त्या ठिकाणची अवस्थाही 21व्या शतकापूर्वी डुबणारी होणार आहे. म्हणजे वाढत्या पातळीमुळे हा देशही बुडू शकतो, असे बोलले जात आहे. आम्ही तुम्हाला सांगतो, मालदीव हा जगातील सर्वात खालचा देश आहे, ज्याची जमिनीची सरासरी उंची सुमारे 1.5 मीटर आहे. पाण्याची पातळी वाढल्याने त्यातील 1,200 बेटे बुडू शकतात.

व्हेनिस, इटली

व्हेनिस, ज्याला बऱ्याचदा “फ्लोटिंग सिटी” म्हणून देखील संबोधले जाते, ते 21 व्या शतकापूर्वी जमीन कमी झाल्यामुळे आणि समुद्राच्या वाढत्या पातळीमुळे अस्तित्वात नाहीसे होण्याची अपेक्षा आहे. वेगाने वाढणाऱ्या भरतीमुळे परिसरातील प्रसिद्ध कालवे, ऐतिहासिक इमारती आणि सांस्कृतिक वारसा धोक्यात येऊ शकतो.

न्यू ऑर्लीन्स, यूएस

न्यू ऑर्लीन्समध्येही वादळाच्या लाटा येत राहतात आणि समुद्राची पातळी वाढण्याच्या उच्च जोखमीमुळे या ठिकाणीही हळूहळू भविष्यात महापूर येऊ शकतो. या सर्वांशिवाय शास्त्रज्ञांचा अंदाज आहे की, 2100 पर्यंत शहराचा मोठा भाग खोल समुद्रात बुडू शकतो.

बँकॉक, थायलंड

शहरांच्या झपाट्याने विकासामुळे बँकॉकमध्ये अनेक हवामान बदल दिसून येत आहेत. हळूहळू ही जागाही पाण्यात बुडू शकते. या सर्व कारणांमुळे शहराची पुराची संवेदनशीलता वाढू शकते आणि शतकाच्या अखेरीस त्याचा मोठा भाग समुद्रात बुडू शकतो, असा अंदाज आहे.

भारतातील सर्वात जुने आणि शेवटचे रेल्वे स्टेशन! ब्रिटिश काळात आले बांधण्यात, स्वातंत्र्यानंतरही पूर्वीसारखेच…

तुवालु

पॅसिफिक महासागरातील एक लहान बेट राष्ट्र असलेल्या तुवालूलाही समुद्राची वाढती पातळी आणि हवामान बदलामुळे गंभीर आव्हानांचा सामना करावा लागत आहे. तुवालु समुद्रसपाटीपासून फक्त 4.5 मीटर उंचीवर आहे आणि त्याची लोकसंख्या सुमारे 12,000 आहे. तुवालू हा जगातील सर्वाधिक धोका असलेल्या देशांपैकी एक आहे.

ढाका, बांग्लादेश

ढाका शहर देखील समुद्राच्या पातळीत वाढ झाल्यामुळे वाईटरित्या प्रभावित झाले आहे, ज्यामुळे लाखो लोकांचे जीवन धोक्यात आले आहे. आपणास सांगतो की, वारंवार येणारे पूर आणि शेतजमिनीमध्ये साचणारे खारे पाणी यामुळे येथील दाट लोकसंख्येला अनेक आव्हानांचा सामना करावा लागत आहे.

सेशेल्स

जैवविविधतेसाठी प्रसिद्ध असलेली सेशेल्सची सुंदर बेटे आणि सुंदर समुद्रकिनारे बुडण्याच्या मार्गावर आहेत. समुद्राच्या वाढत्या पातळीमुळे बेटांच्या पर्यावरणालाच हानी पोहोचत नाही, तर स्थानिक लोकांची जीवनशैलीही धोक्यात आली आहे.