मेट्रोमध्ये अचानक बॅगेतून पडले डझनभर साप; प्रवासी घाबरले नाही तर एकेएकाने पकडायला केली सुरुवात; Video Viral

Snake Video Viral : अरे बापरे... डझनभर साप मेट्रोच्या फर्शीवर पडले पण प्रवाशांना अजिबात वाटली नाही भिती. चीनमध्ये घडलेला हा प्रकार सध्या चांगलाच चर्चेत असून याचा व्हिडिओ सोशल मिडियावर सर्वांना थक्क करत आहे.

• मेट्रोमध्ये बॅगेतून डझनभर जिवंत साप फर्शीवर पडले.
• प्रवाशांनी न घाबरता साप पकडून मदत केली.
• व्हिडिओ सोशल मीडियावर प्रचंड व्हायरल.

साप हा एक विषारी प्राणी असला तरी सापाच्या सर्वच प्रजाती काही विषारी नसतात. भारतात सापांचे भय फार आहे पण बाहेरील काही देशांमध्ये सापाच्या सर्वच प्रजातींना धोकादायक मानले जात नाही. भारताचा शेजारील देश चीनमध्ये तर सापांना शिजवून देखील खाल्ले जाते. अशात चीनमधीलच एक व्हिडिओ अलिकडे इंटरनेटवर शेअर करण्यात आला आहे ज्यात रेल्वेतील एक घटना दाखवण्यात आली. चीनच्या मेट्रोत प्रवास करताना एका व्यक्तीच्या बॅगेतून असंख्य साप रेल्वेच्या फर्शीवर पडले आणि ते इकडे-तिकडे धावू लागले. आता भारतात जर अशी घटना घडली असती तर निश्चितच रेल्वेच्या डब्यात गोंधळ उडाला असता परंतु चीनच्या मेट्रोत दृष्य काही वेगळेच होते. सापांना सरपटताना पाहून चीनच्या मेट्रोतील लोक घाबरले नाही तर अनेक प्रवाशांनी पुढाकार घेत सापांना आपल्या हाताने पकडून देण्यास मदत केली.

५८ लाखांचं पॅकेज, घर-गाडी सगळं तरीही मुलगा मिळेना… चीनच्या ‘वधू बाजारात’ हंबरडा फोडून रडू लागली महिला; Video Viral

काय घडलं व्हिडिओत?

चायना पल्सने शेअर केलेल्या व्हिडिओनुसार, एक प्रवासी सबवेच्या फरशीवरून साप गोळा करताना दिसून आला. यावेळी मेट्रोच्या फरशीवर एक किंवा दोन नाही तर डझनभर जिवंत साप सरपटत असतात. मुख्य म्हणजे इतक्या सापांना पाहूनही एकही प्रवासी घाबरत नाही. सर्वजण फार शांतपणे बसलेले असते. पुढे जेव्हा साप सरपटत पळून जाण्याचा प्रयत्न करत असतात तेव्हा काही प्रवासी उठून त्या सापांना पकडू लागतात. प्रवासी व्यक्तीची मदत करतात आणि सरपटणाऱ्या सापांना आपल्या हाताने पकडून व्यक्तीच्या स्वाधीन करतात. व्हिडिओतील हे दृष्य पाहून सोशल मिडिया यूजर्स चांगलेच हादरले आहेत. जिथे सापांना पाहून आपली हवा टाईट होते तिथेच सापांना फार सामान्यपणे हाताळले जात आहे हे पाहून अनेकजण थक्क झाले. हा व्हिडिओ सोशल मिडियावर चांगलाच व्हायरल होत असून या घटनेमुळे सार्वजनिक वाहतुकीतून जिवंत प्राणी वाहून नेण्याबद्दल प्रश्न निर्माण झाले आहेत.

Snakes escape man’s bucket in Chinese metro No one is screaming or panicking, but helping pic.twitter.com/TrHFoSSMdc — RTVisual (@RT_Visual_on_X) August 19, 2026

कुकरच्या शिट्टीत लपवलं १ कोटींचं सोनं; दिल्ली विमानतळावर प्रवाशाचा भांडाफोड; Video Viral

दरम्यान घटनेचा हा व्हिडिओ @@RT_Visual_on_X नावाच्या एक्स अकाऊंटवर शेअर करण्यात आला आहे. व्हिडिओच्या कमेंट सेक्शनमध्ये अनेक यूजर्सने यातील दृष्यांवर आपले मत व्यक्त केले आहे. एका यूजरने म्हटले की, “अमेरिकन रेस्टॉरंटपेक्षा चिनी मेट्रो अधिक स्वच्छ दिसत आहे”, दुसऱ्या युजरने लिहिले आहे, “ते साप नाहीत रे भावा. ते ‘ईल्स’ (eels) आहेत – ‘राईस ईल्स’. शेतकऱ्याच्या हातून चुकून त्या बादल्या उलटल्या आणि ते सगळं खाली सांडलं. जर ते साप असते, तर लोक नक्कीच घाबरले असते”, आणखी एका यूजरने लिहिले आहे, “चीनमध्ये लोकांना सापाची नाही तर सापाला लोकांची भिती वाटते”.

टीप – हे व्हिडिओ सोशल मडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.