ग्रॅज्युएशनच्या आधीच मुलीचा मृत्यू; वडिलांनी कार्डबोर्ड कटआउटसोबत घेतली स्वीकारली डिग्री; हृदयस्पर्शी Video Viral

Heart Breaking Video : मुलीचं अपुरं स्वप्न वडिलांनी केलं पूर्ण... मुलीच्या कटआउटसोबत रिसिव्ह केलं ग्रेजुएशन सर्टीफिकेट. डोळ्यात दाटले अश्रू अन् व्हिडिओतील हृदयद्रावक दृष्ये पाहून यूजर्स झाले भावूक.

• ग्रॅज्युएशन सोहळ्याच्या अवघ्या महिनाभर आधी मुलीचा अपघाती मृत्यू झाला.
• मुलीच्या अनुपस्थितीत वडिलांनी तिच्या वतीने ग्रॅज्युएशन सर्टिफिकेट स्वीकारले.
• मुलीचा कार्डबोर्ड कटआउट तयार करून तिला पदवीदान सोहळ्यात प्रतिकात्मक उपस्थित करण्यात आले.

असं म्हणतात की, डोळ्यासमोर एकवेळ आई-वडिलांचे निधन पाहिले जाऊ शकते पण आपल्या हयातीत आपल्या मुलाचा मृत्यू पाहणे अनेक आई-वडिलांना जड जाते. वृद्ध आईवडिल मुलांच्या जाण्याचे हे दु:ख सहन करु शकत नाही ज्यामुळे ही परिस्थिती फार कठीण मानली जाते. लहानपणापासून पोटच्या मुलाला वाढवलं त्याच्या लहान-गोष्टीत भाग घेतला आणि जीवनाच्या अखेरिस जेव्हा आपल्याआधी तो जग सोडून जाते तेव्हा ती भावना शब्दात व्यक्त करण्यासारखी राहत नाही.

अलिकडे एका वडिलांचा व्हिडिओ सोशल मिडियावर वेगाने व्हायरल होत आहे ज्यात ते मृत मुलीचे ग्रॅज्युएशनचे सर्टीफिकेट कलेक्ट करताना दिसतात. ग्रॅज्युएशन आधीच मुलीचा मृत्यू झाल्याने मुलीच्या कार्डबोर्ड कटआउटसोबत ते काॅलेजमध्ये ते फोटो क्लिक करतात. ही घटना सध्या सोशल मिडियावर वेगाने व्हायरल होत असून फोटो आणि त्यातील वडिलांच्या भावना पाहून अनेकांना अश्रू अनावर झाले आहेत.

अरे ही तर खऱ्या आयुष्यातील रापुन्झेल… जगातील सर्वात लांब केसांची महिला, गिनिज वर्ल्ड बुकमध्येही पटकावले नाव

काय आहे प्रकरण?

माहितीनुसार, ही घटना फिलिपिन्समध्ये फिलिपिन्समध्ये घडून आली आहे. ग्रेजुएशन सेरेमनीच्या एक महिन्याआधी मुलीचा रस्ते अपघातात मृत्यू झाला. विद्यार्थीेनीचे नाव चेरिलिन काहिलिग (Cherilyn Cahilig) आहे. ठरलेल्या दिवशी समारंभ आयोजित करण्यात आला पण हे सर्टीफिकेट कलेक्ट करण्यासाठी मुलगी जिवंत राहिली नाही.

व्हिडिओमध्ये आपल्याला वडिल, त्यांच्या बाजूला मुलीचा कार्डबोर्ड कटआउट आणि हातात ग्रेजुएशन सर्टीफिकेट दिसून येते. बिझनेस मॅनेजमेंटची विद्यार्थिनी असलेल्या चेरिलिन काहिलिगने तिच्या पदवीदान समारंभात पदवी मिळवण्याचे स्वप्न पाहिले होते. पण नियतीने वेगळाच डाव साधला. चेरिलिनच्या मेहनतीचा आणि तिच्या अपूर्ण राहिलेल्या स्वप्नाचा सन्मान करण्यासाठी, विद्यापीठातील प्राध्यापकांनी आणि मित्रांनी एक विशेष उपक्रम हाती घेतला. त्यांनी पदवीदान समारंभाचा गाऊन आणि टोपी घातलेल्या चेरिलिनचा एक मानवाकृती कार्डबोर्ड कटआउट तयार केला, जेणेकरून ती प्रत्यक्ष उपस्थित न राहताही या कार्यक्रमाचा एक भाग होऊ शकेल.

See more

एक-दोन नाही तर बाईकवर बसवले चक्क ५०० हॉर्न! पोलिसांनी अ‍ॅक्शन मोड पाहून यूजर्स अवाक्, Video Viral

फोटोत चेरलीनच्या कटआउटसोबत तिचे वडिल आणि इतर कुटुंबिय हातात फुलांचा गुच्छ घेऊन उभे असल्याचे दिसते. वडिल शांत आणि स्थिर परिस्थितीत असतात पण खोलवर त्यांना जाणवत असलेली त्यांच्या मुलीची कमतरता ते इतरांना जाणवू देत नाहीत. ही घटना आता सोशल मिडियावर व्हायरल होत असून अनेकांनी यावर आपल्या प्रतिक्रिया व्यक्त केल्या आहेत. एका यूजरने म्हटले की, “वडिलांच बरोबर आहे, ते करत असताना त्यांना त्रास झाला असेल पण मला खात्री आहे की तिला निश्चितच हे पाहून अभिमान वाटला असता”, दुसऱ्या युजरने लिहिले आहे, “त्यांच्या डोळ्यातील त्या वेदना… पाहून खरंच वाईट वाटलं”, आणखी एका यूजरने लिहिले आहे, “हे अत्यंत हृदयद्रावक आहे. आपली मुलगी आता आपल्यासोबत नाही, हे समजण्यापेक्षा अधिक वेदनादायी दुसरे काहीही असू शकत नाही”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.