BRICS Summit : मोदींच्या गाला डिनरला जिनपिंग गैरहजर; ‘डिनर’ टाळल्याने चर्चांना उधाण!

BRICS Summit : BRICS शिखर परिषदेदरम्यान चीनचे राष्ट्राध्यक्ष शी जिनपिंग यांनी पंतप्रधान नरेंद्र मोदी यांच्या गाला डिनरला उपस्थिती लावली नाही. त्यांच्या अनुपस्थितीचे अधिकृत कारण स्पष्ट झालेले नसून, सूत्रांनुसार ते विश्रांतीसाठी हॉटेलवर परतले होते. त्यामुळे त्यांच्या डिनरमधील अनुपस्थितीभोवती राजनैतिक चर्चांना उधाण आले आहे.

• मोदी – जिनपिंग यांच्यात महत्वाची बैठक
• जिनपिंग डिनरला का गेले नाहीत
• गाला डिनरमध्ये काय खास होते

BRICS Summit : भारतात आयोजित करण्यात आलेल्या BRICS शिखर परिषदेदरम्यान चीनने राष्ट्राध्यक्ष शी जिनपिंग यांनी पंतप्रधान नरेंद्र मोदी यांनी आयोजित केलेल्या गाला डिनरला उपस्थिती लावली नाही . जिनपिंग शनिवारी नवी दिल्लीत दाखल झाले .

BRICS परिषदेत सहभागी झाले आणि त्यानंतर पंतप्रधान मोदींसोबत द्विपक्षीय बैठकही केली . मात्र त्यानंतर भारत मंडपम येथे झालेल्या विशेष गाला डिनरमध्ये ते सहभागी झाले नाहीत . त्यांच्या अनुपस्थितीमुळे राजकीय आणि राजनैतिक वर्तुळात चर्चाना सुरवात झाली आहे .

मोदी – जिनपिंग यांच्यात महत्वाची बैठक

BRICS परिषदेदरम्यान मोदी आणि जिनपिंग यांच्यात महत्वाची चर्चा झाली . भारत – चीन संबंध , सीमावाद व्यापार आणि आर्थिक सहकार्य या मुद्यांवर दोन्ही नेत्यांमध्ये संवाद झाला . दोन्ही देशांनी मतभेद व्यवस्थापित करत संबंध पुढे नेण्याची गरज व्यक्त केली . २०२० नंतर तणावपूर्ण झालेल्या भारत – चीन संबंधामध्ये मागील काही काळापासून सावधपणे सुधारणा करण्याचे प्रयत्न सुरु आहे .

Bangsamoro Elections : ५ दशकांचा रक्तपात, १.२० लाख बळी; आता मतपेटीतून नवा इतिहास!

जिनपिंग डिनरला का गेले नाहीत

गाला डिनरला जिनपिंग गैरहजर राहण्यामागचे अधिकृत कारण भारत किंवा चीनकडून जाहीर करण्यात आलेले नाही . मात्र सूत्रांच्या माहितीनुसार , दिवसभराच्या BRICS बैठका आणि मोदींसोबतच्या द्विपक्षीय चर्चेनंतर हॉटेलवर विश्रांतीसाठी परतले असावेत . त्यामुळे त्यांच्या अनुपस्थितीचा थेट राजनैतिक नाराजीशी संबंध जोडणे सध्या योग्य ठरणार नाही .

दरम्यान जिनपिंग यांच्यासोबत अबूधाबीचे क्राऊन प्रिन्स शेख खालिद बिन मोहम्मद झायेद अल नाहयान हे देखील डिनरला उपस्थित न्हवते . ते BRICS परिषदेनंतर यूएईला रवाना झाले होते . त्यामुळे जिनपिंग यांच्या अनुपस्थितीला एकट्याने राजनैतिक संकेत मानण्यापूर्वी इतर घटकही लक्षात घेणे महत्वाचे आहे .

Strait of Hormuz : आखातात पुन्हा तणाव! जहाजावर हल्ला; एकाचा मृत्यू, तेलपुरवठ्याची चिंता वाढली

गाला डिनरमध्ये काय खास होते

पंतप्रधान मोदींनी आयोजित केलेल्या या गाला डिनरमध्ये BRICS देशांचे नेते , सहभागी देशांचे प्रतिनिधी आणि विविध आंतराष्ट्रीय संस्थांचे प्रतिनिधी सहभागी झाले . रशियाचे राष्ट्राध्यक्ष व्लादिमिर पुतिन यांच्यासह अनेक मान्यवर या कार्यक्रमाला उपस्थित होते . डिनरमध्ये भारतीय खाद्यसंस्कृतीच्या खास अनुभव देण्यासाठी पनीर लबाबदार , मिलेट पुलाव , खांडवी , खुंब गलौटी आणि शहतूत फिरणी यांसारखे पदार्थ ठेवण्यात आले होते .

जिनपिंग यांच्या डिनरमधील सहभाग नसणे चर्चेला विषय ठरले असले तरी त्यामागे राजनैतिक कारण असल्याचे अद्याप अधिकृतपणे समोर आलेले नाही . विशेष म्हणजे त्याच दिवशी मोदी जिनपिंग यांच्यात प्रत्यक्ष द्विपक्षीय चर्चा झाल्याने दोन्ही देशांमधील संवादाची प्रक्रिया सुरु असल्याचे चित्र आहे .