मालदीवच्या समुद्रात रेमंडचे प्रमुख ‘Gautam Singhania’ यांची स्पीडबोट उलटली; ‘The Flying Sikh’ बेपत्ता, वाचा नेमक काय घडलं?

Gautam Singhania Accident : ही घटना मालदीवची राजधानी मालेपासून सुमारे ७५ किलोमीटर अंतरावर, फेलिधू बेटाजवळ रात्री ११ वाजण्याच्या सुमारास घडली. किनाऱ्यापासून सुमारे २ सागरी मैल अंतरावर स्पीडबोट उलटली.

• मालदीवमध्ये भीषण अपघात
• दोन भारतीय बेपत्ता
• ब्रीच कँडीत उपचार

Gautam Singhania Boat Accident Maldives : साहस आणि वेगाची आवड कधी जीवावर बेतेल हे सांगता येत नाही. भारताचे दिग्गज उद्योगपती आणि रेमंड समूहाचे सर्वेसर्वा गौतम सिंघानिया (Gautam Singhania) यांच्यासोबत मालदीवच्या सहलीदरम्यान एक अत्यंत भीषण दुर्घटना घडली आहे. मालदीवमधील फेलिधू बेटाजवळ सिंघानिया यांची स्पीडबोट समुद्रात अनियंत्रित होऊन उलटली. या अपघातात सिंघानिया थोडक्यात बचावले असले, तरी त्यांचे जवळचे मित्र आणि भारताचे महान रॅली ड्रायव्हर अद्याप बेपत्ता असल्याने खळबळ उडाली आहे.

रात्री ११ ची ती भयानक वेळ आणि समुद्राचा कोप

मिळालेल्या माहितीनुसार, ही घटना मालदीवची राजधानी मालेपासून सुमारे ७५ किलोमीटर अंतरावर असलेल्या फेलिधू बेटाजवळ रात्री ११ वाजण्याच्या सुमारास घडली. सिंघानिया आणि त्यांचे मित्र एका वेगवान स्पीडबोटमधून प्रवास करत होते. किनाऱ्यापासून साधारण २ सागरी मैल अंतरावर असताना समुद्रातील प्रचंड लाटांमुळे किंवा तांत्रिक बिघाडामुळे बोट अनियंत्रित झाली आणि क्षणात पालथी झाली. बोटीत एकूण ७ जण होते, ज्यात ५ भारतीय, एक ब्रिटीश आणि एक रशियन नागरिक होता.

जागतिक घडामोडी संबंधित बातम्या वाचण्यासाठी येथे क्लिक करा : Iran-US War: नाटोच्या शेकडो सैनिकांनी रातोरात सोडला इराक; थांबवले ‘Advisory Mission’, पाहा काय आहे कारण?

गौतम सिंघानिया मुंबईत दाखल, ब्रीच कँडीत उपचार सुरू

अपघातानंतर मालदीव तटरक्षक दलाने तात्काळ धाव घेत बचावकार्य सुरू केले. गौतम सिंघानिया यांना सुखरूप बाहेर काढण्यात आले. त्यांना काही ओरखडे आणि किरकोळ जखमा झाल्या होत्या. प्राथमिक उपचारानंतर त्यांना तातडीने विशेष विमानाने मालदीवमधून मुंबईत आणले गेले. सध्या ते दक्षिण मुंबईतील प्रसिद्ध ब्रीच कँडी रुग्णालयात (Breach Candy Hospital) दाखल असून तज्ज्ञ डॉक्टरांच्या देखरेखीखाली आहेत. रुग्णालयाच्या सूत्रांनी दिलेल्या माहितीनुसार, त्यांची प्रकृती आता स्थिर असून काळजी करण्याचे कारण नाही.

See more

Raymond’s Gautam Singhania Injured As Speedboat Overturns In Maldives https://t.co/6qSLX0Rg49 pic.twitter.com/KuKzbm9WGj — NDTV (@ndtv) March 20, 2026

credit – social media and Twitter

‘द फ्लाइंग सिख’ हरी सिंग यांच्यासाठी शोधमोहीम

या अपघातातील सर्वात मोठी आणि चिंतेची बाब म्हणजे हरी सिंग (Hari Singh) यांचे बेपत्ता होणे. ५ वेळा ‘इंडियन नॅशनल रॅली चॅम्पियन’ राहिलेले आणि ‘द फ्लाइंग सिख’ म्हणून ओळखले जाणारे हरी सिंग हे सिंघानिया यांचे अत्यंत जवळचे मित्र आणि सल्लागार आहेत. अपघाताच्या वेळी ते त्याच बोटीत होते. मालदीवचे बचाव पथक आणि तटरक्षक दल रात्रंदिवस त्यांचा शोध घेत आहे, मात्र अद्याप त्यांचा कोणताही पत्ता लागलेला नाही. बराच काळ लोटल्याने आता त्यांच्या सुरक्षिततेबाबत भीती व्यक्त केली जात आहे.

जागतिक घडामोडी संबंधित बातम्या वाचण्यासाठी येथे क्लिक करा : LPG Supply: होर्मुझच्या मृत्यूघंटेतून भारतीय जहाजांचा थरारक प्रवास; भारताचे आणखी दोन ‘गॅस टँकर’ रणांगणात उतरणार

वेगाचं वेड आणि मालदीवचा धोकादायक सागरी मार्ग

गौतम सिंघानिया यांना गाड्या आणि बोटींच्या वेगाचे प्रचंड वेड आहे. ते स्वतः एक व्यावसायिक रेसर आहेत. ज्या फेलिधू बेटाजवळ हा अपघात झाला, तो भाग स्कूबा डायव्हिंगसाठी प्रसिद्ध असला तरी तिथल्या समुद्रातील लाटा अत्यंत अनिश्चित असतात. तांत्रिक बिघाडामुळे बोट उलटली की मानवी चुकीमुळे, याचा तपास मालदीवचे स्थानिक प्रशासन करत आहे.

सिंघानिया यांच्या प्रवक्त्यांनी चाहत्यांना आणि हितचिंतकांना शांत राहण्याचे आवाहन केले असून बेपत्ता असलेल्या लोकांसाठी प्रार्थना करण्याची विनंती केली आहे. भारताचे परराष्ट्र मंत्रालय देखील मालदीव सरकारशी सातत्याने संपर्कात असून शोधमोहीम वेगवान करण्यासाठी प्रयत्न करत आहे.