नक्षलवाद्यांना साहित्य पुरविले; माजी नगरसेवकांसह तिघांना ठोकल्या बेड्या

नक्षलवाद्यांना साहित्य पुरवठा (supply of literature to Naxals) प्रकरणात गोंदियातील एका माजी नगरसेवकासह (Gondia corporator) तिघांना बालाघाट पोलिसांनी (Balaghat police) अटक केली आहे. या प्रकरणात यापूर्वी आठ आरोपींना अटक केली होती.

[blurb content=””] (Gondia). नक्षलवाद्यांना साहित्य पुरवठा (supply of literature to Naxals) प्रकरणात गोंदियातील एका माजी नगरसेवकासह (Gondia corporator) तिघांना बालाघाट पोलिसांनी (Balaghat police) अटक केली आहे. या प्रकरणात यापूर्वी आठ आरोपींना अटक केली होती. त्यांच्या चौकशीतून मिळालेल्या माहितीवरून आणखी दोघांना अटक (arrest) केली होती. आतापर्यंत या प्रकरणातील आरोपींची संख्या १३ झाली आहे.

[read_also content=”नागपूर/ रेल्वे स्थानकावर दाम्पत्याला आढळलेला ‘तो’ बालक अमन नव्हे तर ‘आमिर’ निघाला; आधार कार्ड बनविताना लागला खऱ्या माता-पित्याचा शोध https://www.navarashtra.com/latest-news/hi-found-by-the-couple-at-the-railway-station-was-not-aman-but-amir-while-making-aadhar-card-the-search-for-real-parents-started-nrat-155460.html”]

नक्षलवादी मागील काही दिवसांपासून मध्य प्रदेशातील बालाघाट जिल्ह्यात दहशत पसरविण्याचा प्रयत्न करीत आहे. नक्षलवाद्यांना साहित्य पुरवठा करणाऱ्या ८ आरोपींनी किरनापूर पोलिसांनी अलीकडेच ताब्यात घेतले होते. त्यात गोंदिया जिल्ह्यातील घनश्याम आचले व विजय कोरेटी या दोघांचा समावेश होता. या प्रकरणाचा तपास करताना किरनापूर पोलिसांना आरोपींकडून मिळालेल्या माहितीच्या आधारावर आमगाव येथील वचन विजय खंडारे याला तर ८ जुलैला किरनापूर तालुक्यातील बोरबन येथील वरजूर गणपत उईके याला ताब्यात घेतले.

[read_also content=”नागपूर/ लसिकरण केंद्रावरील महिला कर्मचाऱ्यांना डांबून ठेवले; सायंकाळी साडेपाच नंतरही लसिकरण सुरूच ठेवण्याचा धरला हट्ट https://www.navarashtra.com/latest-news/women-staff-at-the-immunization-center-were-detained-he-insisted-on-continuing-the-vaccination-even-after-half-past-five-in-the-evening-nrat-155496.html”]

त्यानंतर बालाघाट पोलिसांनी याच प्रकरणात चौकशीकरिता गोंदियातील माजी नगरसेवक छत्रसाल उर्फ बंटी मोहन बानेवार (४८) रा. माडी मोहल्ला चावडी चौक छोटा गोंदिया तसेच लक्ष्मीनारायण उर्फ बाळू दिगंबर कुंभारे (५३) रा. साई खापर्डे कॉलनी, कुडवा व राजेश गोपीचंद पाटील (५१) रा. आंबेडकर चौक कुडवा या तिघांना अटक केली आहे.

ही कारवाई गोंदिया व बालाघाट पोलिसांनी संयुक्तरित्या केली आहे. गोंदियाचे पोलिस अधीक्षक विश्व पानसरे, बालाघाटचे पोलिस अधीक्षक अभिषेक तिवारी, नक्षलविरोधी अभियान पथक गोंदियाचे शरद पाटील, बालाघाटचे पोलिस उपनिरीक्षक उके यांनी केली. मुख्य आरोपीच्या सूचनेवरून लपवून ठेवण्यात आलेल्या साहित्यासह एक बंदूक व ४९० काडतूस चौकशीदरम्यान हस्तगत करण्यात आले. बोरबन जंगल परिसरातून हे साहित्य माओवाद्यांपर्यंत पोचविण्यात येणार होते.