IAS अधिकारी पूजा खेडकर यांच्या आईचा पिस्तुल रोखत व्हिडिओ व्हायरल
मागील काही दिवसांपासून प्रशिक्षणार्थी IAS पूजा खेडकर चर्चेच्या वर्तुळामध्ये आल्या आहेत. पुण्यापासून त्यांच्या कारनाम्यांची चर्चा असून आता थेट दिल्लीमध्ये देखील चौकशी सुरु होणार आहे. पूजा खेडकर यांची पुण्यातून थेट बदली वाशीमला करण्यात आली. याठिकाणी त्यांनी कारभार स्वीकारला असून त्यांच्याबाबत रोज धक्कादायक बाब समोर येत आहे. सध्या सोशल मीडियावर त्यांच्या आई मनोरमा यांची गुंडागिरी करताना व्हिडिओ व्हायरल होत आहे. यामध्ये त्यांच्या हातात पिस्तुल असून ते त्या शेतकऱ्यांवर रोखताना दिसत आहे.
काल आयएएस अधिकारी पूजा खेडकर यांच्या आईचा पोलिसांवर आरेरावी करणारा व्हिडिओ समोर आला होता. यामध्ये चौकशीसाठी घरी आलेल्या पोलिसांवर त्या आरोप करत असल्याचे व धमकवत असल्याचे दिसून आले आहे. त्यानंतर मनोरमा खेडकर यांचा आणखी एक व्हिडिओ समोर आला आहे. व्हायरल व्हिडिओमध्ये मनोरमा खेडकर असल्याचा दावा केला जात आहे. व्हायरल व्हिडिओमध्ये दिसत आहे की, का गावातील काही शेतकऱ्यांवर मनोरमा खेडकर या दमदाटी करत आहेत. विशेष म्हणजे त्यांच्या हातात पिस्तुल दिसत असून त्यांच्यासोबत काही अंगरक्षक देखील आहेत. त्यांनी पिस्तुल रोखले आहे. हा व्हिडिओ वैभव कोकट या एक्स अकाऊंटवरुन शेअर करण्यात आलेला आहे.
Manorama Khedkar, mother of the infamous IAS officer Pooja Khedkar, was witnessed arrogantly challenging police personnel and reporters, while also making legal threats, following her attempt to take over land using a gun and private hired bouncers. It appears that the entire… pic.twitter.com/ZkuQnNRfNJ
— Vaibhav Kokat (@ivaibhavk) July 12, 2024
जमिनीच्या मालकी हक्कावरुन वाद
एका जमिनीच्या मालकी हक्कावरून हा वाद झाल्याचे सांगण्यात आले असून ही जमीन मुळशी येथील आहे. मुळशी तालुक्यातल्या धडवली गावातला असल्याचं सांगितलं जात आहे. धडवली गावात खेडकर कुटुंबाने 25 एकर जमीन खरेदी केली होती. मात्र, ती जमीन ताब्यात घेताना त्यांनी शेजाऱ्यांचीही जमीन ताब्यात घ्यायचा प्रयत्न केल्यामुळे तिथल्या गावकऱ्यांनी त्यावर आक्षेप घेतला आणि त्यातून हा वाद उद्भवला होता, असं सांगितलं जात आहे. मला कायदा सांगू नका, मला माहिती आहे सगळं, सातबाऱ्यावर माझं नाव आहे”, असे त्या व्हिडिओमध्ये म्हणत आहेत.
.png "Videos"){kind=small}
