भक्तीला शब्दांची गरज नसते! हत्ती झाला गणपतीच्या चरणी लीन, चक्क सोंडेने ताट उचलत केली आरती; अद्भुत Video Viral

Elephant Perform Aarti : काय सांगता, हत्तीने केली गणेशाची आरती... श्रद्धेचं अद्भुत दर्शन! मंदिराच्या गाभाऱ्यात पोहचताच गजराजाने आरतीचे ताट सोंडेत पकडलं अन् त्याची अपार भक्ती पाहून सर्वच आश्चर्यचकित झाले.

• हत्ती गणपतीची आरती करतानाचा व्हिडिओ सोशल मीडियावर व्हायरल.
• सोंडेत आरतीचे ताट पकडून भक्तिभावाने आरती करताना दिसतो गजराज.
• काही युजर्स भावूक, तर काहींनी हत्तीवर जबरदस्तीबाबत चिंता व्यक्त केली.

मानव जसा शब्दातून आपल्या भावना व्यक्त करू शकतो तसे प्राण्यांना करता येत नाही. पण याचा अर्थ प्राण्यांना भावना नाहीत असं नाही. अलीकडेच सोशल मीडियावर एक मजेदार व्हिडिओ व्हायरल झाला आहे ज्यात एक हत्ती भगवान गणपतीची आरती करताना दिसून आला. होय, तुम्ही बरोबर ऐकले… गजराजाला असे भक्तीत लीन होताना पाहून अनेकांना आश्चर्य वाटले तर काहींनी हे दृश्य आपल्या फोनच्या कॅमेरात कैद केले. इंटरनेटवर आता या घटनेचा व्हिडिओ वेगाने व्हायरल होत असून यातील दृश्यांवर अजिनाही अनेकांना विश्वास बसत नाहीये. चला व्हिडिओत काय दिसलं ते सविस्तर जाणून घेऊया.

बाप असावा तर असा…! सासरी छळ होतो म्हणून वडिलांनी वाजत-गाजत मुलीला आणलं माहेरी, पाहून युजर्सनेही केले कौतुक; Video Viral

काय दिसलं व्हिडिओत?

सोशल मीडियावर वेगाने व्हायरल होत असलेल्या या व्हिडिओमध्ये एका मंदिराच्या गाभाऱ्यात हत्ती गणेशाची आरती करताना दिसला. हत्तीने आपल्या सोंडेत आरतीचे ताट पकडलेले असते. हे ताट गोल गोल फिरवत तो मोठ्या भक्तिभावाने गणेशाची आरती करत असतो. भक्तीत तल्लीन झालेल्या हत्तीला पाहून आजूबाजूची लोकही थक्क झाली आणि लगेच सर्वांनी आपल्या फोनच्या कॅमेरात हे दृश्य कैद केले.

हिंदू धर्मात हत्तीला विशेष मान दिला जातो. पौराणिक कथेनुसार, जेव्हा शिवाने आपल्या त्रिशूळाने गणपतीचे डोके धडापासून वेगळे केले तेव्हा देवी पार्वती त्यांच्यावर नाराज झाल्या. यांनतर आपल्या गणांना आज्ञा दिली की, उत्तर दिशेकडे जाणारे जे पहिले प्राणी दिसेल त्याचे डोके मला आणून द्या. यावेळी हत्ती तिथून जात होता, त्यानंतर हत्तीचे शीर गणपतीला लावण्यात आले आणि गणेश पुन्हा जिवंत झाला. गणपतीला बुद्धीचा देवता मानलं जात. आजही गणेशाच्या प्रत्येक मूर्तीमध्ये त्याचे धड माणसाचे असले तरी शीर हे हत्तीचे असते.

See more

धुरंधरमधील अक्षय खन्नाच्या स्टाईलमध्ये बापाने साजरा केला मुलीच्या जन्माचा आनंद, स्वतः दिग्दर्शकाने कमेंट करत म्हटलं…Video Viral

व्हायरल होत असलेला हा व्हिडिओ नेमका कुठला आहे याची अद्याप कोणतीही माहिती मिळाली नाही. परंतु सोशल मीडियावरील अनेक प्लॅटफॉर्म्सवर हा व्हिडिओ वेगाने शेअर केला जात आहे. अनेक युजर्सने या व्हिडिओवर कमेंट्स करत या घटनेवर आपले मत व्यक्त केले आहे. एका युजरने लिहिले आहे,”गणपती बाप्पा मोरया” तर दुसऱ्या युजरने लिहिले आहे, “हे चांगलं नाही. हत्ती हे भक्तीपोटी नाही तर काय होईल या भीतीने करत आहे.”

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.