आरशात स्वत:ला बघून घाबरला अन् थेट केला विषारी वार, किंग कोब्राचा तो मजेदार Video Viral
Uttar Pradesh Viral News: चोरीचा संशय अन् थेट मुंडण! तरुणाला अशी का दिली ‘शिक्षा’?
आरशात पाहिले प्रतिबिंब
व्हायरल होत असलेल्या या व्हिडिओमध्ये एका सापाला पेटीत डांबून ठेवल्याचे दिसते. यात एक लहान साप शांतपणे बसलेला असतो आणि याचवेळी एक व्यक्ती त्याच्यासमोर आरसा आणून ठेवतो. सापासमोर हा आरसा ठेवताच साप हे नक्की काय आहे हे जाणून घेण्यासाठी त्याकडे पाहतो आणि त्यातील दृष्ये पाहून तो घाबरतो. खरंतर आरशात सापाला स्वत:चे प्रतिबिंब दिसत असते पण त्याला याची कल्पना नसते की यात दिसणारा प्राणी हा तो स्वत:च आहे.
आरशात स्वत:च्या प्रतिबिंबाला पाहून साप गोंधळात पडतो आणि त्याला वाटते की त्याच्यासमोर आणखी एक दुसरा साप येऊन बसला आहे. या भ्रमातच साप आरशातील स्वत:च्या प्रतिबिंबावर अचानक हल्ला करतो आणि त्याला मारण्याचा प्रयत्न करतो. व्हिडिओत साप आरशावर विषारी हल्ला करताना दिसतो. यानंतरही जेव्हा प्रतिबिंबावर त्याचा काही परिणाम झाल्याचे दिसत नाही तेव्हा आपल्या दातांनी तो आरशावर हल्ला करतो. समोर दिसणाऱ्या सापाला मारुन टाकण्याचा त्याचा उद्देश असतो पण तो साप म्हणजे त्याचेच प्रतिबिंब आहे हे शेवटपर्यंत त्याच्या ध्यानात येत नाही.
तज्ञांच्या मते, चिंपांझी किंवा डॉल्फिनप्रमाणे सापांमध्ये आरशात स्वतःला ओळखण्याची क्षमता नसते. साप आपल्या आजूबाजूच्या गोष्टी ओळखण्यासाठी दृष्टीपेक्षा वासाची जास्त मदत घेतो. आरशातील प्रतिबिंबाचा वास तर त्यांना येत नाही पण यातील दृष्ये पाहून त्यांना ते आपला शत्रू मानतात आणि स्वत:च्या बचावासाठी त्यांच्यावर हल्ला करतात. दरम्यान हा व्हिडिओ @wildlife.clash नावाच्या इंस्टाग्राम अकाऊंटवरुन शेअर करण्यात आला आहे. व्हिडिओवर अनेकांना कमेंट्स करत यातील दृष्यांवर आपले मत व्यक्त केले आहे. एका यूजरने म्हटले की, “AI असो वा नसो, तो साप मला ‘डायनासोर’ (Dinosaurs) मालिकेतील आजी झिल्डाची आठवण करून देतो”, दुसऱ्या युजरने लिहिले आहे, “अरे व्वा, हा तर खूपच आक्रमक साप आहे; याला स्वतःचे प्रतिबिंबही आवडत नाही!”, आणखी एका यूजरने लिहिले आहे, “मी असा साप आजवर कधीच पाहिला नाही”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
