भीषण लँडस्लाईडने नेपाळमध्ये खळबळ! एका सेकंदात पत्त्यांसारखी कोसळली घरे; थरारक Video Viral

नेपाळच्या मनांग जिल्ह्यातील चामे गावात मुसळधार पावसानंतर भूस्खलनाची धक्कादायक घटना घडली. डोंगरावरील एक घर काही क्षणांतच कोसळून जमिनीत गडप झाल्याचा VIDEO सोशल मीडियावर व्हायरल होत आहे. या घटनेमुळे परिसरात भीतीचे वातावरण निर्माण झाले आहे.

• मुसळधार पावसानंतर डोंगरावरील घर काही सेकंदांतच कोसळले
• मार्स्यांगडी नदीत चिखल आणि ढिगाऱ्यांचा मोठा प्रवाह आल्याची माहिती
• धक्कादायक VIDEO सोशल मीडियावर व्हायरल; नागरिकांना नदीजवळ न जाण्याचा इशारा

जेव्हा आपलं हसत-खेळतं घर एका क्षणात उद्धवस्त होतं तेव्हा मनाला फार दु:ख होतं. अशीच एक घटना अलिकडे सोशल मिडियावर शेअर करण्यात आली आहे ज्यातील दृष्ये पाहून कुणालाही अंगावर काटा येईल. घटना नेपाळमध्ये घडल्याची माहिती असून इथे एक घर पत्त्याच्या घराप्रमाणे एका सेकांदात कोसळ्याचे दृष्य दिसले. मूसळधार पावासामुळे नेपाळच्या मनांग जिल्ह्यातील चामे गावात निसर्गाचा भयंकर प्रकोप पहायला मिळाला. इथे डोंगरावर वसलेले एक घर एका क्षणातच जमिनदोस्त झाले. हे दृष्य तिथे उपस्थित एकाने आपल्या फोनच्या कॅमेरात कैद केले असून हा व्हिडिओ इंटरनेटवर सध्या चांगलाच ट्रेंड करत आहे.

Video Viral: अवघ्या ३-४ वर्षांच्या मुलांना रंग फासून भीक मागायला लावले? कल्याणमध्ये संतापजनक प्रकार, पोलिसांकडून तपास

नक्की काय घडलं?

नेपाळच्या मनांग जिल्ह्याचे मुख्यालय असलेल्या चामेमध्ये मुसळधार पावसाने हाहाकार माजवला होता. अशात २७ सप्टेंबर रोजी लोकांना काही समजण्यापूर्वीच जमिन कोसळण्यास सुरुवात झाली ज्यामुळे लोकांमध्ये एकच खळबळ उडाली आणि आपला जीव वाचवण्यासाठी नागरिक आरडाओरड करु लागले. नेपाळच्या मिडिया रिपोर्टनुसार, या भीषण भूस्खलनाचे कारण मार्स्यांगडी नदीत चिखल आणि ढिगाऱ्यांचा पूर येणे हा होता. यामुळे खालच्या भागात मोठा पूर आला आणि गंभीर परिस्थिती निर्माण झाली. तथापि, जिल्हा प्रशासन कार्यालयाने स्पष्ट केलं की, नदी पूर्णपणे बंद झालेली नाही, परंतु पाण्यासोबत मोठ्या प्रमाणात चिखल वाहत असल्याने परिस्थिती अत्यंत गंभीर आहे. प्रशासनाने नागरिकांनी नदीजवळ जाण्यास मनाई केली असून परिस्थिती हाताळण्याचे काम केले जात आहे.

A massive landslide has struck Nepal and the footage is hard to believe It looks like an entire mountain collapsed in seconds pic.twitter.com/P3vUPZMj6X — Surajit (@surajit_ghosh2) September 28, 2026

Viral Video: आईची माया निराळी!! पिल्लाची भूक पाहून हत्तीणीने हलवलं झाड, पुढचं दृश्य पाहून तुम्हीही हसाल

दरम्यान मागेच नेपाळमध्ये विनाशकारी स्थिती निर्माण झाली होती ज्यात देशाचे मोठे आर्थिक आणि मानवी नुकसान झाले. यातून देश सावरत असतानाच ही नवीन घटना घडून आली. दुसऱ्यांदा घडलेल्या या नैसर्गिक आपत्तीमुळे नेपाळची सुरक्षा आणि हवामान संकटाबद्दल पुन्हा एकदा गंभीर प्रश्न निर्माण झाले आहेत. या घटनेचा व्हिडिओ @surajit_ghosh2 नावाच्या एक्स अकाऊंटवर शेअर करण्यात आला आहे.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.