डॉलर घसरला! अमेरिकेन अर्थव्यवस्था धोक्यात, ट्रम्पची टॅरिफ योजना ठरतेय एक मोठे जागतिक संकट

US Tariff Policy: यूएस टॅरिफ पॉलिसी: अमेरिकेचे अध्यक्ष डोनाल्ड ट्रम्प यांच्या मते, अमेरिका टॅरिफ पॉलिसीवर चांगले काम करत आहे. शी जिनपिंग म्हणाले की, अमेरिकेला विरोध करण्यासाठी चीन आणि युरोपने हातमिळवणी करावी.

वॉशिंग्टन / बीजिंग – अमेरिकेचे माजी अध्यक्ष डोनाल्ड ट्रम्प यांच्या नव्या टॅरिफ धोरणामुळे जागतिक आर्थिक वातावरण ढवळून निघाले असून, अमेरिकेच्या अर्थव्यवस्थेवरही त्याचे गंभीर परिणाम दिसू लागले आहेत. डॉलरची किंमत युरोच्या तुलनेत तीन वर्षांतील नीचांकी पातळीवर पोहोचली आहे, तर जगभरातील बाजारात अस्थिरता निर्माण झाली आहे. ट्रम्प यांच्या या धोरणावर चीनने तीव्र प्रतिक्रिया देत युरोपसोबत संयुक्त आर्थिक लढ्याचा इशारा दिला आहे.

ट्रम्प यांची टॅरिफ योजना, अमेरिका आणि जगासाठी ‘रोमांचक’?

डोनाल्ड ट्रम्प यांनी त्यांच्या सोशल मीडिया प्लॅटफॉर्म ‘ट्रुथ’ वर पोस्ट करत सांगितले की, “अमेरिका आमच्या टॅरिफ धोरणावर खूप चांगले काम करत आहे. हे धोरण अमेरिका आणि जगासाठीही रोमांचक ठरेल.” त्यांनी याला गतीशील आर्थिक धोरण असे संबोधले. मात्र, ट्रम्प यांच्या या दाव्याशी विरोधक आणि आंतरराष्ट्रीय अर्थतज्ज्ञ सहमत नाहीत. वास्तविक, ट्रम्प यांनी चीनमधून आयात होणाऱ्या उत्पादनांवर 145% पर्यंत आयात शुल्क लावण्याची घोषणा केली, त्यामुळे व्यापारात असंतुलन निर्माण झाले. यामुळे डॉलरमध्ये मोठी घसरण झाली आणि अमेरिकन बाजारात अनिश्चितता वाढली आहे.

जागतिक घडामोडी संबंधित बातम्या वाचण्यासाठी येथे क्लिक करा : हजारो करोडपती का सोडत आहेत लंडन? अहवालात धक्कादायक माहिती आली समोर

See more

The dollar is taking a serious hit right now:

• DXY just broke under 100, down -8.6% in 3 months
•USD/JPY down -9.5% over the same period
•USD/EUR down nearly -10%

The Fed is cornered right now..
Can’t hike, can’t cut.
The world is rejecting the U.S. debt
And the dollar is… pic.twitter.com/JvZW11D7uC

— Han Akamatsu 赤松 (@Han_Akamatsu) April 11, 2025

credit : social media

शी जिनपिंग यांची स्पष्ट भूमिका – एकतर्फी धोरणांना विरोध

चीनचे राष्ट्राध्यक्ष शी जिनपिंग यांनी ट्रम्पच्या टॅरिफ धोरणावर तीव्र प्रतिक्रिया देत म्हटले की, “चीन आणि युरोपने त्यांच्या आंतरराष्ट्रीय जबाबदाऱ्या एकत्रितपणे पार पाडाव्यात आणि अमेरिकेच्या एकतर्फी, धमकी देणाऱ्या धोरणांना विरोध करावा.” हे वक्तव्य ट्रम्प यांच्या आर्थिक धोरणावर जागतिक स्वरूपाचा आक्षेप असल्याचे मानले जात आहे. विश्लेषकांच्या मते, चीन आणि युरोप ही एकजूट जागतिक व्यापारात अमेरिका विरुद्ध स्वतंत्र धोरण आखू शकते.

टॅरिफ वॉर – आता प्रतिउत्तराच्या टप्प्यावर

ट्रम्प प्रशासनाच्या टॅरिफ वाढीनंतर चीननेही अमेरिकन उत्पादनांवरील आयात शुल्क 125% पर्यंत वाढवले आहे. चीनच्या सीमाशुल्क आयोगाने ही घोषणा करत म्हटले, “जर अमेरिका अजून टॅरिफ वाढवते, तर त्याचा आर्थिक अर्थ राहणार नाही आणि इतिहासात ही कृती विनोदी ठरेल.”

चीनने याशिवाय WTO मध्ये अमेरिकेविरुद्ध अधिकृत तक्रार दाखल केली आहे, आणि हे प्रकरण आंतरराष्ट्रीय व्यासपीठावर नेण्याचा निर्धार केला आहे. चीनच्या वाणिज्य मंत्रालयाने स्पष्ट शब्दांत सांगितले की, “आमच्या हितसंबंधांना कुणीही धक्का दिला, तर आम्ही शेवटपर्यंत लढा देऊ.”

जागतिक आर्थिक संकटाची शक्यता

आंतरराष्ट्रीय तज्ज्ञांच्या मते, अमेरिका आणि चीनमधील हे व्यापार युद्ध केवळ द्विपक्षीय नव्हे तर जागतिक अर्थव्यवस्थेच्या स्थैर्यावर परिणाम करणारे आहे. अमेरिका आधीच 75 देशांना टॅरिफ सवलत देत होती, परंतु चीनविरोधातील आक्रमक धोरणामुळे मुक्त व्यापाराच्या तत्वांना धक्का बसला आहे. या सगळ्या घडामोडींमध्ये डॉलरमध्ये घसरण आणि बाजारातील अस्थिरतेने अमेरिकेच्या आर्थिक आरोग्याबाबत चिंतेचे वळसे वाढवले आहेत. चीन आणि युरोपची एकजूट आणि अमेरिकेविरोधात उभे राहत असलेले नवीन आर्थिक समीकरण हे जागतिक व्यापारासाठी एक मोठे संकट ठरू शकते.

जागतिक घडामोडी संबंधित बातम्या वाचण्यासाठी येथे क्लिक करा : ‘कटेंगे-बटेंगे’ तर यूएसच्या कॉलेजातून बाहेर; सोशल मीडियावर यहुदींविरुद्ध पोस्ट करणाऱ्यांवर कडक नजर

अमेरिकेच्या आर्थिक नेतृत्वावर प्रश्नचिन्ह

डोनाल्ड ट्रम्प यांच्या टॅरिफ धोरणामुळे अमेरिकेच्या आर्थिक नेतृत्वावर प्रश्नचिन्ह निर्माण झाले आहे. डॉलरची घसरण, जागतिक बाजारातील अस्थिरता आणि चीनचा तीव्र प्रतिसाद पाहता, ही टॅरिफ योजना आता जागतिक अर्थव्यवस्थेसाठी मोठे संकट ठरू शकते. यावर तोडगा शोधण्यासाठी बहुपक्षीय संवादाची आणि संयमाची गरज आहे, अन्यथा जागतिक आर्थिक इतिहासात ही लढाई ‘टॅरिफ विनोद’ म्हणून ओळखली जाऊ शकते.