पाकिस्तानी लष्कराच्या (Pakistan Army) सियालकोट (Sialkot) लष्करी तळावर (Cantonment Area) स्फोट (Blasts) झाले आहेत. त्यामुळे झालेल्या नुकसानीबाबत सध्या फारशी माहिती मिळालेली नाही. स्फोटांचे आवाज अनेक किलोमीटर दूर ऐकू आल्याचे स्थानिक माध्यमांनी सांगितले.
पाकिस्तानी वृत्तपत्र डेली मिलापचे संपादक ऋषी सुरी यांनी ट्विट केले की, सियालकोटच्या लष्करी तळावर अनेक स्फोट झाले आहेत. हा शस्त्रसाठा असल्याचे प्राथमिक तपासात समोर आले आहे. सर्वत्र ज्वाळा दिसत आहेत. या घटनेची कारणे अद्याप समजू शकलेली नाहीत.
या घटनेत आतापर्यंत कोणाचाही मृत्यू झाला नसल्याचे स्थानिकांचे म्हणणे आहे. अद्याप या स्फोटांबाबत पाकिस्तानी लष्कराकडून कोणतेही वक्तव्य आलेले नाही.
उत्तर पाकिस्तानमध्ये असलेल्या सियालकोटमध्ये त्यांच्या सैन्याचा मोठा तळ आहे. सियालकोट कँट क्षेत्र हा पाकिस्तानमधील सर्वात जुना आणि महत्त्वाचा छावणी क्षेत्र आहे. १८५२ मध्ये ब्रिटिश इंडियन आर्मीने त्याची स्थापना केली होती.
अलीकडेच पाकिस्तानातील पेशावरमध्ये एका मशिदीत शुक्रवारच्या नमाजाच्या वेळी आत्मघाती हल्ला झाला. यामध्ये ५६ नमाज्यांचा मृत्यू झाला. तर १९० हून अधिक लोक जखमी झाले आहेत. पेशावर पोलिसांनी दिलेल्या माहितीनुसार, शहरातील किस्सा ख्वानी मार्केटमधील मशिदीत दोन हल्लेखोरांनी घुसण्याचा प्रयत्न केला. थांबल्यावर त्यांनी तिथे उभ्या असलेल्या पोलिसांवर गोळीबार केला. एका पोलिसाचा मृत्यू झाला. एक हल्लेखोरही ठार झाला. या गोळीबारात आणखी एक पोलीस गंभीर जखमी झाला आहे. दरम्यान, एकटा वाचलेला मशिदीत घुसला आणि त्याने स्वत:ला उडवले.
.png "Videos"){kind=small}
